انا احاول القى الاجابه على هذا السؤال دايما…كيف نمنع التفاح من انه يسود..خاصة انه اول مانسوي التفاح المهروس للبيبي ونهرسه بالخلاط يتغير لونه بسرعه..واول مانعطي الطفل ملعقه او ملعقتين تغير طعمه ولونه وماتحبين تعطينه البيبي بعدين..
اتمنى اني احصل طريقة حلوه من الاخوات عشان اقدر احتفظ بالتفاح المهروس مده اطول بدون مايتغير لونه او طعمه ..على الاقل الين ما اعطي البيبي وجبته من هذي الفاكهه..والموز بعد نفس الشي
فعلا انا كان ببالي هذا الشيء دوماً لما كنت اسوي تفاح مهروس او حتى الموز ، من افتح اصبع الموز اكل لو ما اكل يسود الباقي…
فتوصلت بعد تجارب << ههههه حلوة تجارب
الى اكتشاف ان خلط اي من الاثنين بشوية مانجو مهروس او عصير منجو طبيعي انتي عاملته يخليه ما يسود !!
عاد مو وايد، بس يوم واحد او يوم ونص.. وبعدين خلااااص..
لكن على الاقل شوي احسن، خصوصا لما تبين تطلعين وتجهزين له الاكل من البيت، ما يسود عليج وانتي ما اكلتيه..
ان شاء الله الامهات يفيدونا بعد بتجاربهن،
و الي يمنع هذا الشي عصير الليمون حطيه على التفاح ما راح يسود ….لكن ما اعرف اذا يصير تسوين جذي لاكل الاطفال …لان الليمون حامض و اخاف ياثر على البيبي
اختي جمانه شو تقصدين يوم او يوم ونص؟؟ يعني اضيف المانجو ليوم واحد مافهمت…وضحي بليز
اقصد انه يظل بدون اسوداد وصالح للاستعمال مدة يوم او يوم ونص 
ان شاء الله فهمتي علي الحين ؟
بس بالنسبه للطفل اللي توه مكمل اربع شهور ما اعتقد ينفع نعطيه المانجو لانه من مسببات الحساسيه وثاني شي هو ثقيل وايد على المعده…مادري شو رايج اختي جمانه شو الحل….؟؟
ارجو المشاركه من الجميع …
أما عن المانجو فما عطيته إلا ألحين لما كمل ست شهور وعطيه في غرشه صغيرة بعد لأنه مثل ما قلتي ثجيل على اليهال
البرتقال لازم دايما يخفف بالماء..هل كنتي تضيفين الماي لعصير البرتقال قبل ماتخلطينه بعصير التفاح؟؟
أنا عن نفسي كنت أعطي بنتي الموز مع عصير البرتقال في الخلاط
أما بالنسبة الى التفاح فكنت أول شي أخليه مع ماي يغلي و بعدين أضربه في الخلاط و ما كان يصير أسود
أما عن تجربتي اليوم و بالصدفه …لأنه بنتي عندها اسهال و صار اليها اسبوع و ما نفع وياها أي شي …و قلت بضرب في الخلاط التفاح مع نشأ مجهز بالماي ولاحظت أن التفاح ما صار اسود!!!!