ابي الكل يشارك برأيه في هذا الموضوع شنو الانسب وشنو كل وحده منا تسوي وعلى حسب مجتمعها الي عايشه فيه ……. عشان نتعلم الاتيكيت في الملابس 
شنو الملابس المناسبه في حفله رسميه مع اكسسواراتها ؟
شنو الملابس المناسبه في حفلة زواج لاشخاص مو من المقربين فقط مدعوه مع الاكسسوارات؟
شنو الملابس المناسبه مع اكسسوارتها في حفلة زواج شخص قريب سواء من اهل زوجك او من اهلك؟
شنو الملابس المناسبه مع اكسسوارتها لحفلة عيد ميلاد مدعوه عليه سواء كان لشخص قريب جدا او بعيد او انتي الي مسويه حفلة عيد ميلاد لك او لطفلك او لزوجك؟
شنو ملابس المناسبه مع اكسسوارتها لو جاك ضيوف في بيتك… سواء من الاقارب او ضيوف معرفه فقط؟
شنو نوعية الملابس المناسبه مع اكسسوارتها لو تزوجتي وتعرفون لازم عزومات من الاهل مره خالته عازمتك مره بيت عمه عازمينك وانتي عروس وبيتعرفون عليك عزومه على غداء او عشاء ؟
معزومه من قبل زوجك على سهره رومانسيه خارج المنزل شنو الملابس المناسبه مع اكسسوارتها؟؟
عزمتي صديقاتك في بيتك عزومه عاديه يعني موحفله شنو تلبسين مع اكسسوارت؟
هذي الاسئله الي جات على بالي والي حابه تسأل تطرح سؤالها والكل يستفيد
حلو موضوعك
بالنسبه لاسألتك فانااقول ان هالامور يتدخل فيها كثير شخصية البنت وش الي يلوق عليها
وعمر البنت قبل المناسبه
وماتقدرين صدقيني تلبسين بنت خجوله مثلا ثياب فانكي كثير وستايل بتحس طول الوقت انها مش مرتاحه
الحين اجابه على اسئلتج
شنو الملابس المناسبه في حفله رسميه مع اكسسواراتها ؟
حتى ان كانت رسميه بس المهم هو وين صايره المناسبه بالبيت في الشاليه بمطعم ومتى بالليل الظهر
التزمي النعومه باللبس ويمكن تتجرأين بالاكسسوار مش كللللل الاكسسوارات الي عالتسريحه نلبسها
ههههههههههه لا مثلا نلبس حلق حلو وراقي ومبين موديله او اذا كانت البلوزه او الفستان حقك قصة الصدر نازله تقدرين تلبسين عقد حلو
تقدرين تلبقين بدله حلووووووه وزاهيه مع شوز حلو وشنطه حلوه والا اخره او فستان ناعم هدل وقريب من الجسم
شنو الملابس المناسبه في حفلة زواج لاشخاص مو من المقربين فقط مدعوه مع الاكسسوارات؟
كل عرس اروح له سواء مقربين او لا دايما اكششششششششششخ والبس احلى ماعندي
والي يتحكم بذي الشي هو مزاجي بس مافي قاعده اسمها ان تكونين اقل جمالا او اناقة في مناسبه ماتخصك من قريب
من وجهة نظري طبعا اتكلم عن عروس اما اذا عزومه بالبيت او عالضيق فلا التزم النعومه والبساطه والماكياج الحلو
شنو الملابس المناسبه في حفلة زواج لاشخاص مو من المقربين فقط مدعوه مع الاكسسوارات؟
طبعا اكيد بسوي لي فستان حلوووووووووووو جدااااااااااااا والاكسسوارات حسب مايستحمل الفستان يعني اذا قصة الصدر تسمح بعقد اولا انا شخصيا احب البس حلق وساعه كشششششششششخه وشنطه سواريه ناعمه وطبعا الدعوى متكامله التسريحه بالفستان بخامة الفستان ولونه وموديله والمكياج لازم الواحد يخف بشي عشان يبين شي ثاني ومايبين معجأ على قولة اللبنانين
شنو الملابس المناسبه مع اكسسوارتها لحفلة عيد ميلاد مدعوه عليه سواء كان لشخص قريب جدا او بعيد او انتي الي مسويه حفلة عيد ميلاد لك او لطفلك او لزوجك؟
