اوقات بيكون نفسي في بيتزا بس معنديش وقت لعمل العجينة او مليش مزاج
فبسهولة جدا بعمل الاكله دى سريعه وبسيطة ومتاخدش وقت
وادى الشكل النهائي بتاعها
نيجي للمقادير
رغيف عيش بلدى "خبز بلدى"
صلصة طماطم
طماطم مقطعه مكعبات
فلفل اخضر مقطع مكعبات
بصل مقطع مكعبات
وممكن طبعا تحطى اى مكون تحبيه
جبن شيدر بلوك ويقطع مكعبات " الابيض اللى عليها ثلج لانى بحتفظ بيها في الفريزر"
في الاول تجيب الخبز ونضع عليه الصلصه او معجون الطماطم
نضيف المكونات "طماطم وفلفل وبصل"
في الاخر نضيف الجبن الشيدر
توضع في الفرن على درجه حرارة عاليه لمدة اقل من 10 دقايق حتى يسيح الجبن
وادى النتيجه
وطعمها رهيييييييييييييب
جربوها وهتدعولى
يارب تعجبكم ومتنسوش التقييم
بالهنا والعافيه
دنا ههريه بيها بعد ما اتجوز كسل بقي 
عايزة اسالك سؤااال…
انا لما بحط على البيتزا جبنة شيدر ببقى مقطعاه مكعبااات …
بس مبتسحش بتفضل زى ماهيا وتقرمش من برة ومن جوا تبقى سايحة…
ايه السبب؟؟؟
ربنا يكرمك يا توكى
بصي لو بالعيش الابيض خلى بالك لانه بينشف بسرعه
انما العيش البلدى بيستحمل
 |
اقتباس |  |
 |
المشاركة الأساسية كتبها lifedrop  |
 |
 |
| تسلم ايديك يا شهيدة.. عايزة اسالك سؤااال… انا لما بحط على البيتزا جبنة شيدر ببقى مقطعاه مكعبااات … بس مبتسحش بتفضل زى ماهيا وتقرمش من برة ومن جوا تبقى سايحة… ايه السبب؟؟؟ |
||
 |
 |
بصي انتى بتستخدمى انهى شيدر انا باستخدم العادية مش المطبوخة
انه الاحسن؟؟؟
غالبا بجيب اللى هيا المصرى مش المستورد
بصي انا بجيب المستوردة ومش مطبوخه
خلى بالك في نوعين شيدر نوع بتشترية بلوك على بعضه جاهز ومعبا من شركات
ونوع بتشتريه زى الجبن الرومى بتاخدية في اطباق او بيقطعه الراجل اللى واقف في قسم الجبن ودة منه مصري ومستورد انا بجيب المستورد من النوع ده "ودة اللى بيسيح وبيمط زى الموزاريلا مع فرق ان الموزاريلا مبتديش طعم زى الشيدر"
انما الشيدر المطبوخه بتاعت الشركات مش بحبها خالص ومش بتسيح زى التانيه