حبيت اطرح تجربتي في فقدان الوزن وطبعا براويكم موضوعي بمنتدى ثاني اول شي عقب بتكلم عن باقي الامور
شخباركم يالغالين
بقولكم تجربتي وماباستحي منكم لانكم حسبه اخواني وخواتي
من طفولتي كنت دوبه يعني تخيلو ياهل عمرها 11 سنه وزنها 70 كبرت وكبرت الشحوم واللحوم معاي
ليما تخرجت من المدرسه وصل وزني 115 بعيد الشر عنكم
هالكلام 2024-2006 والحين احنه في 2024 وصل وزني
137 شفت روحي بانفجر قلت احاول والله يكون وياي هالكلام العام حاولت نزلت لي 135 ويا رجيم السعرات وصلت 129 بس هديت كلشي ورديت متنت هالسنه قلت خلاص وبما اني على ويه تخرج من الجامعه دعواتكم لي ان الله يسر اموري قلت البس روب التخرج وانا رشيقه
توكلت على الله اول شي اهلي ماايدوا الفكره وقالو ماتقدرين بس قلت احط على قلبي طين وعيين الا اضعف
وكانت وجهتي الاولى دعوه رب العالمين ان يعطيني صبر واراده تخليني اواجه الاكل والناس فتوكلت ورحت حق الدكتور العجوبي د علي الظن دشيت عليه بتاريخ 4/5 انسان راقي ومحترم بمعنى الكلمه بفضل الله ومن ثم اهوو وصلت للي وصلت له اليوم عطاني دافع خلاني اضعف عشان كل مادش عليه اسمع الكلام اللي يسرني منه
دشيت عليه وكان وزني 135.600
وطولي 163
المهم بديت مشوار اول اسبوع وضعفت وياه 5.800 جرام وصرت 129.800
وبديت مشوار يديد وليما وصلت لي 125
واليوم وانا وياكم وزني 119.500 جرام
كله بفضل الله سبحانه وتعالى
طبعا بتقولون ليش ماطلبت اني اضعف اكثر من 17 كيلوو باقولكم اني اطمح للاكثر بس عندي نقطه ببالي ان الانسان مايطمح من بدايه لعدد عود يعني اول شي حطوا في بالكم خلال اسبوع كيلوين على سبيل المثال ولما توصلون له تخططون للي بعده وهلون
طبعا برنامجي وياكم بيكون كالتالي
1- رجيم د علي الظن
ويا رجيم السعرات
2- كوني اعاني من الامساك المزمن اتعالج بالالياف وهالشي ساعدني افقد من وزني لان كان جسمي يحتبس
3- شاي اخضر بعض الاوقات وبحط فيه بذره الكتان
4- رياضه بطن 100 مره بوشب 100 وتمارين ويا مدرب امريكي بالنت خوش مدرب
وعقب مارجع من السفر برجع اروح النادي فالحين خلصت دورتي وياهم
5- حاليا بس امشي بالنادي وباقطع ليما اسافر بمشي هناك ماحب امشي هني برع معنه وايد زين
طبعا استخدم في حال يوعي كورن فلكس لايت خوشي والله
الممنوعات شوكلت آيسكريم اجباس وهالخرابيط
طبعا اللي حاب يشاركني حياه ع العين والراس اللي عنده كلمه زينه يقولها ويشجع ويتشجع او يكف لسانه
عني
مجموع خسارتي الحاليه
16 كيلو و100 جرام
هدفي للعيد اكون 101
طبعا هالكلام من بعد ماقريتوه كنت داشه مسابقه الرابح الاكبر في احدى المنتديات كبرنامج صيفي ومطلوب مني وقتها ان اعرف بنفسي ومشكلتي بمرض البدانه:hysterical:
وبدينه من شهر 6 اذا ماخاب ظني اللي 22 /9
والحمدلله كونت جماعه حلوه بمووضوعي ساعدتهم وساعدوني والحمدلله بفضله نقصنه
ولكن اللي صار اني تلاعبت شوي وتميت اكل فوزني ماتم ينزل
ولكن ؟؟!!
