اليوم حبيت تكون لمتنا مكملة لي للاشياء لي رانا نتعلموعا ونستفادو منها
و الطبخ حاجة مهمة لكل عروس مقبلة على الزواج
وانا قلت هادي فرصة لينا باش كل وحدة تعلم اختهااكلات جديدة او طرق جديدة لاعدادا الاطباق خاصة رانا ملمومين من مناطق مختلفة وحنا نعرفو ان كل منطقة عندها اطباق تتميز بيها
وكذلك رانا في عطلة وعنا والوقت باش نجربو الوصفات
خاصة ان رمضان على الابواب
نتمنى يكون هناك تجاوب
ونوريو شطارتنا
شكرا لك
يسعدني ان اككون اول مشاركة
اليوم مادام نحن على ابواب شهر رمضان جبتلكم طريقة صنع حلى انشاء الله يعجبكم
هاده الحلوى معروفة بعدة اسماء والاسم الاكثر تداولا هو "الشامية"
واعطاتني وحدة حبيبتي ونجحتلي الوصفة وحبيت نعطيهالكم
وهاهي صورته
المقادير
1) أربع كؤوس سميد غليظ (بعد ما تكوني حمرتيه فوق النار حتى يتغير لونو الى الغامق)
2) كاس فرينة (طحين ابيض)
3) كاس سكر عادي _(حسب الذوق)
4) كاس زبدة ذايبة
5) 2 كؤوس حليب
6) قبسة ملح
7) ماء الزهر
8) كيس خميرة حلوى
9)عسل
مكسرات للتزيين
طريقة التحضير
نخلط المقادير الجافة السميد _يكون برد شويا ماتعمليهش سخون + الفرينة + السكر+ قبصة ملح
ثم نضيف الزبدة الذائبة + القليل من ماء الزهر ونمزج الخليط جيدا نتركه يرتاح قليلا
+ الحليب الى ان تتحصلي على خليط مثل لي في الصورة
ثم اضيفي خميرة الحلوى حتى تحسيها امتزجت مليح بالخليط
تجيبي صنية تكون كبيرة شوية وتسرحي فيها الخليط
ندخل الصينية الفرن لي تكوني سخنتيه من قبل
في هذه اللحظات تكوني جهزتي قطر (الشاربات)
5 كؤوس ماء +3 ونصف ماءكؤوس سكر +ماء الزهر(ماء الزهر نظيفة في الاخير لما يقرب القطر ينظج حتى يحتافظ بالريحة)اي 10 د قبل .
لما نتضج الصينية نسقيها بالقطر ونتركها تتشربه مليح ثم نسقيها في الاخير بالعسل ونزينها بالمكسرات لي تحبيها
وخلونا نتعلم منكم الاكلات الجزائرية الشهية
ورونا الحماس والتفاعل والاكل الحلو
1- لتر حليب
2- 200غ سكر
3- 4 اكياس فاني
4- 7بيضات
الكاراميل
100 غ سكر +2 ملاعق كبيرة ماء بارد + ملعقة كبيرة عصير ليمون في ايناء ضعي جميع هذه المقادير لكن رجيه دون تحريك ثم ضعيه على نار هادئة الى ان يتحول لون الخليط الى بني غامق
مباشرة تفرغ الكراميل في قالب طيفال مدهون بالزبدة
في هاذ اللحظة نقوم بتحضير الفلان
طريقة تحضير الفلان
تخلط المقادير 1+2+3 في ايناء على النار مع التحريك الى ان يسخن الخليط قليلا يعني لا تتركيه يصل الى درجة الغليان
ازحيه من على النار وقومي بخقف البيض بوسطة الملعقة ليمتزج البياض مع الصفار
ثم افرغي الخليط الساخن تدريجيا دون التوقف عن التحريك
ثم يفرغ الكل في القالب فوق الكراميل
تضعيه في الفرن يكون ساخن في حمام ماري
مدة الطهي 1 ساعة
ادخليه الثلاجة حتى يبرد جيدا ثم اقلبي القالب
يزين بالمكسرات المفضلة لديك
طلب من البنات ارجوكم لا تكتبو رد اذا اعجبكم طبق قيمو صاحبة الموضوع فقط