اشحالكم خواتي ، حبيت اشارك معاكم تجربتي مع ربط المعدة واستفيد من خبرات اخواتي اللي سووا العمليه من قبل ,
انا سويت عملية ربط معدة يوم الاثنين بتاريخ 17/1/2011 يعني تقريبا من 10 أيام ، كان وزني 93 كيلو يوم العمليه واساسا هو
أقل بس اختكم ما قصرت بالاكل قبل العمليه لدرجة اني زدت 3 كيلو خلال 10 ايام قبل العمليه ، المهم طولي 156
وقررت اسوي العمليه لاني الصراحه مليت من الدايت وغيره واستخرت وسويت العملية، والحمدلله طلعت بالسلامه
وتميت في المستشفى يوم العمليه واليوم الثاني ترخصت ، طبعا الصراحه انا وايد تعبتني الجروح من بعد العمليه لاني ما
كنت اقدر اتحرك والدكتور عطاني موعد بعد اسبوع من العمليه اللي كان من يومين بتاريخ 24/1/2011 يوم الاثنين
بالتحديد وتميت بالفراش ما اتحرك وايد ، اللي محيرني انه اخصائية التغذيه قالت لي لا تاكلين خلاص اسبوعين ابد وخليج على السوائل مثل العصاير باستثناء الليمون والبرتقال والحليب واللبن المنزوع منه الدسم بالاضافه الى الشوربات اللي تكون صافيه بدون اي قطع وغيره بالاضافه الى الماء ، وقالت تشربين 1/3 كوب كل نص ساعه وسوت لي قصه وعطني نظام معين تقريبا دايت ؟؟؟؟ انا هذا لو طبقته شي طبيعي بضعف وبدون عمليه بعد ..؟؟!!!!!!!
المهم الشي الثاني اللي حيرني بعد انه الدكتور لما ياني ثاني يوم قالي تقدرين تشربين ماي وتاكلين الحين عادي لاني اول يوم كنت ع المغذي ممنوع الشرب والاكل ، سالته اشرب اشكثر وشو آكل قالي اشربي ع كيفج وتاكلين ع كيفج ان شاء الله تشربين بوتل الماي او غرشة الماي كلها ( نتكلم عن غرشة الماي الكبيره ) والاكل تاكلين عادي اي شي اكل البيت اللي تاكلينه دوم بس تمضغينه عدل !!!!!! سالته قلت له بس قالت الاخصائيه لازم امشي ع نظام معين وممنوع وممنوع قالي ما عليج من حد انا اقولج عادي …. انا محتاره يا جماعه وقتها اسمع كلام منو ؟
المهم سرت البيت كنت اول يوم ع سوائل واكل كورن فليكس وحليب دايت وقهوه بدون كافيين المهم مشيت ع دايت معين وبعد يومين قلت بجرب اكل شو بيصير وعساس من الناس اللي جربوا العمليه ومن اخصائية التغذيه قالوا لو كلت بزوع او برجع وجربت اكل يا جماعه وعادي ما استوى شي وهذاك اليوم خربتها الصراحه ما تم شي ما اكلته مزت بطني مزار وما رجعت ولا شي …. استغربت عيل شو خانت الحلقه ؟؟؟ وغيري اذا كلوا زياده شوي يزوعون وما يقدرون يكملون وليش الدكتور يقولي اكلي عادي ؟؟؟
يا ناس انا محتاره وفي يوم المراجعه الثاني اللي هو بعد اسبوع من العمليه رديت سالت الدكتور قلت له يا دكتور انا نقصت من يوم العمليه للحين 4 كيلو صار وزني 89 كيلو بس هذا كله لاني ما آكل كنت وجربت اكل يوم وعادي ما حسيت بشي كان اكلي طبيعي ، قالي انزين منو قالج لا تاكلين اكلي عادي اللي تبينه فواكه وخضار وعيش وخبز عااااااااااااااادي بس حلويات ممنوع ممنوع ممنوع والايس كريم واي شي سويت ويذوب بالاضافه الا المايونيز ..
الحين اذا انا سمعت كلام الاخصائيه وما اكلت ومشيت ع الدايت اللي تباه بضعف مليون % لانه دايت قاسي احسه وما له علاقه بالعمليه ابدا لاني اصلا ما ارجع اذا هيه تقول هالدايت عشان ما تتعبين وترجعين …؟
والدكتور يقولي تاكلين كل شي ما عدا الحلويات …. اذا اكلت معناته ما نقص وزني شو فايدة العمليه والحلقه شو سوت لي …؟ ساعدوني يا بنات اللي جربت العمليه وسوت ربط شو السالفه ؟؟؟