اريد ابدأ بمشروعي بس الاهل ما يشجعون!! 2024.

السلااااااااام عليكم .. هاذي اول مشاركه لي في هذا القسم .. انا مخلصه جامعه وعندي ولدين
وماريد اشتغل برع البيت لاني ماحب اترك عيالي .. وانا احب الطبخ وخاطري اسوي حلويات وابيعها.
بس المشكله ان الاهل اللي حوالي ما يشجعون .. واذا عرفوا اني انا اللي مسويه الحلويات محد
بيشتري !! لااااااا وبيقولون ( ليش تبيع حلويات ؟؟ اكيد زوجها مقصر وياااااااها !! ) ما يعرفون اني اريد
اشغل نفسي واريد يكون لي دخل !! ……… فارجوكم ساعدوني ماعرف كيف ابيع بدون ما يعرفون ؟؟ .. انا من الامارات .. عطوووووووني افكار الله يخليكم :confused:

صيري واثقة من نفسج ولاتلتفتي لكلام الناس
بالعكس بقولون جيده وسنعة بقرارة نفسهم
وابدي وتوكلي على الله عمر التجارة مافيها عيب

الله ييسر ليك حبوبة ويوفقك…………. اول شيء اعملي حلويات وخلي ربيعاتك والاهل يذوقون منها وتكون كدعاية لكي …وممكن بالنت …..بس الاسعار تكون مدروسة حتى تسوين زباين

اما بالنسبة للاهل ماعليك من كلامهم مدام زوجك مب رافض الفكرة ………والاهل بعدين يتقبلون الفكرة ……..والتجارة كلها بركة وخير.الله ييسر لك ويوفقك

توكلي على الله اختي اذا انتي مستعدة وياما حريم كانت بدايتهم صعبة مع اهاليهم
بس بعدين تقبلوا الوضع وصاروا يشجعونهم

واهم شي اذا اهلج رافضين لاتقولين لهم مب لازم يعرفون واذا حابه تبيعين لهم
(تقدرين تقولين وحدة تسوي وحطي لج اسم مستعار )خخخخ

وانا من رايي تبدين في المنتديات علشان تنشهرين اسرع ومحد يعرفج

يعني تنزلين صور الحلويات اللي انتي تضبطينها وتحطين حجم الصينية والسعر

وبالنسبة لرقم التليفون يفضل يكون رقم خاص بالطلبات
>>>> علشان محد يعرف من اهلج وقرايبج >>>>>طبعا اذا عندج استطاعة

ان شاء الله اكون افدتج اختي وبالتوفيق

ما قصروا الخوات ما عليج من حد عمر الاهل ما شجعوا سوي لج حلى وصوريه وحطي اعلانج اهنيه فالمنتدى باسمج المستعار ومثل ماقالت افق حطي لج رقم خاص للشغل عشان محد يصيدج وبعدين خل يعرفون بكره هم بيشجعوج اذا لقوا عليج اقبال اول مرة بيتكلمون عطيهم الاذن الصمخا ولا تسمعين واعملي اللي براسج عقب يقتنعون وبالتوفيق خيتوا

اذا عندج صديقة او اخت مخلصة و وفيه ..

تقدرين تعتمدين عليها ..

على اساس انها هي الي تبيع الحلويات .

عمر الشغل ما كان عيب
عندي وحده من جيراني زوجها من العوائل الكبير ه وعندها شغاله بس هي حبت تعمل مشروع للحلويات ولا احد همها وعملت كرت اعلان ووزعته والحين عليها طلبات ما شاء الله

توكلي على الله حبيبتي وما بزيد على كلام الاخوات ما شاءالله ما قصرو

والله ما عندي فكرة
بالتوفيق

كلام الناس لا بيودى ولا يجيب (سورى) حتى لو كانوا اهلك هما اكيد بيقولو كدا عشان مش حسين ان الموضوع اد همة بس لما ينجح اكيد هيغيروا رايهم هما الناس كدا اى حاجة جديدة عليهم وبتبقى مختلفة مبيحبوهاش المهم صلى انتى استخارة وتوكلى على الله:9_28::Zd_bye_3: