بنات عندي مشكله كبيره انا البيت عندي كله ارضيته جلد(فينيل) وبنتي الله يصلحها خربطت بالقلم الحبر الجاف في اغلب غرف البيت واستعملت اكثر من منظفات وأشياء أخرى من مثبت شعر وكلوركس وكلونيا ومسحة طبية ومنظف زجاج ومزيل مناكير ومعجون أسنان ولا فيه فايدة وحتى كمان ملح ليمون وخل
ولا في فايده اللي عندها الحل او
جربت شي ونفع معها تعطيني الحل
الله يعديها يارب
عليج ياختي بتغييييره هذا الحل
بس ماشاء الله عليج ماخليتي شي سويييتيه ماشاء الله زين اللي ماذاب الفيينيل 
امزح معج بس الله يكون بعونج
والله أختي من حرتي ماخليت شيء بس أنا ودي لو أحد يعرف مستحضر خاص يتظيف الفينيل يدلني خللاص بموت من القهررررر يالله بانتظار البقية ومشكورة أختي على الرد
هلا … انا استخدم منظف ملابس اسمه فانش مزيل بقع للملابس الملونه تراه فعال فيه منه حق سجاد بخه نفس الشئ حلوه استخدمي اي واحد فيهم وان شاء الله يفيد ..
تحياتي …….
أختي أنا قرات عن فانش بس أنه يقولوا للسجاد والملابس بس أنا أبيه للأرضية وهي فينيل أوبعضهم يسموه جلد أو مشمع ماأدري ممكن ينفع مع الجلد أرجو الرد
جربيه ماراح تخسرين شي وردي لنا خبر بصراحه شلت همك والله
هلا … اعتقد انه مايخرب الفينيل واذا خايفه منه جربي في مساحه صغيره واذا صلح كملي ..واعتقد هم الممحاة المساحه حق القلم الرصاص تنظف الفينيل … تحياتي
حبيت اساعدج بس بصراحة ما عندي الحل
ماعندي اي فكرة لكن بحثت لك في النت وشوفي النتايج اللي طلعت معاي
– عند تنظيف الأرضيات "الفينيل" وتلميعها أحضري قطعة قماش مغموسة في الخل المركز، أو في مسحوق الغسالة الأوتوماتيك وضعي قطعة القماش على المكان المراد واتركيها عشر دقائق ثم امسحيها فتزول تمامًا.
العناية بالفينيل :
1- تنظيف اي اتربة عليه دوما ..
2- مسحه بلطف وعدم استخدام المنظفات القوية عليه مثل الفلاش وغيره ..
3- يوجد منظفات خاصه للفينيل يمكنكِ استخدامها ولكن في حال اردتي تنظيفه بمايتوفر لديك فلا تستخدمي صابون ذا حبيبات حتى لاتخدشيه واقصد بذلك التايد او غيره بل استخدمي منظفات سائلة ولايوضع منها الانسبة بسيطة بعد تخفيفها جيدا بالماء وتجفيف الارضية جيدا بعد ذلك ..
4- لاتقومي بسحب الاثاث بشده فوق ارضيات الفينيل فهو معرض للخدوش واحيانا الشقوق لو كانت عملية السحب قويه ,,
5- حمايته من اي اقلام او مواد حادة حتى لاتؤثر عليه ..
أخواتي شكرا لكم على الرد بالنسبة لفانش بحاول أجربه لكن ماأظن أنه بينفع لأنه جربت كلوركس وايض كاز ومانفع وبالنسبة للكاز لاحظت أنه يخفف لكن بعد الدعك وبصعوبة بالغة أنا بحاول أجرب فلاش على منطقة صغيرة وأشوف ايش يصير معاي يلا بانتظار باقي الاقتراحات