موضوعي بيكون مثل تجمع للامهات اللي عيالهم مصابين بالربو او حساسيه الصدر..و يستخدمون لهم جهاز البخار او ال Nebulizer
انا ولدي من كان عمره 3 شهور مرض و ياته كحه و بلغم و ضيق تنفس و قالولي لازم استخدم له الجهاز…ومن هذاك الوقت كل ما يمرض من كحه او بلغم او ضيق استخدم له الجهاز…طبعا الدكتور للحين يقولي انه مب شرط انه ربو او حساسيه…يمكن فايرس…بس الاعراض تتشابه مع الربو…
من اسبوعين الحين وولدي يعاني من الكحه و البلغم..واستخدم له الجهاز واحط فيه ventolin و
pulmicourt
للحين الكحه موجوده بس اقل عن قبل بس الصوت اللي في الصدر و الضيق بعده
(w)
بصراحه تعبت و هو بعد تعب..كل مره لازم اسويله الجهاز ما يرضى ييلس و حرب انا وياه لين تخلص الجرعه 
فديته يكسر خاطري
خلونا نواسي بعض في هالموضوع ونفضفض و خبرونا عن عيالكم
والله يشفي عيالنا و كل مرضى المسلمين
وهم اني اعاني ويه بنتي من نفس السالفه على اقل زكام او تغيرر في الجو يصير لها
ضيق تنفس وكحه وتنزل ليها الافرازات في الصدر
ووديتها من كان عمرها اربع شهور الى اخصائي ( اطفال وصدريه ) وشخص حالتها انه
عندها حساسية في الصدر واذا زادت تتحول الى حالة ربو , وللحين صار عمرها ثلاث
سنوات ونص ولا زالت بين وقت ووقت تجيها الحاله بس مع التشخيص والعلاج تصير
احسن لفتره طويله .
وبالنسبة للعلاج اخذت انواع كثيره يعني كل مره غير على حسب الحاله وتطورها
ومكينة البخار ضرورية في كل حاله حق ( ventolin و pulmicourt )وحاليا نستخذم ليها
نوعين من البخاخ ( Boehringer و Flixotide )
بس اخذيها نصيحه مني ومن ام مجربه لازم تعرضين ولدش على دكتور اختصاصي في
الصدريه والربو وكل ما صادته الحاله تروحين حق الطبيب لانه مو كل مره ينفع العلاج
الاولي , يعني لا تستخدمين وياه اي علاج بدون استشاره من الدكتور لانه يمكن تزيدين
الحاله الي في الطفل
 |
اقتباس |  |
 |
المشاركة الأساسية كتبها بنت الخيلي  |
 |
 |
| الله يشفي عيالنا جميعا….بصراااحه موضوع الربو او ضيق التنفس يضايق كل ام وطفل بس علينا المحافظه عليهم من الغبار والعطور والدخون وبعد تغير الجو….موضوع استشارة الطبيب ضروريه في كل مره يتعب فيها الطفل….مشكوووووووره اختي على الموضوع | ||
 |
 |
كلام الأخت صحيح
حالي من حالك جلسة البخار حرب
الحمد لله على كل حال عيالي كلهم مروا بعالأزمه والحمد لله كل ما كبروا تخف الحساسيه وأحتياجهم للبخار والدكتور كان يطمني أن مع تقدم الطفل تخف الأزمات عنه وأن هذا و ربو
ياما تنومت في المستشفى معاهم وبخاركل ساعتين أو أربع ساعات
والحالات الي ما تحتاج تنويم كنت أوديهم المستوصف مرتين يآخذون بخار وبعدها قررت أخلي الجهاز بالبيت
تنبيه
ventolin
مدة صلاحية العبوه بعد الفتح شهر واحد فقط مكتوب على جانب الكرتون
بنت الخيلي..انا للحين ما قالوا انه ربو ..بس مع ذلك ابعده عن هالاشياء لان انا كان فيني يوم كنت صغيره واعرف شو اللي يتعب اكثر و يزيده…اسعدني مرورك..والله يشفي عيالنا
am slooh
الله يعينج والله…انا اليوم وديت ولدي الدكتور طمني عليه قاللي الصدر نظيف الحمدلله رب العالمين ….بس لازم بعد استمر اسبوع مع الدوا بس بجرعات اقل
انا اخذ لولدي الفنتولين اللي ايي في عبوات بلاستيك صغيره حسب الجرعه..وايد احسن و جاهزه ما تتخفف مع المحلول
وفيه طريقه ثانيه وهـــــــــــي,,,,تفوحين اوراق الجوافه وشربيه.
انتبهي اهم شي من لزكام هو ساس البلاء اعطيه دواء اسمه رينو ستوب والله حلو وانا استعملع لعيالي
اتمنى اني افدتكم
الله يشافي مرضى المسلمين يارب |
اقتباس | |
|
المشاركة الأساسية كتبها يازيني |
|
|
| اهلين حبيبتي ………الله يشافي اعيالنا من هالربو ذبحهم والله انا عندي بنت من يوم انها في الاربعين جاتها ازمه قويه فجأه زورقت علي يعني مافيها اوكسيجين والحين عندي بنت وعمرها شهر استعمل لها جهاز البخار بس عندي طريقه حلوة لولدج اذا في صدره بلغم وهــــــــــي….تبشرين البصل وتحطين معاه عسل ووكليه غصب لو شي بسيط لان بتجيه اللوعه وبيرجع البلغم وكذا يخف على صدره وفيه طريقه ثانيه وهـــــــــــي,,,,تفوحين اوراق الجوافه وشربيه. انتبهي اهم شي من لزكام هو ساس البلاء اعطيه دواء اسمه رينو ستوب والله حلو وانا استعملع لعيالي اتمنى اني افدتكم الله يشافي مرضى المسلمين يارب |
||
|
|
حياج الله حبيبتي..واشكرج عالوصفات الحلوه…بالنسبه للبصل مع العسل سامعه عنه..ام ريلي تحط بصله مع العسل و تتودن البصله في العسل و عقب تعطينها للياهل..بس مسكين ما يهون علي اعذبه بهال طريقه
ربي يشفي عيالج يا رب
أنا عندي عبوات المحلول الصغيره