اولها ليه الناس بتي تاخذ من عندي شي متوفر في السوق وتحت معاينتهم والاغلب الاسعار بتكون اقل او ليه الناس بتطلب من الخارج والجاهز موجود ومالي السوق على الاخر
فكرت في الف مشورع ومشروع وكل شي رددني
اطبع بحوث ، ابيع لانجري ، دهن عود، تغليف هدايا وووووووووووووووو والمحلات اصلا اكثر من الهم على القلب
بتقولين انا عندي القدره ان انتج شي حلو باقولك صح يمكن لان انتاجك وبيدك بكون مافي مثله اقل سعر او اكثر جوده لكن اخذ بضاعه من فلان وفلتان والاقي بعد فتره ابيعون نفس البضاعه بعروض رخيصه واقل بكثير من سعري
بتحمل شحن وتغليف وتحويل بنكي وفي الاخر ياتصيب يا تخيب
كل ما امر السوق الاقي معروض محلات للبيع مع بضاعتها شنو الي اخلي هلمحلات تخسر وانا انجح :057:
امر المجمعات والاقي شركات عالميه في التخفيضات اتبيع الملابس والميكب والاحذيه وكل شي ب50 و 70 و80 % شنو الي بايبه انا انافس هذي الجوده وهذي الاسعار 
اختكم ام ابراهيم
لا اعلم ماذا اقول لك التجارة فعلا تحتاج الى صبر وطولة بال وبعد مثل ما يقولون انها شطارة
اذا تحسين ان ما عندك ذاك النفس اكيد الوظيفة اريح … انا لست تاجرة بس اختي تبيع بالمنزل الملابس والجيران والاقارب يشترون من عندها وتجيب البضاعة من الامارت والسعودية وسوريا ورزقها الحمدلله ماشي ساعات في شراء وساعات الشراء ضعيف بس هي عندها صبر وتنوع في البضاعة وتمدحها تعرفين الشطارة هنا
بتوفيق اختي
اشكركم على الدخول وابداء الراي على الاقل لو كلمه بسيطه
انا درست الموضوع من الف جانب وجانب انا عندي القدره والصبر والماده الي تخليني اختار اي مشروع لكن نقطه الصفر الي ابدء منها مازالت ممحيه بنالسبه لي انا ما اجيد شي لان كل شي في ناس اعلم مني لكن اتمنى ان في يوم اتجرء وافتح لي مشروع احرك وقتي لاني في سكووووون ممل بشكل قاتل
ومعا الوقت اذا الانسان ظل بدون عمل وانحكر في روتين احس روحه غير فعال في المجتمع
ادعو لي ابتدي مشروع اي مشروع وانشاء الله الله اوفقني
الحال من بعظه ياليت اقدر ايدج جان فدت نفسي
الله يوفقج
ومع الوقت راح تكبرون
ادعولي بالتوفيق والنجاح
سبحان الله وبحمده
انا احس ان الشي اللي مخليج متردده من الموضوع
اهو الثقه بالنفس و الموهبه
انتي مثل ما قلتي عندج كل المقومات اللي تخليج تخلين عالم التجاره
بس ما عندج ثقه بنفسج وانج قادره تتجاوزين كل العقبات اللي بتمر بكل تاجره بالبدايه
كلامج وايد فيه احباط و تشاؤم ماعندج دافع او حافز !!
و الموهبه… انتي ما ذكرتي انه لج هوايه او موهبه معينه تتاجرين فيها !!!
مجرد انج بتصيرين تاجره و بس .. يعني ما حددتي شي تحبينه وتبدعين فيه
لان اذا لج موهبه بشي رااح تبدعين وتتميزين فيهاا بين الكل و تقدرين تطورين نفسج فيها ..
وماراح تخافين او تملين مع مرور الوقت .. لان دايماً عندج افكار جديده
ولانج ببساطه قاعده تسوين شي تحبينه و هالشي اكبر حافز لج (:
نصيحه .. الوظيفه طبعاً اضمن و احسن .. و التجاره تيي بعد الوظيفه
توظفي و كوني لج راس مال حلو ودخلي عالم التاره وانتي مطمئنه (:
و الله يوفقج
ليش قلتي افتح مشروع وافشل ليش ماقلتي افتح مشروع وممكن افشل او انجح؟!