مقادير البايلا
الدجاج +الكروفيت+ الكلامار
جعدة + البصلة + المعدنوس
الفلفلة والجلبانة الي كاين حمرا او خضرا او بجوج احسن
وملعقة د مطيشة صوص او مركزة
طريقة التحضير
كنعملو البصلة مشلدة وجعدة كبيرة محكوكة
وشوية د المعدنوس والزيت + سكنجبير+شوية الابزار+ شوية الخرقوم+رشة القرفة + الزعفران والملح
وعمل الدجاج مكعبات او اطراف الي كاين عندك يتقلى ف الطنجرة د الساعة
وزيد زلافة ونص د الما على الطنجرة تغلى واحد 10 دقايق
ف نفس الوقت غادي تقشر الكروفيت وغسل القشور وعملهم ف زلافة ونص د الما يغلى ويطلق البنة ديالو
وصفيه وضيف داك الما على الطنجرة د الساعة والكلمار والجلبانة
ملي يغلى الما ضيف على الطنجرة ف نفس الوقت زلافة د الرز +الكروفيت+ الفلفلة ومطيشة مركزة او صوص وشد الطنجرة مدة 10 دقايق
وطفي الطنجرة وخليها مسدودة حتى ما تبقاش كتصفر
وفتاح عليها غادي تلقاها شحتات والرز واقف
عملها ف مقلاه د البايلا حتى تبدا تلصاق من تحت
او عملها ف طبسيل الفرن تتحمر
او قدمها نيشان ف طبسيل التقديم وزوقها بالكروفيت او الكلامار الي موجود وبالحصة والراحة
المقادير ديال 2 او 3 د الناس وتقدرو تعمل نفس المقدير وتقدموها كاطباق جانبية
الطريقة بالتفصيل والصور نتمنى تكون المساءل واضحة
طريقة تحضير البايلا المغربية بالصور
بالصحة والعافية
تسلم يدك وبانتظار جديدك المصور
والموضوع بدون صور
والرجاء كتابة الوصفات باللغة العربية حتى يتفهم الجميع الوصفة
مع الشكر
لو تدوقينها بس يا مور
السلام عليكم
مشكورة جدا يا الغالية