حبيت اسائلكم عن ازالة الشعر باليزر وياليت تجاوبوني
كيف الالم تقدري تستحملية
كم جلسة تحتاجي حتى تبين النتيجة
هل لازم تكوني شايلة الشعر او لا
بالنسبة للمناطق الحساسة تقدري تسويها بنفسك ولا لازم الدكتورة
كييييييف النتيجة تستاهل التعب ولا اجلس على قردي لا يجيني الي اقرد منة
واخيرا لبنات تبوك حبايبي وين احسن دكتورة تسويها وكييف الاسعار
بصراحة أنا ربيعتية تشل باليزر وواإيد مرتاحة. بس تسيلة شهري. وتقول انه عادي مايعور.
بس للمنطقه الحساسة ماتشيل. لأنها تخجل.
وأنا أفكر اين أسوي ليزر بعد. ودكتور الجلدية شجعنية. قال عادي مافيه أي ضرر.
أتمنئ أكون. ساعدتج بشئ بسيط
معلوماتي متواضعه
بس اتوقع فيه ألم والالم نسبي .. يعني حريم يعورهم اكثر من حريم ثانيات
بالنسبه للأماكن الحساسه. .. حراام انك تكشفين عورتك لشخص ثاني
وما يصير تشليه بنفسك.. لانه تقنيه ولازم ناس متخصصه
والثانيه سويت للمنطقه الحساسه , واتقول واااايد مرتااااحه ,, لانها عروس ,
بخصوص الالم مب ذاك الزوود هي عباره عن ضربات طفيفه ,, ما يعور ,,
واتمنى اكون وضحت لج غلاااي
انا جربت الي يحرق على ويهي بس ما عرقني وايد لانه الشعر كان خفيف الي في الذقن كان غليظ وافتكيت
وجربته جلسه وحده في الورج بس ابدا ما قدرت اتحمل الحراره وما كملت الجلسات
بالنسبه للجلسات ويهي سويت له 6جلسات وصارلي الحين 6شهور والشعر ما طلع منه غير كم حبه وخفاف
انا سويت الحار لانه ارخص من البارد يعني ويهي كان 500 درهم للجلسه وكل شهر كنت اسوي الجلسات
والحمدلله بس اتريا تتعدل شوي الماديه وبسوي باقي الجسم وبنفتك
من واقع تجربه شخصيه
منطقة الذقن بـ 300 ومع السوالف بـ 500
منطقة البطن بـ 700 ومن الجلسه الثانيه تصير بـ 600
منطقة الابط من 300 الى 400
منطقة الفخذين بـ 850
بالنسبه للمنطقة الحساسه اوكي في الم بس تقدري تتحمليه لانهم يستعملون مرهم بنج للمنطقه قبل ربع ساعه من الليزر
وماتسوين لنفسك انسي في اخصائية فلبينيه تسوي لك
الجلسه الاولى بـ 1100
الثانيه 1000
الثالثه 900 وتستمر الجلسات على 900
بعد 4 جلسات تحسي بالنتيجه 70%
لان الشعرات يخف قوامها وتتأخر في الظهور
ممكن تجلسين 4 شهور ماتحتاجين جلسه
وكل مره تتأخر الجلسات
واوقات تروحين الاخصائيه تشوف الشعر تقولك تعالي بعد كم اسبوع مو الحين وقت الجلسه
ولازم تكوني حالقه المنطقه بالموس سواء الوجه او اي منطقة شعر
وسألت عن كل الجسم كم سعر الجلسه طلع بـ 7000 بعدين 6000 بعدين 5000 بعدين يستمر على 4000
أنا تجربتي في مركز ديرما بجده
وهالاسعار تابعه لهم مادري عن مركز ثاني
ان شاء الله اكون افدتك عزيزتي
الله يوفقك