بغيت اسألكم في فترة حملكم وين كنتون تتابعون الحمل ووين ولدتون ……….
واللي تابعت بالخاص تذكر وين بأي مستفشى ومن الدكتورة اللي تابعتها وولدتها ……….. وكم كلفها سواء المتابعه او الولادة…………
وكل وحده عندها نصيحة بالنسبة الى هالموضوع اللي كانت بالعام او الخاص تطرح نصيحتها ورايها……..
واول ولادة لي ولدت بمستشفى جدحفص سنه 96 بس شنو معاملتهم كلش زفتة ومكانهم وسخ مب نظيف
اما ولاداتي الثانية والثالثة والرابعة فولدت بمستشفى السلمانية احسن وانظف والمعامله احسن
وبالنسبة للمعاملة فيعتمد على الموظفات نفسهم بالجناح ، الحمدلله اني كانوا متعاونين وياي بشكل حلو خاصة باخر ولادة لي كانوا الموظفات البحرينيات والهنديات ما عليهم كلام بس مثل ما قلت لج يعتمد
وين باقي خواتي البحرينيات ليش ماتردون ؟؟؟ محد حمل وولد
انا عندي ولد واحد بس
وفي حملي كنت اتابع في المركز التابع لمنطقنتا وهم نزرين وايد ويتكلمون من خشمهم
بس تحملتهم طول فترة حملي
وولادتي كانت في جدحفص ومعاملتهم تجنن
وانا اختي ولدت في ابن النفيس بس الولادة وكلفتها 500 دينار او اكثر بعد
اني ولادتي الاولى كانت في السلمانية بس كانت اوكي معاملتهم
والثانية كنت في التخصصي وكانت التكلفة على التامين
هلا حبيبتي
انه كنت اتابع مع دكتورة عفاف الحمر وايدة طيوبة
واتابع المركز بعد تبعنا
وولدت بالسلمانية انه بنظري انه زين لان مايعجبني جدحفص بس تختلف الاراء
انا تابعت عند الدكتورة فرح في التخصصي اتينن وايد حليوة و شاطرة و التكلفه كانت 1200 دينار لكن يختلف من شخص إلى آخر و على حسب الغرفة و نوع الولاده طبيعي او قيصرية
اما الاشعه كنت اخذهه عند عيادة الدكتوره فوزيه كمال
وعن جدحفص زوجة اخوي ولدت هناك وقالت ان معاملتهم كثير سيئة
وبنت عمتي بعد ولدت هناك وكانت تنصحني اني ما اروح جدحفص للولادة لان كلش مو زينين
وعن المتابعة كنت اتابع في مركز مدينة عيسى في البداية وكانوا اوكي وبعدين صادتني ظروف واضطريت اروح الى مستشفى سترة كانت المعاملة والاهتمام ممتاز من قبل القابلات بس الدكتورة الي كنت ادخل عليها ما كانت تمام