الاكل المناسب لطفلي 2024.

مرحبا الجميع
حبيت اتساعدوني
عندي ولد عمره 4 شهور وفطمته في الاربعين لاني كنت مريضة بالمستشفى
اعطيه حليب صناعي ومايرضع غير 90 درجة بس قالولي احط له كسرت فالرلز في الحليب وبديت معاه بس حبيت أعرف من الشهر الخامس شو ابتدي أأكله ما أعرف اي شي لانه البكر وما عندي حد يقولي

اختي ابدي تذوقينه سيريلاك وموز الاطفاااااااااااااااال ع الخفيف

مشكورة اختي على الرد السريع بس حذروني من سيريلاك القمح وقالولي اعطيه بعد 8 اشهر اكتشفو عندنا بالامارات نسبة الاطفال المصابين بالحساسية من السيريلاك في الوقت المبكر

هلا حبيبتي عطيه كمثرى ا وتفااح لانه يكون خفيف على المعده وموز كل مره جربي شي حتى تشوفين اذا والمه ولا … واتمنى البنات يفيدونج اكثرر…

مرحبا اختي…

في البداية تقدرين تبدين معاه بربع كسرة من فارليز مع حليب الرضاعة .. لما يتقبلها ويصير عادي عادي عنده الطعم المختلف عن الحليب. بدي معاه اول طعام له بالملعقة..

وعادة احنا ننصح تبدين بالارز المبشور من ميلوبا.. تخلطين شوي منه مع حليب الرضاعة .. بس لا تخلينه سائل موول…

من الضروري تنتبهين الى اهمية اعطاء الطفل الخضروات والفواكه المهروسة.. وعدم الاعتماد على الاطعمة الجاهزة مثل السريلاك وغيره… ( السيرلاك بدي معاه بعمر الستة شهور وليس قبل ذلك )

ابتدي معاه بالخضراوات المهروسة.. قبل الفواكه.. لأنه احتمال اذا تذوق طعم الفواكه اول يعوف الخضروات.. ومعروف اهمية الاثنين له..

من انواع الخضروات : الجزر .. البطاطس والبطاطا الحلوة ( نسميها الهندال ) الكوسا – القرع…
تسلقينها في قليل من الماء.. بعدين تضربيها في الخلاط مع قليل من ماء السلق..

كل يوم جربي صنف واحد عشان تكتشفين اذا عنده حساسية لنوع معين..
وعندج الركن عامر بهالمواضيع … سوي بحث وبالخصوص في المواضيع المميزة وبتحصلين ..

مشكورين أخواتي على مساعدتكم لي وما قصرتوا

هذا الرابط يعطيك معلومات شاملة عن تغذية الرضيع،، إن شاء الله يفيدك..

http://www.3roos.com/forums/showthre…4+%D4%E5%E6%D1

حبيبتي لا تعطينه الا من السادس انا جربت الصراحه ..واحس صارلها مغص وبطنها دوم يعورها..

ف ابدي بالسادس افضل..

وابدي بجبن مثلا كيري قطعه الصبح..
والظهر عيش ميلوبا..
وبالليل خضروات مشكله مسلوقه مهروسه..
والعصر مثلا تعطيه عصير تفاح..

والله يخليه لج..