مثل ماباين بالتوقيع ولدي عبدالله بيكمل الخمس الشهر الجاي إن شاء الله… وأنا من السنة اللي فاتت كنت حريصة أني أعلمه السباحة بس صارت ظروف حملي وماقدرت آخذه للتعلم…
المهم سجلته بداية هذا الأسبوع لدروس السباحة والحين لنا 3 دروس وبعده خايف ومايعدي السلم ورافض إن المدربة تمسكه واليوم عشان أشجعه نزلت أنا بنفسي معاه قلت يمكن يتشجع بس نفس الشي من نوصل لنص المسبح قعد يصيح رجعيني ونفس الشي مع المدربة يصوت ويقول رجعيني لأمي….
ولدي كان جرئ لما كان صغير بس صار إن بنت خالي وهو له 3 سنوات رمته بالمسبح من ورا وكان بيغرق والله ستر وطلعه أخوي.. ومن بعدها صار عنده خوف فضيع.. بس آقول مرت سنتين معقولة متأثر للحين وخايف يغرق.. وكاهي ماشاء الله الحين تتدرب معاه وهي أحسن منه بألف مرة ومن أول درس كانت جريئة ورايحة مع المدربة..
حبيت اسألكم يا أمهات.. حد صادته هالحالة وبعدين عياله صار الوضع عندهم عادي وحبوا السباحة وتعلموا وصاروا سباحين..
ريحوني بديت أتعب نفسيا.. مو راضي يتعلم وخايف وأنا مفضية نفسي له بس عشان يتعلم وماشوف في نتيجة….