كوكتيل دريس يعني فستان ناعم هدل او بدله حلوووووه تنوره وبلوز مع كارديغان واذا تسمح البدله بحزام يبين الخصر او اذا الفستان يناسبه حزام يبرز الخصر يعني تدخل بالسالفه الذوق والشخصية وقصة الجسم
شنو ملابس المناسبه مع اكسسوارتها لو جاك ضيوف في بيتك… سواء من الاقارب او ضيوف معرفه فقط؟
على حسب متى جايينيك ظهر بالليل ومثل ماقلت على حسب شخصية البنت يعني انا عندي بنت خاله اصغر مني واحد وعشرين عمرها بس تحب لما يجونها ضيوف تلبس جلابيه حلوه وناعمه كذا انا بصراحه ماعندي ولاجلابيه ولاافكر اسوي لي افضل الفساتين الناعمه والبدلات الحلوه والزقرت بصراحه
يعني هو له دخل بشخصية البنت انا احب اللوك الغيرلي البنوتي
انا طبعا راح البس لو كانو من الاقارب سكيني جينز ومعاه توب حلوووووووووووووووووو وارفع شعري لفوق
ولو من غير الاقارب يعني من غير مناسبه بس مسيرين راح البس نفس الشي لو كانو ميانه او اذا كانو شوي بعاد راح البس تنوره ومعاها توب من فوق مع بوليرو او كارديغان
شنو نوعية الملابس المناسبه مع اكسسوارتها لو تزوجتي وتعرفون لازم عزومات من الاهل مره خالته عازمتك مره بيت عمه عازمينك وانتي عروس وبيتعرفون عليك عزومه على غداء او عشاء ؟
على غدا انا بالبس بدلات حلووووه بكل المناسبات بس عندك خيار ثاني انك تلبسين جلابيه حلوه
على العشا طبعا سبور شيك يعني جينز من تحت مثلا ومنفوق شي حلو ومميز يعين مش بادي عادي
معزومه من قبل زوجك على سهره رومانسيه خارج المنزل شنو الملابس المناسبه مع اكسسوارتها؟
عادي استمتعي بالاختيار وخلج واثقه من خيارج سواء اخترتي تلبسين الجينز ومعاه توب حلو او التنوره او الفستان الناعم الحرير او الشيفون الهدل الو التونيك "توبات الطويله "مع ليغنز
عزمتي صديقاتك في بيتك عزومه عاديه يعني موحفله شنو تلبسين مع اكسسوارت؟
كل الخيارات مفتوحه قدامك هم يمونون عليك اهم شي تلبسين شي كشخه سواء لبستي بنطلون او تنوره او ليغنز مع توب او فستان ناعم
بالنسبه للاكسسوارات القليل منها يبين اكثرمن الكثير منها يعني لبس حاجه واحده اوحاجتين في كل مره
يعني خاتم حلو مع ساااااااعه كشخه مع حلق حلو وشنطه كشخه اذا هدمتك تستحمل سكارف او حزام يعني بالنظر هو انتي تقررين والشوز او الصندل مهم جدا جدااااااااااااااااااااااااااااااا بامكانك تضيفين الكثير الى لبسك لو لبستي الشوز المناسب واللون
يوووووووووووووه هذرت وايد بروح اصلي المغرب
تيك كير
اسئلتي هذي لان لما اروح زواجات من الاهل او اقارب او اصدقاء العائله اشوف بنات جايين ببنطلون جينز وبودي عادي بعضهم فاتحين شعرهم وبعضهم رابطينه كذيل حصان وانا كنت اسوي والي تلبس تنوره والي تلبس فستان قصير
طبعا الميك اب بعضهم على حسب المزاج بعضهم على طول على الناعم
بس بما اني انتقلت الى عائله مختلفه تماما عن عائلتنا والمجتمع مختلف جدا عن الي عشت فيه
ماعتقد اني بروح زواج ببنطلون او بنطلون جينز اعتقد بيضحكون علي
والتنوره كنت اتسائل هل اوكي عادي او لا
يعني كنت محتاره متى عادي البس بنطلون متى عادي البس فستان سهره ومتى البس تنوره وبدله فخمه او ناعمه وفي اي المناسبات
