فديتكم خواتي فيدوني شلون اشرح مرحلة البلوغ حق بنت عمرها 11 سنه لان الدكتور قالي عندها بلوغ مبكر
انتظر ردكم :sa23:
ماعندي خبرره
يعني لو فتحتي معها الموضوع بتحسين انها متقبله لانها تدرس هالشي وعارفته وخصوصا من صديقاتها في المدرسه
وانشالله البنات يفيدونج
المشكله هي في درسة اجنبية وماشرحولهم شي
اتوقع في هالايام محد ما يعرف عن هالسوالف،، انا ما عندي خبره في هالموضوع بس تقدرين تقولين لها انه في ايام محدده من كل شهر ما تصلين وما تصومين فيها بسبب العذر الشرعي وكل البنات يمرون فيها وقولي لها ان في دم ينزل في هالايام ،، وعلشان ترتاحين انتي وتريحنها وما تخاف كلميها عن تجربتج كيف كانت اول مره بالنسبه لج وكيف اتصرفتي وجي يعني،،قاريه مره موضوع هني بالمنتدى انج لازم تفهمينها ان هذا سر بينج وبينها لازم ما يعرفونه اخوانها،، بدور الموضوع وبحطه لج 
اقوولج جيبي لها كتاب مبسط عن مرحله بلوغ وقولي لها اقريه وبعد ماتخلص قعدي معاها وشوي شوي فهميها
ماما بييج شي لاتخافين واول ماييج قوليلي وسووي جذي ولاتخرعينها لانها اكيد بتستحي منج وقولي لها هالشي عادي كل بنات وهالشي عشان بنت بعدين تجيب بيبي ومن هالكلام وخليها فاهمه كلشي
وعلميها تحسب دورتها كل 28 يوم عشان تحاسب عمرها
واول الايام اعطيها اشياء دافيه عشان مغص
وااااااااااااااااانصحج لاتحرجينها قدام اخواتها وخالتها وعماتها او حتى امج الله يحفضها لاتقولين عنها جدامهم او يحرجونها لانها بتستحي منج ولابتعلمج مرة ثانيه اخذيها نصيحه
وخلي الامور عادي ولاتحرجينها وتسئلينها اسئل واايد وتدخلين لانج عارفه هاي اول دورة فبيكون شي جديد عليها واحراج مافوق احراج
قولي لها هاي سر محد بيعرفه غيري وغيرج والله سبحانه وتعالي