للي عندهم معاناه نفسي يتفضلون وبقوه
واقولهم لايئس مع الله
اليوم يتتكم مع تحقيق اول حلم حلمت فيه من صغري وهو اعتب باب الرشاقه
اليوم باجر اللي عقبه لا
اليوم يالله بس بديت لا ام الحناين وييي ماتقدرين شعبرج
لاعاد خلوني احاول
هاي جزء من حوارات مرت علي من اهلي ومع نفسي اللي خانتني عشرات المرات
ليما ام الحناين قالت ستوووووبليمتى بتمين جي ليما تبين يرتفع عندج الظغط ليمتى اعراض ثانيه تييج ليمتى ماتحصلين ثياب
ليمتى الناس تشوفج بهالنظرات
ام الحناين توكلت على الله وبفضل الله يابنات
نزلت من 137 لي 99
ذكروا الله علي وادعوا لي ان الله يتمم علي واضعف لان تخرجي مابقى شي عليه
وان الله يسر لي اموري واتزوج بالزوج الصالح
وحبيت اقولكم
ان مافي افضل من رجيم السعرات
والتخفيف والرياضه
ماعليكم من باقي الرجيمات ترى صج تضعفون لكن تدابلونهم
حاليا اتبع التخفيف والموازنه لي بعد العيد برجع الجيم
بس اقولكم شغله
شوفوا الاطراءات اللي تشجع اوكي:
ويييييييي الااااي شسويتي من صجج
ويييي في مشروع زواج <<<<اخذوا بس
يات مره حق امي وييي زوجي يقول بنتج صارت النص صج هالكلام<<<<احراج من قلب
خلاص قررنه نروح لدكتورج
اما انتي قبل شي مهول والحين صرتي ستايل
بنات النادي:
يبين عليج ضعفانه
وييي لازم نتحداج عشان نضعف
عطينه برامجج اللي تسوينها
لا يالله ام الحناين شدي الحيل لاتوقفين توج بنوته <<<وحشتني ام جاسم الله يذكرها بالخير وايد تشد علي
الميزات اللي كسبتها:
الاعتماد والتوكل على الله لان الله سبحانه هوو القادر على كل شي
زوال الضغط
انضباط الهرمونات
التخلص من النقرص(داء الملوك)
الانضباط في الدوره الشهريه
الثقه بالنفس
التاكد من ان خساره الوزن ماهو بحرمان بقدر ماهو سياسه وحكمه في تضبيط الاكل
وبجذي حطيت لكم تجربتي البسيط في فقدان الوزن آمله من الله ان يوفقني واياكم:o
اي احد منكم يبي يستفسر عن شغله
تراني حاضره
واللي حاب اساعده باي مرحله هم حاضره
ومابي غير دعوه صالحه منكم ان الله يتمم علي واواصل
ويستر علي ويوفقني واتخرج
عندي كم استفسار اذا ماعليج أمر وماتضايقج أسئلتي
انا رحت للدكتور علي الظن بوصراحة بديت وياه وكان وزني 97 والحمد لله رب العالمين نزلت 17 كيلو بس للاسف تمللت من الرجيم وتركته وتركت الروحه حقه ورديت رجعت حق نفس الوزن بالضبط للأسف 
1) أي نادي كنتي تروحين؟
2) وكم استغرقت المدة نزول هالوزن منج؟ لأن اان طولي 163 ووزني 97 حالياً وهالشي وايد مأثر علي وعلى نفسيتي وعلى الحمل وانتظام الدورة
3) شنو كان يعطيج الدكتور تآكلينه؟ النظام المتبع يعني اذا مايضايقج ( على الريوق : سلايس اسمر قطعتين- جبن قليل الدسم او بيضة مسلوقة – كوفي او شاي حليب قليل الدسم مع اسبلنده /الغذاء : قطعة دجاج او لحم او سمكة مشوووية -سلطة "خس-خيار-طماط-فلفل أخضر / العشاء : روب او لبن قليل الدسم – 3 حبات فاكهه من دون الممنوعات من الموز والمانجو والبطيخ)
ياليت تساعديني وتشجعيني أرجع له مرة ثانية
من عيوني برد على كل سؤال ان شاءلله اول مارجع من الجامعه
بس للتوضيح
د علي دشيت عليه 3 مرات
اول مره تاريخ 4/5
وعقبها باسبوع 11/5
وعقب ما اتميت شهر تقريبا تاريخ 3/6
وفي هالشهر نزلت 10 ك
وبس ماعدت رحت له لان كنت محتاجه الاساس والحمدلله عرفته
وشي ثاني مثل ماقلت من 4/5 لي الحين
6 شهور
الحمدلله على نعمته
اللي تلتزم بتقدر اكثر بس انه راضيه بنصيبي لان صار فوق توقعي
اول مارجع بشري راح اذكر لج كلشي
ومستعده اشاركج دام اوزانه صارت متقاربه
اول ماترجعين كتبي لي وودي ان نتساعد عشان ربي يصبرنا ويقوي إرادتنا ونفتك من الوزن الزائد
واصل يحبيبتي وفعلا مثل ماقلتي الى متى بنظل جدي وتكون نظرة الناس اللينا جذي
 |
اقتباس |  |
 |
المشاركة الأساسية كتبها .:.رجاوي البحرين.:.  |
 |
 |
| ماشاء الله – لا اله الا الله عليج وتستاهلين ومن هذا ياربي يالترجية ربي يوفقج ذنيا وآخرة ويفرج عنج ويسهل عليج تخرج ويرزقج بالزوج الصالج يارب العالمين آجلاً غير آجل
