بغيت اعرف كل شي عن استراليا"سيدني"
وماليزيا..
لانه ان شاء الله في اواخر شهر 11 لين نص 12 بكون هناك..
شهر العسل..
فيااااااااااريت ما تبخلون عليه بالمعلومات..
وشو الجو بيكون في هالوقت اهم شي..
وشو الاماكن الحلوه الموجوده هناك..
وشو اسواقهم واسعارهم؟؟
بلز اترياكم باسرع وقت لانه ما عندي وقت..
ودمتوا..
"المهيريه.."
12 بتكون بداية فصل الصيف
وممكن تشوفي الفصول الاربعة بيوم واحد ,
سيدني كلها اماكن حلوة , في كتيبات للسواح بتشرح لك عن كل الاماكن السياحية
اما الاسعار (اسعار سيدني ناااااااار)
اما ماليزيا فيها مناطق وااايد حلوه وهناك بعد تقدرين تسألين ممكن الفندق او التكسي عن المناطق واكيد بعد عندهم كتيبات عن المناطق السياحيه …..مثل افموسا ..وجنتنج اما هذي صج لاتفوتج منطقه فوق الجبل بينها وبين العاصمه تقريبا ساعه لكن شنو جووووووووووووووو كأنج في اووروبا واحسن عباره عن منطقه فوق الجبل وفيها ملالالالالالالالالالالالالالالالالالالالالالالاهي واسووواق واذا تقدرين احجزوا فيها يومين او ثلاثه منطقه روعه روعه لو اوصفها لج مااوفي
بالنسبه للمجمعات الصراحه اسعارهم غاليه وعندهم جميع الماركات وفي محلات عاديه واسعارهم مناسبه ….
انا لما رحت كان الجو حار اما وقت اللي بتروحين ماعندي خلفيه …. ولما اتذكر شي بعد بقووولج
ترى انه لين الحين الكل يقولي ترى ماليزيا جنه
بالنسبة لاستراليا وسدني تحديداً مكان جداً مناسب للعرسان وبيعيبج الجو العام هناك.. بالنسبة للأماكن السياحية هناك كثيرة، بس احلى شي لو اتحاولون تسكنون في منطقة The Rox .. منطقة راقية وطبعاً فيها دار الاوبرا اللي تشيهر به استراليا والجسر بعد. بس أروع شي لما كنا ننزل الصبح بدري ونتمشى في المنطقة والجو يكون ولا اروع وقطرات الندى في كل مكان.. وطبعاً عرسان يداد:shy: .. يعني شو ماقلت ووصفت مابوفي الايام الحلوة اللي عشناها حقها. الحمدلله هالكلام كان من ثلاث سنوات
بس هالصيف رحنا ماليزيا .. والحمدللة بعد استمتعنا. بالنسبة للأماكن يحتارين وين اتروحين بس بقولــج عن الأماكن اللي اتذكرها:
ال.. Twin tower, KLCC
Sun Way logon
Time Squar
وبالنسبة للسكن انصحكم بالريتز كارلتون أولاً لأنة في مكان حيوي وبعدين توه يديد صارلة 6 اشهر أو الماندرين اللي عند الKLCC
وقبل لا أنسى في الKLCC في الطابق الثاني اذا مب غلطانه مطعم اسمه المرجان لااتفوتونه.
واذا عندج اي سؤال أنا حاضرة وفي الخدمة.
ويمدحوون الجزر انا مارحت لها بس في كذا جزيره حلوه ممكن تسألين عنها