التسجيل للمدارس

السلام عليكم بنات شخباركم
التسجيل للمدارس بيبدا 17-10-2010
انا راح اسجل بنتي للمدرسة بس عندي استفسار
هل ممكن انه يقدمون ليها امتحان وتروح على طول الصف الثاني لانها منمواليد بداية سنة 2024 ولاني احسها(اللهم صلي على محمد وال محمد)ممتازة وممكن تجتاز وتروح الصف الثاني احس ما اليه داعي تروح صف اول
مع العلم هي في روضة عادية مو خاصة وابي اوديها مدرسة حكومية
اذا يصير وش هي الخطوات والامور اللي ممكن اسويها او الاجراءات وين اروح يعني المدرسة وله الوزارة؟؟؟؟؟؟ ^o)^o)^o)^o)
ابي مساعدتكم رجاءا اللي مروا بمثل هالتجربة يساعدوني ورحم الله والديكم

هلاا أختي

أني بعد ولدي السنة أسجله للمدرسة بس هو موااليد 7 /7

و يصير اترفعينهاا إلى صف الثااني

بس لاازم يقدموون اليهاا امتحاناات و تااخذ فيهم 95 % فماا فووق
و عن الاجرااءاات اتقدمين طلب للمدرسة و هم بيعطوونج أورااق لتكملة الاجرااءاات

و بالتووووفيق للبنووتة

شكرا اختي ام مرام ويعطيش العافية

الله يوفقها يارب ..ام مراام ماقصرت

ما شاء الله

حبيت اسال اللي تعرف متى يقدمون الامتحان للاطفال بعد التسجيل وله بداية سنة جديدة وله متى اللي تعرف تخبرني
واذاممكن شلنو طريقة الاسئلة مثل الروضة وله اشياء اصعب ؟؟؟؟؟؟؟؟

امتحان الترفيع يكون بداية السنة الدراسية او لاسبوع اعتقد بس ما عندي فكرة عن نوعية الأمتحان بس يكون في مادة العربي والرياضيات

بنتك مواليد 2024 يعني هي خمس سنين صح ؟
طيب شلون يحطوها صف ثاني وهي عمرها خمسة لاني اعرف ان السن الحكومي للصف الاول ست سنوات ولا لاااء ؟

الدمشقية بنتها عمرها الحين 5 وبتسجلها للمدرسة لسنة الجاية يعني بيكون عمرها 6 العمر القانوني بس هي تبي ترفع بنتها سنة وتروح عالصف الثاني مباشرة واحنا عندنا هالشي اذا الجاهل شاطر وااجد ممكن يسوون له امتحان ويرفعون عالصف الثاني مباشرة وهذا بطلب اهل الطفل طبعا

اختي صاحبة الموضوع الاحد بيكون يوم التسجيل اذا رحتين المدرسة اساليهم عن كل التفاصيل والاكيد ان الامتحان يكون عقب التسجيل بس متى بالضبط ما ادري

بس وجهة نظري ما ايد الترفيع بيصير ضغط عالطفل حتى لو كان شاطر ترى المناهج الحين مكثفة مو مثل قبل وغير جدي عيون الناس الي ما ترحم

شئ غريب صراحه
الافضل تمشي بالدراسه حيب سنها