اصداف الباستا بحشوة الدجاج والكريمه .. بالصور
المقادير
كرتون معكرونة الاصداف
4صدور دجاج مسلوقه ومقطعه
جزرة مبشورة
فلفل بارد مقطع صغير
فول احمر (معلب)
صلصة صويا
بصله مفرومة
ملعقتين كتشب
ملح-بهارات-ماجي
مقادير الكريمة
علبة كريمه سائله
علبة قشطه
ملعقتين جبن كرفت
وجبن موزاريلا للزينه
الطريقة
تسلق المعكرونه بالطريقه العاديه
وتترك في قليل من الماء عشان ماتلتصق
نسوي حشوة الدجاج
نحمس البصل والفلفل البارد والجزر ونضيف الدجاج والملح والبهارات
ونضع ملعقة صوص الصويا وملعقة الكتشب
وبعدين نحشي الاصداف بالحشوة (مقدار ملعقة طعام في كل صدفه) عشان تتسكر عدل
ونرصها في صنية بايركس بطريقة انه الظهر لفوق واللف تحت عشان ماتنفتح الحشوة
وفي قدر نخلط الصوص الابيض
نصب الكريمه السائله ونخليها تسخن شوي ونضيف لها القشطه وجبنة الكرفت ونحركها شوي
ونصبها على الاصداف
ونرش فوقها الجبنه المبشورة
ونحطها في الفرن
وبتكون بهالشكل النهائي
وهذا شكلها من الداخل
وبالعافيه على قلوبكم
ولاتنسوني من دعائكم و تقييمكم 
الرجاء عدم النقل بدون ذكر المصدر
للاسف الميزاااان السخيييف رفض التقيييييم
تسلم الاياااادي ياااعسل
عاد انا بروحي احوووس ابي اكل وموو عارفه شنو اكل …
جوعتيييييييييييييييييييييني..
حاولت التقيم لكن مااايصير ..
ان شاء الله بحاول اقيمج 
ماخبر بالدوحة في ؟!!!
تسلمييين والله يعطييك العاافيه حيياتي…
وحاوولت أقييمك مااصار..