أنا في موضوع كلش شاغل بالي هل ايام بما أني افكر ادخل ولدي الروضة ان شاء الله
أنا ودي في روضة و مدرسة تخليه يتقن اللغة الإنجليزية و في نفس الوقت ما يخترب ولدي من جو الإختلاط ..طبعا اهو الحين اصغير ..بس اقصد لين كبر.. ناس يقولون لي مب زين اتدخلينه مدرسة و عقب اطلعينه لأني فكرت اوديه مدرسة البيان و عقب اشيله لين كبر شوي…
انتوا اشرايكم ؟ يسوه و لا لا؟ من اللي ولدها في مدرسة خاصة و مختلطه توصف لي الجو اهناك؟
و بعد عن سالفة التربية الإسلامية يعني نفس الحكومة و لا لا؟
 |
اقتباس |  |
 |
المشاركة الأساسية كتبها ملكة الصمت  |
 |
 |
|
السلام عليكم.. اسمحي لي الاختلاط لا مب عادي.. انا معلمة بمدرسة خاصة وتعالي شوفي البلاوي والمصايب الي تصير وخصوصا في فترة المرهقة اشياء تشيب لها الرأس.. خصوصا بهالزمن الصعب والجيل الاصعب.. انتِ ممكن تعلمينه الصح والخطأ لكن تحطي في وسط النار وتخبرينه ان النار تحرق ممكن ؟؟؟.. الناس احسها مغترة بالمدارس الخاصة على شنو.. الانجليزي احنا بزمان لا في مدارس خاصة ولا شئ والحين ما شاء الله نعرف انجليزي وندبر روحنا اللغة محتاجة للممارسة لا غير.. وشنو الفايدة انجليزي وبلاوي اخلاقية.. وتعالي شوفي الطلبه واشكالهم كله ثقافة غربية ولا يعرف من العربي الا اسمه وحتى الاملاء ما يعرف يكتب او يعبر.. فكري عدل .. ترى انتِ مسؤولة امام الله على هالولد.. بخصوص نقله بعدين لمدرسة ثانية انا اشوفها عادية بس ممكن يتأثر نفسيا بالجو العام .. او في حل ثاني ممكن انك تهتمي بتعليمه من يوم هو صغير انجليزي المعاهد والدروس الخصوصية ما قصرت.. آسفة اذ كان في كلامي شئ يضايقك بس اقولك من واقع انا اعيشه كمعلمة..
|
||
 |
 |
والله ماتصدقين اشكثر افدتيني بردك وخليتيني آخذ قرار اني ماأودي عيالي مدارس خاصة ،كنت افكر أوديهم كم سنة وأطلعهم بس ألحين ماأفكر كلش،بوديهم معاهد لتقوية اللغة الانجليزية اذا حسيتهم يحتاجون،واصلاياسبحان الله الاطفال من سن الروضة تلاقين قروب البنات بروحهم والاولاد بروحهم على فطرتهم،واما الجامعة ذاك شي ثاني يعني يكونون في مرحلة نضج ووعي ،عموما مشكووووورة عالافادة وعلى حرصش على دينش
الاختلاط صعوبته ما بتكون في مرحلة الروضة.. لأن الأطفال بعدهم صغار ما يوعون لشي.. وأكيد في الجامعة الولد او البنت وصلوا لمرحلة النضوج والوعي.. فشي أكيد ما بيكون بعد صعب مثل اذا كان بمرحلة التعليم الأساسي.. لأن الولد بيكون في سن المراهقة والتحول الفكري والانتباه لمرحلة اختلاف الجنس بينه وبين البنات اللي وياه.. وبعدين تتنبه حواسه الجنسية وممكن هالشي له بالغ الأثر في نفسيته..
عشان جذي نصيحة.. حاولي ايجاد مدرسة مافيها اختلاط.. عشان ترتاحين من المحاتاة طول الوقت على اخلاقيات ولدج..
وطبعاً احب انبهج لنقطة.. في كل مدرسة فيها الحين الكثير من المشاكل الأخلاقية.. لكن في المدارس الخاصة اللي فيها عيال الناس المرتاحة والمتدللة.. أحس الانحلال متركز بشكل أكبر لأن الكثير تربيتهم متحررة وانا ما اعمم.. لأنها لو خليت لخربت..
