بنات اليوم عندي استفسار بما اني حامل حبيباتي الله يرزقني الطفل السليم المعافي وحفظ لكم اولادكم .. امس انصدمت طلعت انا مع عيال اخوي اثنين واحد عمره 11 سنه والثانيه 7 سنوات رحنا المركز العلمي انا وايد اهتم بسوالف الاطفال يعني من تربيه واهتمام واحترام وغيره .. واتعلم من الناس عشان احاول تكون تربية ولدي انشاء الله جيده من اول بداية حياته
واحنا نتمشي لاحظة :-
اول ملاحظه واحنا نتمشي بنت عمرها فوق السنتين معلقين مصاصه( لاهيه ) علي رقبتها وكل ما قعدت شويه شالتها حطتها بحلجها ؟؟ بريكم مو جنها كبريه علي المصاصه … اذا ولدي سوه جذي شسوي لانه ما احب المصاصه وشكلها مو حلو البنت تمشي وتتكلم وتسوالف ومصاصه علي رقبتها 😮
ثاني ملاحظه قلت حق العيال نطروني بروح الحمام كرمكم الله وانا بالحمام عزكم الله غسلت ايدي وخليت جنطتي علي الطاوله يم المغسله رحت جبت كلينكس ألا طفل عمره 3 سنوات تقريبا يركض علي جنطتي ويقطها بالارض ويقولي كيفي كيفي 😡 شلت اغراضي بطلع جان ادش بنت الحمام جان يركض لي عندها ويطقها ويتلها من ملابسها وامه تقوله حمود عيب عيب … امبيه شنو هالطفل
ثالث ملاحظه .. طفل توه اربع سنين من كمل يسب ويطق الخادمه وامه تضحك لي هالدرجه الولد غالي لي درجة اني اشوفه يغلط او ما انبهه ولا اعاقبه
انتوا يا امهات اذا عيالكم تصرفوا جذي شنو تسون تكلمونهم ولا تستخدمون اسلوب العاقب ولا تحرمينه من شي يحبه ؟؟فيدوني ودي اتعلم منكم ويكون عندي خبره قبل لا اجيب بيبي ويطلع مشاغب
شكراً
وانا ان شاء الله بعد ما تكمل بنتي 3 شهور بحاول اعودها ان تتركها والله كريم
وعلى الملاحظة الثانية هذا الشي يعود على تربية الاهل وشلون كل واحد يحترم الثاني في البيت وكل شخص له مكانتة واحترامة وعلى كل ام ان من البداية اذا لاحظت على ولدها تصرفات ان تقول له بهدوء ان هالشي عيب و يترتب علية اضرار ومره ومرتين الياهل بيفهم ان عالشي عيب وعلية ان ما يسوية
و الملاحظة الثالثة ان بعض الناس يستنقصون بالخدامة ويعتبرونها غير الناس ولها معاملة خاصة بالعكس الطفل مفروض يعرف ان هذي غريبة على البيت ومعاملتها مفروض تكون بحترام عشان يحترم الناس الي بره و يحترم الناس الي اجونة لعند البيت
و مشكوره مره ثانية على هالملاحظات
و سالفة المصاصه اي والله وايد فشله فوق السنتين و للحين مصاصه خل تاكل .. و انا ما عودت ولدي عليها لأن لها مضار اكثر من منافعها
اما الموقف الثاني شفت منه كثير اعتقد ان كثير من الأمهات كلامهم قدام الناس و بس ما يعاقبون و لا يعرفون يتصرفون مع عيالهم يعني وايد مدلعينهم
و سالفة الخدامه بصرحة قلة ادب الولد من يسوي موقف و يشوف ردة فعل الأم عاديه يكرره شلون لو شافها تضحك هذا تأكيد على ان اللي سواه صح!!
