خواتي العزيزات والله قلبي متقطع اليوم على ولدي وايييييييييييييد
من البارحة وهوه ويهه قاب احمر وكله حرار وحبوب صغار وجسمه صاير مثل الخشن …
هل معقولة يكون عنده اكزيما ؟؟؟.. واذا اي شنو علاجهااااااااا تكفون
وبنات البحرين يا ريت تفيدوني بطبيب جلدية اوكي؟؟….
والي صاد عيالها شنو المفروض اتجنبه من لبس واكل …وشلون تتصرفون معاها ؟؟؟؟؟؟
في أمان الله
لا تحكمين عليه بالمرض بس من الوصف استشيري طبيب في اسرع وقت وهو اللي بيحدد لج العلاج واسلوب التعامل مع الطفل.
واني اللي اعرفه في البحرين الدكتور محمود الفضل وعندج سميرة المتروك
مايجوف شر ولدج
حتى انه ولدي ملاحظه عليه
اجوف فى جسمه حرار صغاااااار وفى كتفه اكثر
ومو عارفه من شنو
بس من يومين عطيته روب
وزاد الحرار صار احمر وانترس
وساعات ويهيه يصير حمر
ياريت والله البنات يفيدونا اكثر
تحيااتي
الغالية أكبر قلب .. انا ما حكمت عليه .. بس عمته دكتورة مع ان مو اختصاصها جلدي بس نسائية وتوليد شاكة انه اكزيما لان ولدها وولد اختها فيهم يعني يمكن سالفة وراثة؟؟…
بس مثل ما قلتي لازم استشير دكتور جلدية ومشكوووووورة عزيزتي على ذكر اسمائهم لي
ام سلمانو يا الغالية ما يجوف شرررررررررر ولدج … يمكن ما يشد الروب حار عليه؟؟… وانا بعد الي يجوفه يقول لي يمكن عطيتيه شي مب اوكي له ..
عاشقة اسمراني ما عليها شر بنتج … وخطاها السوء ان شاء الله
بس من دكتورج .. اذا كنتي في البحرين …
في أمان الله
تحيااتي
عندج الدكتورة سميرة المتروك او الدكتورة غالية دويغر
وما عليه شر
اناعندي نفس المشكلة مع ولدي
بس انتي تقدرين تعرفين شو الي يناسبة
من الاكل بعمل اختبار يعني كل اسبوع تعطينة مثلا موز
اذا شفتي الاسبوع عد بدون حكة او احمرار في الجلد
والاسبوع الي بعدة منجا والي بعدة بيض وهكذا
واذا حسيتي ان فية حكة على طول تمنعين عنة هالاكلة
وحاولي قد ماتقدرين تلبسينة ملابس قطنية
وتكون طويلة ومو مكشوفة عشان مايحك
وحاولي ايضا بالنسبة للصابون مو على طول لانة ينشف الجسم
ويكون جسمة على طول رطب دهني على قد ماتقدرين
والله يشفي جميع اطفال المسلمين
انصحج تراجعين دكتور يوسف اكبر ترى وايد زين ويفهم حق كل شي
وماعليه شر انشالله