طيب سؤال
متى البس فلات شوز
ومتى البس هايههيلز
ومتى البس بوت رقبه طويلهاو مع رقبه صغيره
وهل اوكي عادي البس بوت مسكر برقبه صغيره او طويله بالصيف
بغض النظر عن الوانهم شنو الانسب مع اي فستان او بنطلون او تنوره
وشنو الانسب على حسب المناسبه والجو؟
هاي شفتي التنورات الي حاطتهم من هاذي النوعيه من التنورات الي يسمونهم بارتي سكيرت تقدرين تلبسينهم مع توب حلو واكسسوار مبين عقد يعني طويل شوي او حلق مبين وتسوين شعرج ستايل حلو راح ينفع تروحين فيها عزومه او عرس من بعيد لبعيد تعرفين اهلهم يعتمد على مزاجك انتي
+شفتي البنطلونات الي حاطتها الي تجي قصيره هاذي ينفع تلبسين معاها فلات بشكل عام الفلات تقدرين تلبسينه مع بوانطلين او تنانير وفساتين قصااار "حد الركبه من فوق"هو احلى مظهر بتحصلينه مع ذي النوع من الشوز وتقدرين تلبسينهم مع شورتس وليغنز"انا شخصيا مااحب البسهم مع ليغنز"زي الي بالصوره الاخيره بس اذا تبين تطلعين بمظهر الثمانينات على شيك اكثر تقدرين تحرفين بالمظهر شوي
+اذا كنتي بتطلعين بثياب كاجوال يعني جينز فاتح مع بادي تقدرين تلبسين ذي النوع من الشوزات
+ابداااااااااااااا لاتلبسينه مع فساتين نص الساق طولهم او تنانير طويله او بوانطلين طويله بيصير شكلج مبهدل
بالنسبه لاول شوز هذا ينفع تلبسينه جينز اذا كانت ثيابج سبور شيك او ترفعين من قيمة الهدمه الي لابستها وتقدرين تلبسينه مع فستان قصير او طويل
ثاني شوز مع بينسل سكيرت الي تجي على قد الجسم ضيقه وقصيره وتقدرين تلبسينه مع جينز بعد بنطلون سواء كان سكيني جينز او واسع من تحت عادي وتقدرين تلبسينه مع السوت بانتس البدلات الي يجون طقم الجاكيت مثل البانطلون ويكون رسمي اوفيس لوك يعني
الفلات جاوبت عليه
البوت ازعل عليك لو لبستيه بالصيف سواء كان قصير او طويل بالعكس عالصيف لبسي الصندل اكشخ والشوز الي تجي مفتوحه عند الاصابع والفلات الباليرينا زي الي انتي حاطته الشانيل
بالوان زاهيه وخامات مختفه الساتان الي يلمع والجلد وغيره
واذا جا الشتا تقدرين تلبسين البوت الطويل مع تنوره جينز طولها نص الساق او تنوره عاديه بس تكون ضيقه نوعا ما وتقدرين تلبسينها مع بنطلون جينز ضيق وتلبسين البوت فوقه
اما عن المناسبه فما في مناسبه محدده تقدرين تلبسين كل هاذولي باي مناسبه يعتمد على لبسج اما الشوز حاولي تنبسطين وتلبسين الي يناسب مزاجك
بالنسبه للبوت القصير ماانصحك فيه يبهدل اللبس احس اذا بتلبسينه مع تنوره لكن تقدرين تلبسينه مع بنطلون جينز واسع من تحت الي يجي قصه وحده من فوق الى تحت
بالنسبه لسؤالك عن الجينز فلالالالالالالالا لاتلبسينه بعروس ابدا مو حلو ويبين البنت تشيب
البسي فستان ناعم او تنوره والجينزات والبديات خليهم لما تروحين تتسوقين او رايحه تمشايه او زوارات مع الاهل والصديقات الي تمونين عليهم من غير مناسبه خاصه وتقدرين انتي تغيرين طلتك بالكامل اذا لبستي الشوز المناسب وسويتي شعرك حلو ستايل يعني ولبستي اكسسوارات مناسبه وشنطه حلوه بس مو للعروس زي ماقلت لك على الزوارات وتحولين طلتك من كاجوال الى سبور شيك