هذي اول مشاركه لي واتمنى اني اكون اخت عزيزه للجميع…
عندي استفسار وحبيت اتساعدوني.
انا ام جديده وحبيت استفسر عن حمام الطفل..
يعني متى اتحطون البودره والبيبي اويل والكريم وهالشغلات للبيبي
وفي ضرر من استعمال عطر للبيبي؟؟ واذا مافي ضرر بأي عطر تنصحوني؟؟
مع خالص شكري
http://www.3roos.com/forums/showthread.php?t=155814
إن شاء الله تستفيدون
عزيزتي كل اللي ذكرتيه بإمكانك تبدين ويا طفلك من بعد الأسبوعين ولا مانع من إستخدام الزيوت .. والعطر أيضاً وطبعاً أكيد راح أنصحك بعطر العود الأصلي بس حطيه بمسحة فقط ورا أذونه ولا تكثرين ، وإذا ما ودك عود ففي عطورات خاصة للأطفال الرضع تلاقينها عند الصيادلة وريحتها منعشة من ماركة جونسون ..
تحيتي لك
وبالنسبه للبيبي اويل متى احطه؟؟ لأن في وحده قالت لي قبل الحمام؟؟
والبودره ماتسبب نشفان للبيبي؟؟
بالنسبة للبودرة، فاسمعوا قصتي 
لما وديت ولدي اول تطعيم له بعمر الشهرين.. كان لازم يخضع للفحص.. ولما شافت الدكتورة اني حاطتله بودرة في صدره وابطينه .. طالعتني ( مع انها بحرينية مب اجنبية ) وقالت للحين فيه ناس تستعمل البودرة؟ قلت لها يعني مامنها فايدة؟ قالت لا.. بس الريحة تخليه حلوة.. وبالعكس .. اذا عّرق البيبي وهذا اللي يصير عادة من كثر ما نلفه ونغطيه.. تتكتل البودرة في ثنايا رقبته وابطته وتسويله حساسية!
ومنها قطعت البودرة! بس في منطقة البامبرز لا
بالنسبة للبيبي اويل.. اشوفه ضروري بعد الحمام .. عشان تتفادي جفاف بشرة الطفل .. جربت جونسون بيبي اويل .. بس ولدي كان معاه حساسية ووقفت عنه.. بس عموماً هو اوكي.. 
الف شكر لكل اللي اهتموا
لأن الياهل بطبيعته اول ماينولد ريحته حلوه فليش تحطون له بودره وعطور
لاحقين على هالأشيا وبعدين البودره يقولون تسوي ربو فحاسبوا وانتو تحطونها
لليهال
السلام عليكم ورحمة الله وبركاته..
كـــــــــــــــــل عامــــــ وأنتي بخير الغاليه..
الاخوات كفو ووفو ما شاء الله عليهم..
عن نفسي لما ودلت والحمدلله بسلامه..
كنت ابد ما استخدم العطور لابنتي.. بس لما كنت اخذها لبيت جدتها الي هي امي زوجي فكانو يحممونها ويحطونلها عطر حتى تحسست به!؟ ولين يومك هذا بنتي ما تتحمل العطر على طول تتحسس منه..
استخدمي لها زيت بيبي اويل من هيمالايا او بيبي جونسون قبل الاستحمام سويلها مساج بخفه واتركيها حتى يتشرب جسمها الاويل.. وحمميها بصابونة البيبي وجففي جسمها وبعدين حطي لها لوشن الاطفال مسحات خفيفه جدا والبودره شوي تحت الباط والرقبه ومنطقة البامبرز.. وبس نعيماااااااااااا..
وابتعدي عن العطور والدخون لطفلك..