موضعي شوي طويل بس بليز اقروا الموضوع وردو علي واتفهموا معاناتي ..
انا عندي مشكلة بالنسبة الي جدا صعبة واتمنى كل ام تقراها واذا تقدر اتساعدني
عندي ولد عمره خمس سنوات ونص وهو جدا طبيعي ماعنده اي مشكلة لكنه جدا خواف ومشكلة ثانية يتكلم لكن كلامه مشتت الي مايعرفه مايقدر يفهمه ولايقدر ان ياتي بجملة كاملة مع ان عمره مش صغير وشي ثاني مادخلنها المدرسة لان مثل ماقلت جدا خواف ومايفهم وايد يعني احسه اذا دخل المدرسة ماراح يفهم للمعلمة فهمه جدا بطئ تصوروا 10ايام وانا ادرسه الاعداد من 0 الى 3
الى جانب ذلك اقوله قل باسم الله الرحمن الرحيم مايقدر يقول باسم الله بس
يعني اذا دخل المدرسة راح يمشي فيها بصعوبة
انا مااقول ابني غبي لا بالعكس في اشياء يقدر ايسويها مايقدرلها الاطفال الثانين
مثل التقليد حيث انه يقلد حركات جده وكان جده هو اللي جالس جدامنا
ويقلد ناس ثانين
في شي ثاني ان عنده تبول لاارادي دايما يعني جنني
والشي الاخير مايقدر يلبس بنطلونه ال وحدو ولا يقدر ينزل بنطلونه احس عضلات ايديه تعبانة
لكن اذكر ابني جدا طبيعي كاي طفل عادي ولكن صعب التعامل معاه
ساعدوني الله يجازيكم كل خير
يستقل بذاته وصدقيني راح اتشوفينه تغير للاحسن لانو راح يحتك بغيره من الاطفال وراح يتكلم كويس بس انتي لاتحاتينه لان ساعات خوف الام هو اللي يتسبب بمثل ذي الحالات وغير ذا اطلعي معاه الحدايق العامة وخليه يشارك الاطفال في الللعب واح تشوفين الفرق ومسألة الخوف هذي اعتقد انها طبيعية وخاصة اذا كان ملازمك على طول واذا حسيتيه راح يبكي في الحضانة ومايرضى يتركك اصبري عليه لو ان شاء الله كل يوم تروحين معاه
والمدرسات راح يساعدونك لانهم متخصصين في ذي الامور وان شاء الله مايصير الا الخير
يمكن أبنك دائما معك ماتخليه يختلط مع الآخرين وماتخليه يعتمد على نفسه كله تحسسيه أنه مايعرف يسوي شيء وأنتي تقومين بكل متطلباته وشكلل شديده عليه لأن للعاما النفسي دور كبير في الخوف والتبول الاأرادي
ومن رأيي خليه يروح المدرسه عادي وهم يقررون
ليش ما تستشيرين استشاري متخصص في مشاكل الاطفال
اذا عندكم مركز استشارات عائلي اكيد بيكون فيه ناس متخصصين بمثل هالمشاكل
ومثل ما قالوا الخوات خوف الام الزايد على طفلها (خاصة البكر ) ينعكس على الطفل بشكل سلبي
ويخليه يخاف من التعامل مع الغير من غير مشكلة التبول اللاإرادي ومشاكل النطق
وصدقيني كل هالمشاكل بتخف مع دخوله المدرسة واندماجه مع الاطفال اللي من سنه
وبالتوفيق
انا رايي مثل الاخوات دخلليه مدرسة انتي لا تحكمي عليه ممكن كتييير انه يتعلم وبشكل راائع
ولو تسجليه بسرعة يكون افضل دخليه كي جي 1 وخلليه يتعلم براااحته عندك هلا ترم ثاني دخليه
والله بتشوفي تحسن كبيييير فيه لان الطفل بيتعلم من غيره من الاطفال ووصي المدرسة عليه
وبالنسبة للتبول اعرضيه على دكتور افضل وبامكانك تعطيه ملعقة عسل كبيرة قبل لا ينام بتفيده ان شالله
وبالنسبة لضعف عضلاته جيبيله كور من تويز ار اص تكون لينة ويلعب فيها بالضغط عليها بتقوى عضلاته اكثر
وشوفي كيف غذاه هل يشرب حليب بيض سمك كلها تقوي من جسمه
وان شالله يصير ويكون من اللي تتمني وربي يخليه
يعني السنة الجاية يروح اول ابتدائي اشلون لحين ما خليتينه يروح الروضة
اسرعي بتسجيله للروضة والتعليم اذا مع جماعة وية اطفال في عمره يصير اسهل من اذا بروحه
وبالنسبة للخوف واعتماده عليج فانا اعاني مع ولدي هذا الشي لانه ولدي الوحيد
وانا اخاف عليه من كل شي وهو معتمد علي في كل شي تقريبا
بس انا ولدي عمره ثلاث سنوات ونص والسنة الجاية بخليه يروح الروضة
انتي غلطي ان خليتي ولدج يوصل الى هالعمر وهو قاعد في البيت وما راح الروضة
يعني انجان شخصيته تغيرت لانة ابتعد عنك واحتك مع اطفال في عمره
سجليه فى روضه فى اقرب فرصه ومع الايام بتشوفينه تغير اكثير احنا من كثر خوفنا على اعيالنا كله عبالنا انهم للحين اصغار ومابيعرفوا شي بس هم عندهم نسبه ذكاء عاليه خليه يندمج مع حوله وشوفى الاشياء الى يخاف منها وشجعيه انه ما اخاف وفهميه انه خلاص صار رجال كبير ما اخاف وحاولى معها مره وثنين وثلاث بتلاقينه خلاص تعود وله اخاف
بس انا متأكده ان طفلك الله يخليه متعلق فيك بشكل كبير
معتمد عليك بفهمك لكلامه وتغير ملابسه وخوفه الاساسي هو البعد عنك
لذالك اطلب منك انك ادخلينه المدرسه علشان ينفصل عنك
ويبدا بتكوين شخصيه مستقله عنك وعن البيت.
انا طفلي يخاف جدا بس الان هو افضل
وكان يرفض مسك القلم بس الحين يحاول يقلد اخته
والمدرسه لاحظة تحسنه
والسبب كان تعلقه بي