من فضلكم
خاطري اسوي البرياني الهندي الحار
مثل اللي ناكله في المطاعم
الهندية الشعبيه ( مب الراقيه ) !
اكثر من مره احاول اسويه بناء
المقادير الموجوده في الكتالوجات
لكنه يطلع مختلف تماما عن اللي
ناكله في المطاعم الهندية الشعبيه !
مشكلتي المتكرره
ان البرياني عندي يطلع جاف
و طعمه مب لذيذ وحتى الدجاج
يطلع يابس !!
اتمنى منكم انكم تخبروني بالتفصيل
وبالمقادير المضبوطه طريقة اعداده
وجزاكم الله خير
ورمضان كريم
اختكم ( بوح القلوب )
ياليت يابنات تساعدونا ..
أبي الطريقة الهندية المضبوطة ..
مغامراتي المطبخيه بخبرك عن اللي عرفته
البرياني يعتمد على البهارات اولا واحسن شي
تشترين بهارات هندية جاهزه تلقينها في السوبرماركت
شي منها حااااااااااااااااار وتكون الطريقه مكتوبه على العلبه
وبالنسبه للدياي او اللحم…احسن شي
يكون قطع صغيره شويه ويفضل لو تكونين ناقعتنها
مده كافيه في الروب
العيش احسن شي تسلقينه نص سلق في ماي وملح وشوية
زيت…
عقب ما تطبخين الدياي في الروب والبهارات، حطي العيش
المسلوق نص سلق بدون ما تخلطينه ويا اللحم…وغطي الجدر وخليه على ناااااا ر هاديه
لين ما ينطبخ العيش بشكل نهائي ويتسكر
قبل التقديم مباشرة اخلطي العيش ويا الخلطه وقدميه على
طول
لو تبين تسوين كمية كبيرةالقدر العريض احسن من الغزير عشان العيش يوم تحطينه
تلقينه متوزع عدل على اللحم او الدجاج وتكون ريحة الخلط
متخلله العيش عدل..واحسن شي ما يكون العيش اكثر بوايد من خلطة اللحم
واحسن القدور طبعا التيفال عشانها سميكه وما تحرق الاكله
بسرعه
ولا تنسين البرياني الهندي يطلع روووووووعه يوم تسوينه بالسمن
تسلمين حبوبه عالوصفة ..
المقادير
بصلتين –
4فصوص ثوم –
قطعة زنجبيل أخضر (طازج) مفرومه –
دجاجة مقطعه إلى 8 قطع مع العظم –
توابل البرياني الهندي (تباع في البقالات الهنديه عبوات بهذا الاسم) –
لون صفار الزعفران (يعني ليس زعفران وإنما صبغه بلون الزعفران ) –
قرن فلفل أخضر حار (ممكن الزيادة حسب الرغبة) –
بيالة زيت او( كوب الشاى الصغير ) –
2كاس رز بسمتي – ملح .
الطريقة
نضع الزيت في القدر ونضعه على النار ثم نضع قرن الفلفل ونحمره ثم نضع البصل حتى يذبل ثم نضيف الثوم والزنجبيل ونحرك حتى يصبح لون المكونات أشقر نضيف الدجاج ونستمر في التقليب حتى يتحمص الدجاج وينزل منه ماؤه فنضيف التوابل ونقلب الجميع لمدة دقيقة مع التوابل ثم نضيف الماء المغلي بمقدار يكفي لنضج الدجاج.
في هذه الأثناء في قدر آخر نسلق الرز ا لمغسول والمنقوع في الماء لمدة ربع ساعة نسلقه في ماء مغلى مع الملح والزيت نصف نضج. ثم نضيف الملح لخليط الدجاج ونتركه دقيقة ثم نسكب ثلاثة أرباع كمية الرز المسلوق ونقلبها مع الخليط ثم نضع الربع الأخير في الأعلى دون تقليب ونغطي القدر ونهدئ النار ليكمل الرز تسويته على نار هادئه.
بعد تمام النضج نضع نقاط من صفار الزعفران على الرز ليصبح لدينا اللون أبيض وأصفر وأشقر .
عند الغرف نبعد طبقة الرز الأبيض والأصفر جانبا وبعد غرف الرز في الطبق المعد ورص الدجاج عليه ننثر الرز الأبيض والأصفرعلى الوجه ..
وبالهناء والعافيه
((منقووول))
مشكورةاختي سوالف مطابخ علي معلومات مهمه
وان شاء الله تطلع تمام