عشان جذي لو حبيتي تقوين انجليزية الطفل حاولي تركزين وياه من البداية او تودينه مثلاً بريتش كونسل.. يتعلم منها ومنها يبتعد عن الجو المشحون بالاختلاط في المدرسة خاصة ان وقت المدرسة مو شوي.. تقريباً ثلث يوم الطفل يقضيه فيها.. ويمكن يحتك في ربعه والي حواليه أكثر منج انتي حتى..!!
انا ما دري في مدارس خاصة منفصل فيها الاولاد عن البنات او لا.. بس ابحثي واسألي ممكن يكون موجودة مثل هالمدارس..
اني زوجي يرفض المدارس الخاصة وبقوة خصوصا للبنات
ولانه في فترة اشتغل يوصل الطلبة وشوف البلااااااااوي من البنات !
وتعليقه مثل ماذكرت الاخت ملكة الصمت
والله يحفظ عيالنا ان شاء الله
موضوع حلو تسلمين على طرح الفكرة
اللي مدخله ولدها او بنتها مدرسه خاصه ما بتقول اكيد عن سالفة الاختلاط انها مو زينة لانها ما فكرت الا انه ولدها في مدرسه خاصه وانه بيطلع يعرف الانجليزي وبيصير بلبل فيه ههههههه
انا عن نفسي ما افكر ابدا اني اودي مدرسه خاصه
بس بنتي اختي في مدرسة المهد واختي تقول بتطلعها من صف الخامس وبترجعها مدرسه عادي حكومة بس احس انها بتكون فيه صعوبة وايد في انها تتقبل نظام غير اللي تعودت عليه من ناحيه المنهج والاصدقاء وحتى نظام التدريس والوضع كله بيكون مختلف بالنسبة لها .
يعني اللي بتودي خاص يا تكمل للطفل او انها من البداية تخلي في الحكومي ، اما انها تتعب الطفل في نص المرحله الدراسة صعب 
.
بصراحه احنا في زمن يخوف يعن ما اقول لج نسبه 100 بالمئه بس ما يقل عن التسعين انه الطلبة اللي في المدارس الخاصه اهلهم منفتحين وكل اللي يفكرون فيه اللغة وبس . لا تقولين لي المنهج الديني في المدارس قوي او انش بتعلمين بنتش لانش مهما قلتي لها انه خلاص كبرتي لازم ما تكون علاقة بين البنت والولد ما بتستوعب لانها بتكون في محيط يجبرها على التعامل مع الاخر سواء في حل اولاجب او المشاركه في الانشطة او الرحلات مع بعض
ما ادري ليش ما المدارس الخاصه تطرح فكرة انه مجرد ما يوصلون الطلبة لسن اكبر تخلي صفوف خاصه بالبنات وصفوف خاصه بالاولاد ؟؟؟؟؟؟
يعني الحين بنت اختي عمرها 7 سنوات وعندها صداقات مع الطلبة في المدرسة الخاصه وطبعا بتستمر يعني قبل فترة كان عيد ميلاد واحد من اللي وياهم في الصف وراحت لهم البيت تحتفل معاهم
واتوقع المسالة بتتكرر كل سنة وحتى لو وعيتي البنت لين كبرت ووصلت تسع سنوات المحيط اللي بتكون تدرس فيه يجبرها انها تتعامل مع الطلبة الاولاد وينمي العلاقة بينهم يمكن مو بالشكل اللي ممكن يكون غلط والكل بيقول بعدهم يهال ما يفكرون في اي سوالف بس بيصير الشيء عادي عندها وبتقول مجرد زمالة وهالزمالة بتعلمها انه عادي تتكلم مع الجنس الاخر وبطلاقة
باجر بتشوفينها تتكلم مع اي طرف اخر وبتقول ما بينا شيء او مجرد سلام او مجرد سؤال او او …
سوري طولت بس انا ما افكر في المدارس الخاصه ابدا ابدا
عندي معاهد في كل مكان وبكل المستويات وممكن اكثف تدرسها للغة الاجنبية واخليها مثل الطلبة . بس اهم شيء عندي انها تكون بمبادئ واخلاقات اللي انا ابيها وتحت عيوني
وحتى لو قالوا عندي متخلفة او ان هالاخلاقيات ممكن تتدمر حتى في المدارس الحكومية بس انا ما اصب الزيت على النار واقول بعدين يا ليت ويا ليت .