كيف حالكم انتوا وكتاكيتكم !!
عندي استفسار 😮
ولدي الصغير الشهر الجاي بيكمل السنتين ان شاء الله ، وانا كنت ناوية اعلمه ع الحمام من فترة ونويت ابتدي عقب شهر رمضان بس تأخرت شوي وابتديت هاليومين بسسس والحمدلله احسه متشجع وتعود اسرع من اخوه وصار هو يقولي بيروح الحمام بس للحين ما سوا الككك في الحمام هههههههههه
المهم :: انا بعد متشجعة اعلمه خصوصا دامه متحمس ،، بس خايفه بما ان الشتاء على الابواب تروح تعبتي كلها بلااااااش (n) يعني مثلا تعرفون الاطفال في البرد ممكن يتعايرون يروحون الحمام او شي او مثلا يستبردون ويسوونها على روحهم خصوصا وقت النوم وكذا يعني ..
وما ادري الحين اواصل تعليمه او لا .. اخاف اواصل وانجح في قطع الحفاظ وبعدين يأثر عليه الشتاء وارجع البسه حفاظ وعقب الشتاء ارد اعيد المحاولة من جديد واعوده ع الحمام ..
وفي نفس الوقت اقول حرام دام الولد متشجع على روحة الحمام خله اعوده لانه يشوف اخوه يروح الحمام فصار هو بعد يبي يروح الحمام والحين صار يوم اطلعه من الحمام يقولي ما ابا حفاظة ههههههههههه والبسه بالغصب مسكين 
شوروا علي .. شسوي !!
انا اخوه علمته في الصيف او بالاصح بداية الصيف وعلى ما صارت الدنيا برد وشتا كان خلاص تعود من زمان ع الحمام وفي الاساس كان هو اكبر من اخوه من الحين ..
هل اعلم ولدي الصغير على الحمام الحين او أأجل الموضوع كم شهر الين ينتهي الشتاء ؟؟!!
واذا دخل الشتا وبعده الولد ما عرف اخري تعليمه الى الصيف
لكن الطفل اذا هو متشجع يتعلم بسرعه
الله يهديه
احمد قد زينب بنتي بالضبط
وبالضبط مثل الحركات اللي يسويها تسويها بنتي..
تقلد على اخوها وتصيح ما تبي الحفااااااااااظ وتقول لي انها تبي تسوي العودة << وهذا شيء كبير
يعني باقي بس اعلمها ع الصغيرة
بس بصرااااااااااااااحة
انا احاتي البرد..
بتكون يادوبها متعلمة ع الحمام وممكن اي لحظة تعلمها بنفسها .. وانتين تعرفين ثياب الشتاء وملحقاتها من جوايب واحذية ووو … اكوام اكوام.. غير ان الثياب في الشتاء ما تجف بسرعة !
فلذلك قررت تطنيش الموضوع للصيف الجاي !!
على فكرة اني بعد علمت صدوقي في شهرر 10 تقريبا وكان عمره سنتين وثلاث شهور والشتا كان على الابواب بس قلت اذا باجل للصيف بيكون قريب بيكمل 3 سنوات ومن جدي ما اجلت السالفة بس في الليل وقت النوم كنت البسه حفاظة لين تعود وصار يمسك روحه وقت النووم
يعني انتين واصلي وياه ومدام هو متشجع ومستانس ان شاء الله الامور كلهاا تمام بس وقت النوم لبسيه حفاظة على ما يتعود او على ما يخلص الشتا وبعدين اشوي اشوي بيتحكم في روحه وبيقعد الصبح حفاظته نظيفة وبيتعود يناام بدون حفاظة
والله يسهل عليش المهمة
اتكلي على الله .
انا بعد اقول علميه بس وقت النوم خليه ينام الحفاظ لين ينتهي الشتا وخصوصا انه متشجع يعني بيتعلم قبل لا يشتد الشتا
انتي علميه الحين ومابتخسرين شي مافي فرق بين صيف وشتا اذا تعلم بموسم صعب في الموسم الياي اقصد الصيف بتكون الامور اسهل عليه
والله يهديه ويتعلم بسرعه ومايتعبك ان شاء الله