تسلمين حبيبتي ع الدعوه الطيبج عقبالج يارب تضعفين من غير ضرر ولاضرار ويوفقج ويسعدج بالذريه الصالحه اللي تملي عليج ويا زوجج ياربي حياتكم عندي كم استفسار اذا ماعليج أمر وماتضايقج أسئلتي اول شي حبيبتي مابين الخوات كلفه واسف وترى 17 كيلو موهينين بس للاسف شكله ماعرفتي تضبطين امورج من بعدها واقولج الالتزام برجيم معين تاركه ملذات الحياه امر موهين من جي افضل شي السعرات لان متوفره فيه مالذ وطاب بس بحدود معينه 1) أي نادي كنتي تروحين؟ 2) وكم استغرقت المدة نزول هالوزن منج؟ لأن اان طولي 163 ووزني 97 حالياً وهالشي وايد مأثر علي وعلى نفسيتي وعلى الحمل وانتظام الدورة الحين باكمل 6 شهور بس ارجع اقول اللي تلتزم احتمال تنزل اكثر بس ليش عاد الهون ابرك مايكون والصبر زين واللي ينزل بالعدال مايرجع بسرعه 3) شنو كان يعطيج الدكتور تآكلينه؟ النظام المتبع يعني اذا مايضايقج ( على الريوق : سلايس اسمر قطعتين- جبن قليل الدسم او بيضة مسلوقة – كوفي او شاي حليب قليل الدسم مع اسبلنده /الغذاء : قطعة دجاج او لحم او سمكة مشوووية -سلطة "خس-خيار-طماط-فلفل أخضر / العشاء : روب او لبن قليل الدسم – 3 حبات فاكهه من دون الممنوعات من الموز والمانجو والبطيخ) ياليت تساعديني وتشجعيني أرجع له مرة ثانية |
||
 |
 |
بخصوص البرامج اللي عطاني اياها
البرنامج الاول
الريوق: كوفي بدون سكر او سكر اسبلندا بس انه كنت اخذه محلى ويا حليب(كوني ماحب اتريق من صغري)
الغدى:
سلطه
روبه لايت
ويا نص كوب نخي او باجله او لوبا
ويا بيبسي دايت
العشى
لان قلت له احب اكل من برع قالي قصي على روحج شوي واكلي سلطه دياي من ماك او اي مكان تحبينه
بين الوجبات
خيار خس عصير ليمون بدون سكر شاي بدون سكر كوفي
البرنامج الثاني
الريوق :نفسه
الغدى:
صدر دجاجه
او سمجه مشويه قد كف اليد
او 150 جرام لحم مشوي كنت اخليه بالتكه
ويا سلطه
ويا بيبسي دايت
العشى
5 قطع فواكه (بطيخ احمر تفاح صنطر برتقال مشمش)
بين الوجبات:نفسه
البرنامج الثالث
الريوق: بيضه مفيوحه او عصير جريب فروت او كوفي
الغدى والعشى نفسه بس خلى لي 3 قطع هالمره ويا روبه
الرياضه
اقل شي 3 ساعات بالاسبوع مشي
بطن 100 مره
بس اختي انه انصح في الاستشاره مره مرتين وبس ترى موشي صعب انتي بنفسج تقدرين تحققين اللي تبينه ترى بس يبي لج تعادلين بالاكل لازياده ولانقصان يضرج
|
اقتباس | |
|
المشاركة الأساسية كتبها **ام عبادي القمر** |
|
|
| اللهم صل على محمد وآل محمد
واصل يحبيبتي وفعلا مثل ماقلتي الى متى بنظل جدي وتكون نظرة الناس اللينا جذي
|
||
|
|
ان شاءلله فديتج وانتي هم مبروك النزول عساه يروح مايرجع يارب
اي والله تعبت من هالنظرات
وبنفس الوقت كانت لي دافع سبحان الله
تسلمين غلاي على مرورج الطيبF:
خطوتي اللي بقدم إن شاء الرحمن عليها ارجع للدايت والتخفيف واحاول امنع نفسي من الحلويات ووالنشووويات لأن هي اللي ذابحتني وان شاء الله اكتب لج تقاريري بين فترة وفترة وراح أرجع اسجل في النادي وأمارس الرياضة لأني زهقت ومليت من نفسي ومن المستشفيات والكل يقول لي علاجج للحمل ان ينزل وزنج
ضيفيني وياج في هالموضوع عضوووة دائمة ان شاء الله وأوافيج بكل ماهو جديد عندي
والحين في نظرج بما أني انا الحين اعرف رجيم الدكتور علي الظن أروح له مرة ثانية او مااروح له وأتبيع الرجيم بروحي واكون دكتورة نفسي ؟؟؟
زيين وآلله عندج إرآدة وحمآس << وهآ آهم شئ عند آلأآنسآآن
بس تصدقيين مآقدر آتبع نظآمج << مع آنه حلوو وآيد آووك
بس آنآ عآده مستويه دكتورة رووحي يعني آتحكم ف آكلي وجي وآلحمدلله آستفدت من هآلشئ وآييد ..
آنآ عمري 16 سنة ووزني 87 حآليآ قبل آلدآيت كآن 95 وآلحمدلله مع إرآدت نفسي وتشجيع آهلي وآربيعآتي آلله يخلييهمم وصللت بس بعدني ..
آنآ هدفي يكون وزني ف آل50 ..
وإن شآء آلله آوصل للي آنآ آتمنآه
وآنتي بعد يآختي آلله يرزق بجسم ووزن آللي تتمنيينه ..
ويتمم عليييج آلرشآققه ..
وآلسموحه منج