بدش فالموضوع
بصراحه انا قلقه .. هل يستويلكم التكتلات مثل الحجر في الصدر ؟
انا بنتى عمرها شهر ومن بعد ما ربيت بسبوع تكونت ولا راحت رغم المساج والكمادات الحاره
وهى صدق مؤلمه ساعات اشك انها مو حليب متجمع واتوقع الاسوء..
الشى الثانى…
انا اول ما ربيت ماطاعت بنتى تشرب من صدري لان ماشى حلمه بارزه
نصحتى الاستشاريه اشتري حلمه اصطناعيه مثل قطعه بلاستيك تنحط عالصدر عقب رضعت عادي
اللحين يوم برزت الحلمه ماطاعت بنتى تشرب بدونها
والشى الثالث
مافى حليب فصدري وايد كل مره يخف عن قبل مادري شو اسوي
رجاءا ردولى خبر عن اي تعرفونه
انتظركم :tears:
اختي التكتلات اللي معك يمكن تكون بسبب انك تنامين على صدرك مثلا ويصير خشن و يألم ، يصير لي جذي .. انام على صدري و افكر حليب مجمع و يكون استضراب بالصدر و سببه تقول امي ان ثقب من ثقوب الحلمة مسدود و الله اعلم و قالت لي ارضع ولدي بالعكس ، يعني اذا الصدر اليمين اللي يألمني ، اخلي الجاهل على يدي اليسار و اعطيه منه .. و استفدت ! ..
و عن الحلمة الصناعية حاولي تتركيها اذا صار وضعك طبيعي ، و الحين بنتك بتقدرين تسيطرين عليها بعدها صغيرة و هي نايمة عطيها و مابتعارض و بتتعود ..
و عن قلة ادرار الحليب .. اشربي سوائل واجد ، لان البيبي الحين اعتماده بس عليك بالتغذية فتحتاجين لك و له !
و ابحثي عن الاشياء الي تزيد من الادرار و منها السمسم .. !!
اتمنى لك الافادة .!
وراح تشوفي الحليب يطلع وتتفتح مسامات الحلمه
:21_186:
اما اذا خف الحليب عندك شربي حلبه واذا ما تحبي تشربيها كذا اضيفي ملعقه من مسحوق الحلبه لكوب حليب او مع العسل ترى الحلبه وايد مفيده في ادرار الحليب اسالي مجرب:21_207:
:Zd_bye_3:
 |
اقتباس |  |
 |
المشاركة الأساسية كتبها ! أنــثــى !  |
 |
 |
| اختي التكتلات اللي معك يمكن تكون بسبب انك تنامين على صدرك مثلا ويصير خشن و يألم ، يصير لي جذي .. انام على صدري و افكر حليب مجمع و يكون استضراب بالصدر و سببه تقول امي ان ثقب من ثقوب الحلمة مسدود و الله اعلم و قالت لي ارضع ولدي بالعكس ، يعني اذا الصدر اليمين اللي يألمني ، اخلي الجاهل على يدي اليسار و اعطيه منه .. و استفدت ! ..
و عن الحلمة الصناعية حاولي تتركيها اذا صار وضعك طبيعي ، و الحين بنتك بتقدرين تسيطرين عليها بعدها صغيرة و هي نايمة عطيها و مابتعارض و بتتعود .. و عن قلة ادرار الحليب .. اشربي سوائل واجد ، لان البيبي الحين اعتماده بس عليك بالتغذية فتحتاجين لك و له ! و ابحثي عن الاشياء الي تزيد من الادرار و منها السمسم .. !! اتمنى لك الافادة .! |
||
 |
 |
أتفــق مــع أختـــي أنثـــى… كفـــت ووفـــت….
دايم اقول مافيه حليب بصدري واقعد احاتي لان اعتماد الطفله علي بس بعد فترة رحت لاخصائية تغذية عشان اسوي رجيم بعد الولادة وكلمتني عن الرضاعة وعلمتني شغلة اللي هي :
ان طريقتي بالرضاعة غلط ، وهي الي تخليني احس ان حليبي نقص
المفروض الطفل يرضع من جهة وحدة بس وفي المرة الثانية ياخذ الجهه الثانية
تحياتي