السلام عليكم و رحمة الله و بركاته
—
كلنا بشر و كلنا عندنا عيوب.. صح ؟
فيه ناس اتكابر و هي عارفة ان عندها هالعيب :poster_ban:
و في ناس ودها ينصلح حالها لكن مو عارفين شلون :poster_oops:
و هذي بالضبط فكرة الموضوع
كل وحده عندها عيب بشخصيتها لااااازم تعترف فيه بالأول عشان تقدر اتغيره بإذن الله
هالموضوع راح يكون كرسي الاعتراف من خلاله نبدأ انغير بأنفسنا و إن شاء الله اللي تقدر اتفيد غيرها أكيد ماراح اتقصر
العيوب اللي أقصدها تشمل الخلل في الأطباع .. الأخلاق .. الثقة بالنفس .. الخ
كل شي يأثر بشخصيتج و يأثر على الناس حواليج و تبين اتغيرينه : تذكري مافي شي مستحيل إن شاء الله
—
مو بس نقول شنو اللي مضايقنا و نسكت !! لاااااء نبي نشد الهمه و نبتدي صفحة جديدة من بعد اعترافنا
من اليوم و رايح كل وحده فينا بتصير بنت سنعه مسنعه مو ناقصها شي إن شاء الله .. نبي انصير التوب بكل شي مفهوووم ؟؟ :21_209:
مثل ما ندخل الأركان الثانية و نهتم بأشكالنا و لبسنا و بشرتنا و مكياجنا …
اهني راح يبدي التغيير الجذري من الداخـــل
و طبعاُ انتشارك بتجاربنا و شنو المواقف اللي انحطينا فيها .. حتى لو مجرد لحظة حسيتي انج تغلبتي فيها على هالعيب تعالي قوليلنا و خلينا نفرحلج و انشجعج :ongue:
ها بنات اشقلتوا ؟؟
موافقين ؟؟
(( فيني نووووووووم ))
حيااااااج حبيبتي بأي وقت
ناطرينج
:flower:
خلوني أفتتح الموضوع
مشكلتي اللي ودي أتخلص منها هي لســــــاني
الكل يقولي صراحتج اتضايق .. مع اني و الله ما أتكلم إلا و انا ابتسم و اختار كلام مرتب و مو من النوع اللي يتدخل بس أهلي دايماً يوقفوني بنص الكلام و يقولون ترى كلمتج هذي تجرح !! و الله العظيم ما أحس و لا انتبه و حتى لما ينبهوني أشوف كلامي عادي مافيه شي !!
غير الصراحة عندي التعليقات جاهزة خخخخخ .. اقط الكلمة بدون تفكير !! بس أسمع شي أو أشوف موقف على طوووول تعليقي زاهب و كلها تعليقات مضحكة و دمها خفيف و الكل يضحك عليها بس مع الوقت لقيت ان الناس الغرب ما يفهمون ان هذي شخصيتي .. يعتقدون اني استهزئ فيهم !!
ان شاء الله و بإذن الله بحاول أسوي كونترول على لساني ..
صحيح هالموضوع صعب واااايد لأني جربته أكثر من مرة لدرجة اني قمت أظل ساكته طول الوقت بس عشان ما أتكلم و أغلط .. لكن هالمرة انا مصممة و الله يعيني
يسلموووووا على الموضوع الحلو ….
مشكلتي يافتاير……
اني ملولة كتييييييييييييييييييير وبحب التغيير……..
والشغلة اللي اهم من الاولى اني ما بكمل شي ببدا فيه….
هيدول حاليا ……. بس المشكلة ماعم اعرف كيف بدي اتغير
بالفعل مشكلة بس ليش ما اتحطين لج جدول تمشين عليه ؟
يمكن اتساعدج هالطريقة ..
أحياناً تمر فيني هالحاله فأحاول أكتب كل شي بورقة أو اسجلهم بالموبايل عشان ما أهمل شغله و أنساها
أحاول كثر ما أقدر اني ما أأجل شي لحد ما أنتهي منه و أخلصه و بالتالي أشطبه من القائمة
ومشكلتي اني وحده
ماعندي ثقه في نفسي
وحساسه من اي شيء
يعني لواسوي شيء
واحديعلق اويضحك خلاص
اقعد افكره فيه
لا وابعد عن الشيء الي سويته لوانه عادي
ذابحتني هالحساسيه
مشكلتي انا اني طيبة زيادة عن اللزوم
وبعض الناس للأسف تستغل طيبتي لمصالحهم الشخصية حتى لو كان فيها
ضرر علي
واحنا بزمن……. ان لم تكن ذئبا اكلتك الذئاب
نفسي اكون احسن من هيك
ماحد يستغل طيبتي
يعاملوني زي مابعاملهم
بصراحة حاولت اكون شريرة ههههه
بس مانفع معي
…………………………………..
مشكلتك انتي مو صعبة بس بدها عزيمة وتحدي
اتحدي نفسك في ترك العادة هاي
وتزكري من قل كلامه قل خطأه وزاد احترام الناس له
مع تمنياتي للجميع بالسعادة والبعد عن المشاكل
و في نفس الوقت جدا حساسة و ازعل من ابسط الاشياء رغم اني دايما احاول اتقبل اي شيء ممكن يضايقني لكن للاسف ما قدرت ..
:dontknow:
اشرايج تبدين اتقوين قلبج من الحين ؟
وايد ناس تشتكي من الحساسية الزايدة بس ملاحظتهم انهم هم اللي يعانون و اللي يجرحهم بعالم ثاني ولا درى عنهم 
—
نبع الحب
الطيبة عمرها ما كانت عيب بس العيب بالناس اللي ما ينعطون وجه :SOFA:
أقولج شغله ؟ انا توني بديت وظيفتي و كل نصايح البنات : لا تقولين حاضر للكل ترى ماراح اتخلصين و بتصيرين السكرتيرة الخصوصية لكل موظف .. أي شي يحتاجة قالج خلصيه لي
و بالفعل بديت أسوي جذي و صرت انا الشريرة ههههههه
حاولي اتحطين حدود بالتعامل .. قولي لأ .. مع انها صعبة بس اذا تعودتي عليها بيمشي الحال
حاولي و شوفي
و بخصوص مشكلتي اعجبتني المقولة اللي ذكرتيها : من قل كلامه قل خطأه وزاد احترام الناس له
—
خديجة 12
مشكلتج خليط بيني انا و شذى العفاف !!
انا اللي بقلبي على لساني فكثير ينجرحون مني و انا ما أقصد ولا أحس بروحي .. اذا عرفتي الحل قوليلي تكفين و خلينا انتشارك خطوة خطوة بالحل 
و من ناحية الحساسية الزايدة ياريت البنات يفيدونكم بتجاربهم و خبراتهم