استشارة لبنت عذاري و خبيرات المنتدى 2024.

موضوعي عبارة عن خلطة لوقف أو تخفيف نمو الشعر لكن …… مش الغرض من الموضوع النشر بس :no: :no:
لكن الغرض هو الإستشاااارة :yes: (r)

و آنا قاعدة أتصفح في المنتديات الي تارسة النت شفت هذا الموضوع و صاحبة الموضوع تقول فيه انها كانت وااايد مشعرة لدرجة انها تخاف تشيل بالحلاوة من كثافة الشعر
المهم المرة جربت و جربت خلطات لكن في النهاية هذي الخلطة الي تقول انها من اختراعها ولازم تاخذ عليها براءة اختراع هي الي فادتها

مكونات الخلطة:

1- شبة مطحونة
2_ مستكة
3_مباركة أو صبرة (مستخرجة من نبات الصبار)
4- نبات السعد
5- علبة كريم دوف الوردي

الطريقة:

1- تغلى المكونات ( الشبة+المستكة+نبات السعد+المباركة أو الصبرة) في كوبين من الماء لما يصير اللون أصفر
2- يصفى الخليط من يقابا المكونات
3- يضاف على الكريم و يخلط بملعقة حى يتجانس
4- بعد ازالة الشعر بالحلاوة يدلك به الجلد و يترك لمدة ساعة ثم يغسل بالماء فقط
و تكرر العملية من 3 الى 6 أيام

و على الي قالته صاحبة الموضوع ان لما طلع الشعر عندها طلع خفييييييف مثل شعر الوجه:qaq:

ألحين آنا أبغي أستفسر عن الخلطة من بنت عذاري و من كل الخبيرات الي في المنتدى
اش رايكم في هالخلطة ؟؟ يعني ما تأثر لأنها بتنحط مباشرة على المسامات و هي مفتووحة… و هل المواد الي فيها ما تأثر على الجلد أوعلى شي ثاني ؟؟؟