و الله يرزقج الذريه الصالحه
بالنسبة للملاحظة الاولى اني كلش مااحب المصاصة واحس منظرها يقزز للطفل وكريه منظر الطفل بها جدا جدا ولد اختي عمره سنتين ونص وبعده ماينام الا فيها وادا امه نستها يوم الجمعة وش يستوي في بيت ابوي تروح الصيدلية وتشتري له وحدة يديدة والا مايناموولدي الحين عمره 3 شهور لما كان في الشهر الثاني صادني التهاب حليبي وصخونة وطول معاي الموضوع وكانت التشققات ذابحتني وهو دايما يصيح مايسكت استعملتها له بس الحمدلله الحين تركتها لان صرت افضل الحين استعملها هو شهر ونص بس والحين الحمد لله الحمدلله انه تخلصنا منها كنت وايد احاتي انه يتعود عليها مع اني ماعطيته وياها الا لما كان عمره شهر وشوي وكنت اصيح لما احطها ليه لاني ماابيها
الملاحظة الثانية فيه ناس وااايد مثل العينة اللي شفتيها يكونو تعودوعلى هالموضوع في البيت حتى اذا طلعو صار الموضوع عادي بالنسبة لهم
الملاحظة الثالثة العتب كله على الام لانها كانت راضية باللي يسويه ولدها والمسالة مسالة احترام وتقدير ادا ولدي احترم الشغالة راح يحترم كل الناس اللي من ظمنهم الشغالة وهدي مهما كان بشر مو خايفة هالام شنو تسوي الشغالة في ولدها في عدم وجودها؟؟؟؟؟؟
جوفي حبيبتي من هالناحيه لا تحاتين انا ماخذه السالفه انها عاديه جدا
انتي وطريقه اسلوب حياتج اهي الي راح يكتسبها ولدج او بنتج ان شاءالله
يعني اذا البيئه الي عايش فيها الطفل سليمه راح يطلع طفل مؤدب وخلوق وكل الصفات الزينه فيه بس اذا البيت خراب فلا حول ولا قوة الا بالله
وشي حلو انج مهتمه بتربية طفلج من الحين ماشاءلله عليج وبالنسبه للأمور اللي ذكرتيها فلاتتصورين
هالملاحظات اللي شفتيها يات من فراغ انما لابد ويكون لها أساس وطبعاً الأهل لهم الدور الأول فيها يعني
اول ملاحظة بالنسبة للمصاصة انتي تقدرين تجنبين طفلج هالمشكله بإنج تقطعين عنه المصاصه في الوقت المناسب يعني حدج 6 شهور وبعدين خلاص شيليها اساساً راح ينساها وخلال هال 6 شهور لاتعودينه عليها
لدرجة انه يصير مايقعد الا بالمصاصه لا بس اوقات النوم مثلاً لما يبجي وانتي عارفه انه مب يوعان ولاموصخ الحفاظه عزج الله ولاشي عطيه المصاصه عشان يسكت وينام آنه كنت اسوي جذي مع بناتي ونفع معاهم الحمدلله مايكملون سنة الا ناسين شي اسمه مصاصه.
وعن الملاحظه الثانيه فهذا الولد اكيد اهله مدلعينه بزيااااااااده ومايلاحظون تصرفاته عدل ويكلمونه وطبيعي الياهل يطلع عنيد ويسوي كل شي يبيه دام يعرف ان مافيها عقاب والا يعني شوفي يقولج كيفي كيفي ! يعني اهو يعرف ان اللي قاعد يسويه غلط بس مسألة عناد! اتوقع اهله علموه اي شي يبيه ياخذه فانتي دققي بتصرفات ولدج وعلميه على كل كبيرة وصغيره آنه لو بنتي تاخذ قلم مال بنات خواتي اخذه من عندها واقول لها ترجعه على بنت اخوي وتقول لها شكراً عشان تعرف ان اي شي مو حقها مايصير تاخذه لها فضروري تراقبين تصرفات ولدج لأن الياهل يتعلم من ابسط الأمور .
وبالنسبة للملاحظة الثالثه فأمرها سهل يعني انتي علمي ولدج مايقول شي مب عدل ولايرفع صوته ولايمد ايده على اللي أكبر منه وسواء خدامه والا غيره دام اكبر منه فراح يعرف ان هالتصرف غلط .
هذا تعليقي على موضوعج والله يعينا على تربية اطفالنا تربية سليمه 
مشكورين حبيباتي..
الله يخلي لكم اولادكم ويجعلهم من الابناء الصالحين يا رب ويرزق كل محروم يا رب العالمين
[/FRAME]