اليوم دورت النت كله و حصلت مليون طريقة و طريقة .. بس ابغي طريقة سهلة و ما يكون من النوع الجاهر اللي يسوونه من الكرتون ..
بعدين ابغي اسويه و يتم محافظ على طراوته لاني كل ما اسوية واخليله لو ساعه على طول يستوي يابس و مالي نفس اكله حتى …
ابغي افاجى بو العيال بطريقه حلوة و خفيفه لانه يحبه و بنتي بعد اتحبة.. بنات ساعدوني :study:
هاي صورته للي ممكن يعرف طريقته بس ما يعرف اسمه :rolleyes:
ثانكيووووو
ليلي دبيF:
هلا حياج الله عزيزتي…
جربي هذي الطريقة، جداً لذيذة و تتم طرية حتى لو طولت، بس بشرط تغطينها 
⌡⌡بانكيك… لفطور راقي… و أكيد بالصور ⌠⌠
و نفس هذي الطريقة تقدرين تسوينها وافلز بعد
بالعافية مقدماً F:
مشكوووووووره ..
ما قصرتي
تسلمين ديزي اش على الطريقه الجميله ون شاء الله اختن تستفيد منها لانها طريقه مجربه وشكلها لذيذ
((اسيره الغربه )) سابقا
اهم شي تستخدمين اكواب وملاعق خاصة للقياس عشان تضبطين المقادير
2 بيضة
2كوب حليب
4 ملاعق كبيرة زبدة (تقريبا نص اصبع)
نص ملعقة صغيرة فانيلا سائلة
2كوب دقيق
2ملاعق كبيرة سكر
2ملاعق صغيرة بيكنج باودر
1ملعقة صغيرة بيكنج صودا
1ملعقة صغيرة ملح
الطريقة:
تجيبين علبة بغطاء محكم تحطين كل المقادير الجافة وتقومين برّج العلبة بشكل جيد عشان تختلط المكونات
وفي وعاء تخفقين الزبدة والبيض والحليب والفانيلا ثم تضيفين عليه خلطة الدقيق و تخلطينهم
وتسخنين المقلاة وتتاكدين انه ساخن
وتحطيم مقدار من خلطة البان كيك وتنتظرين شوية الى ان تشوفين فقاعات وتقلبينه وتنتظرين لمدة 10 ثواني وترفعينه لطبق التقديم
لا تقلبين كثير عشان تحتفظ اقراص البان كيك على طراوتها
انا احط فيه قطع االتفاح مخلوط بالقرفة ^^
وهذه صورته
طبعا تقدرين تعملين المقادير الجافة بكمية مضاعفة وتحفظينه بعلب بلاستيك وتخلينه بالفريزر
وكل مااحتجتي
تجهزين المقادير السائلة وتخلطين معاه كوبين من خلطة الدقيق المحفوظ بالفريز^^
ديزي آش وبرنسيس الغاليات
مشكورات على الطرق الحلوة