اريد اعرف متى يبدا فصل الربيع بالاردن و وين الاماكن السياحيه فيها؟
فصل الربيع ببدأبالاردن بشهر نيسان تقريبا ( شهر 4 )
أحلى فصول السنة فصل الربيع .. ااااااه شو مشتاقة أنزل الاردن بفصل الربيع وأروح خصوصا للسلط بحب هالمدينة من كل قلبي هواها برد الروح
اما الاماكن السياحية بالاردن كتيرة
البترا << موجودة جنوب المملكة ( فن معماري ) وضموها لعجائب الدنيا السبعة
العقبة << جنوب الاردن ( بحر )
قلعة الربض في عجلون او قلعة صلاح الدين << شمال المملكة
قلعة جرش << شمال المملكة
ممكن كمان تزوري مقام النبي شعيب موجود بالسلط كمان شمال المملكة
مدينة مآدبا كلها سياحة دينية ازا بتحبي تشوفي الكنائس والفسيفساء قمة الجمال والروعة
البحر الميت << هالبحر شديد الملوحة بس المياه فيه مفيدة كتير ( علاجية ) وطين البحر الميت كمان مفيد وفيه شفاء لكثير من الامراض الجلدية ( الله يشافي ويعافي الجميع )
وفيه حمامات معين ( كمان مياه معدنية علاجية ) للعظام
ان شاء الله اكون افدتك لو بالقليل
وازا بدك فندق مرتب ونظيف وسعره مناسب لا هو غالي ولا هو رخيص ومنظقة راقية في عمان العاصمة
اسم الفندق ( جاردنز بالاس ) في اول شارع الجاردنز ( شارع وصفي التل ) مقابل السيفوي .. نزلت فيه 9 ايام لما كنت عروس عن جد الفندق مرتب ونظيف وراقي
ما بعرف شو تصنيف الفندق لكن انا بقيمه 4 نجوم من حيث الخدمة والنظافة والترتيب وحتى موقعه المميز .. والغرف واسعة والاثاث فيه كأنه فندق 5 نجوم مريح لدرجة كبيرة
وبنصح كل واحد بدور على فندق بهالمواصفات يروح بهالفندق دون تردد
دخلت وما حبيت اطلع بدون رد ان شاء الله ماء الالماس فادتج
كل الشكر لك, ماء الالماس عالمساعده … جزاك, الله خيييير..