بنات الرياض او اي وحده من اللي راحت وتسوقت في الرياض 
اكيد تسوقتوا من الرياض سواء في مناسبات عندكم او في ايام الزواج او قبل ايام الزواج
ابي اعرف احسن المحلات في الرياض واكشخها واللي اسعارها مناسبة بعد مابي شي
شين وسعره مو زين 
يعني الرياض مول وحده قالت لي انها اشترت منه فستان بــ 650 وشفته والله مايسوى حتى 400 ريال وعندنا في الشرقية احسن منه
بس يعني ابي شي غريب عشان اقول اني اشتريت اغراضي من الرياض <== نوع من المهايطه هع
وابي تقولون لي وش المحلات الزينه اللي عندكم 
لاتسفهون سؤال تراني ابي فزعتكم قبل لايخلص هالشهر
والله يوفقها ان شاء الله ويرزقها رزق مايخطر على بالها اللي ترد علي ^______________^
يالله سيوو
اختكم
سوسوووووووووووو
منورة والله …
عندك أسواق مرة حلوة في الرياض منها :
حياة مول و مجمع الموسى والعليا مول " فساتين سهرة "
واذا تبين اقمشة مررررررررررررة روعة و غريبة روحي رويال مول و الأندلس والعثيم مول
بس والله أسعارها لك عليها شوي………
والله يحيكي في الرياض و نورتينا….
و ان شاء الله موفقة…
زوري المصممة نورة
عندها كاجول روووعه و فساتين و جلبياات روووعه للعرايس
و اسعارها مرررة معقوووولة
اذا حبيتي الرقم ارسلته لك
ولا تنسين تدعيلي
الاخت العزيزه شرفتينا في الرياض
واذا على الاسواق عدي وغلطي
فيه صحارى روعه للملابس الجاهزه والبلايز والتنانير والبناطيل والاكسسوارات
وحياة مول محلاته غيييييييييييير جميع الماركات فيه وكلها عياره عن جلابيات وفساتين جاهزه
وبلايز ومفارش عبايات ذهب اكسسوارات يعني بالعربي كل شي فيه ماعدا الاقمشه
وفيه الدانوب وهو الوحيد في الرياض وفيه حجات حلوه مريه وراح تدعين لي
عندك الفيصليه والمملكه بس احسها للتمشيه احلى وعندك رويال سنتر اقمشه وجزم واكسسوارت ومثله الاندلس والعليا مول..
عندك التعمير وهي داخل البلد على قولتهم والمعيقليه اسعارها رخيصه واغلب الاغراض بالجمله
وعندك محل زمزمي الوكيل الوحيد لسوارفسكيمقابل للمعيقليه
وبعد عندك سياحه مول واغلب اللي فيه مصممات ومحل واحد يجيب من لبنان ملابس جاهزه بس غالي القطعه بسته ومافوق
وعندك العوويس للاواني المنزليه والتحف والمفروشات وايضا بعض الغيارات الرخيصه
وطيبه حلو واسعارها معقوله
والباقي بعدين …
حلم العشاق
تسلمين يالغاليه والله يعطيك العافيه عزالله ماقصرتي
ومشكورة على الرد فديتك
ورودي الجوريه لك
سوسووو
تسلمين والله بس اذا سمحتي ارسلي رقم المصممه
والله يحييك ويبقيك ومشكورة والله على الرد والحضور الكريم
ورودي لك يالغلا
سوسووو
مشكوووووووووووووووووووورة والله كفيتي ووفيتي وماقصرتي يابعدي
وانتظر الباقي هع <== طماعه تبي معلومات بعد
بعدين الدانوب هذا وين فيه بالضبط في الرياض ؟
واشكرررررررررك الف على الحضور والرد يالغاليه
ورودي لك يالغلا
سوسووو
مرحبا الدانوب في حياة مول وعندك السلام مول والبديعه مول ورمال سنتر ولي مول ……..الخ
وبغيت اسأل نورور
سياحة مول فيه مصممات وهل عندهم فساتين زفاف حلوة وكيف اسعارهم