اول مره اشارك في هذا الركن
واتمنى اني اقدر القى عندكم بعض الحلول في ديكور غرفتي
باختصار انا عايشة مع اهل زوجي الله يحفظهم
وغرفتي مساحتها واسعة وانا مقسمتنها جزء جلسة بسيطه امام التلفزيون والسرير طبعا
وعندي بعد دريسنج روم متصل مع الحمام
الدريسنج روم مش كبير يعني عباره عن غرفة
فيها كبت ملتصق بالجدار و مكان بسيط اني ابدل فيه ثيابي
الحمام بعد مش كبير يعني حده قده
المشكله هي اني اريد مكان حق بنوتي الله يتمم لي على خير الين ما اولد في نص مارس..
اريد استغل غرفة الدريسنج روم حق لما انومها او ابدلها او اسبحها لان الغرفة ممكن تكون بارده عليها و اضافه اني احاسب على عدم ازعاج زوجي في حال اذا صحت بليل .. فتكون كانها غرفة منفصلة لممارسة الامور اللي ذكرتها لكم بغاية حرية حركتي من جهة و عدم ازعاج زوجي من جهة ثانية
علما بان البيت ماشاء الله في 3 اولاد وما اقدر اطلع فليل مثلا اذا حابة انوم البيبي او ارضعها الخ..
وووووااايد طولت ادري بس عشان اعطيكم فكره..
ارجو المساعده في طرح الافكار
ودمتم سالمين ان شاء الله
طيب هل ال dressing room فيها مكان عشان تحطين سرير البيبي وبقية الأثاث لو تحسيها صغيرة ولا فيها مكان ؟
مشكوووره على ردك لي ادري انك ما بتقصرين
بالنسبة لسرير البيبي مافيه مكان في الدريسنج روم
ياليتني اقدر اخذ قياسات جان سهلت الموضوع
يعني لو تتخيلين معاي الغرفة عبارة عن 1.5×1.5متر تقريبا
مش كبيره يعني يا دوب اتكفي احط فيها مثلا الكرسي الهزاز لي
وكبت العروسة الصغيره بإذن الله
ومشكله الحمام ضيق بعد فما عرف كيف بسبحها
بصدعك معي بس اطمع في ابتكاراتك يا RoOoOmy_
وعقبال ما نتصدع معاكي في تجهيز غرفة البيبي مالك يارب 🙂
وبالمصري ( هو احنا في ديك الساعة ) لمن نخدم ود ام العروسة المرتقبة
الله يتمم لك بخير ويسهل عليك
المشكلة ان غرفة الملابس مرة صغيرة مثل ما ذكرتي وأكيد ماراح تكفي غير الى كرسي هزاز راح يينفعك للرضاعة
بالنسبة لسرير البنوتة الأمورة احسن حل انك تغيرين من ترتيب الغرفة شوي وتستغنون عن التلفزيون والجلسة عشان يصير لها مكان معاكم … لو تحطين حاجز حلو تختارينه يناسب غرفتكم …. وتشترين لها سرير متحرك عشان تقدرين تقربينها منك اذا حبيتي ودولاب ملابس ( لو ما كان له مكان في غرفة الملابس ) وشوية اكسسوارات للأطفال
بالنسبة للحمام حبيبتي لا تحاتين البيبي ماراح تحتاج لمكان كبير عشان حمامها اهم شي اشتري لها الادوات اللازمة كلها لحمام سهل
توني هالأسبوع شفت حوض حمام يتركب على البانيو العادي اللي شكله مستطيل يكون له قاعدتين على جنب عشان يثبت الحوض وراح يسهل حمام الطفل لان الام ما راح تضطر انها تنحني في البانيو نفسه اسمه Supabath
شفته في ال mother care وكان عليه تخفيضات بعد
وفيه انواع ثانية تسهل عليك حمام البيبي مثل هذا
وجهزي لها علبة عشان ملابسها وحفاظاتها واغراض الحمام من صابون وكريمات تاخذينها معاك الحمام او غرفة الملابس اذا بغيتي تلبسيها عشان المكيف بدل ما تحطين اغراضها في كل مكان ويسبب لك زحمة
وبدل ما تشرين لها دولاب للتغير عشان تلبسينها ملابسها او تغيرين حفاظاتها اكتفي ب
اختصار للمكان وتقدرين تحطيها في الدولاب بعد ما تخلصين منها
روحي زيارة سريعة لمحلات أثاث الأطفال عشان تاخذين افكار بحيث تختارين قطع صغيرة الحجم تناسب مساحة غرفتكم
اي مساعدة احنا في الخدمة ياحلوة
تسلميييين حبيبتي على هذه الافكار
انا من الازمة مش عارفة افكر عدل
بس صدقك بروح محلات الاثاث عشان اخذ افكار
وفكرة العلبة اللي ممكن انقلها معي بعد عجبتني كثير
جزاك الله خير حبيبتي
دومك وافية وما اتقصرين
انتي روحي محلات الأثاث واهم شي تكوني حاسبة حسابك وماخذة قياسات الغرفة عشان ما تشترين سرير يطلع كبير مثلا اهم شي الحجم
ببدء ان شاء الله بعد رمضان
تسلمين الغالية
اول ما قريت انج تبين اتحطين البيبي في غرفه الملابس …..قلت حرام …..فديتها ….ما تستاهل ….
وبعدين حرام بتكون وايد جريبه وانتى مكرمه من الحمام ..فحرام ….خليها وياكم في الحجره …بس شوفيلها زاويه ما اتيها سطعه المكيف ويكون الكورنر ليها بروحها ….هو ما يبالها شئ سرير واذا تحت السرير مساحه استغليها في اغراض البيبي ملابس وغيره دولاب كتكوت لها ….لي تكبر شوي …ومبروك …بدورلج صور وبطرشهم لج سلام