حبيت استفسر اذا في وحده منكم جربت التمليس الياباني
صج انه مفيد وينفع؟
هل له سلبيات مثل تساقط الشعر او جفافه؟
انا شفت التمليس العادي واشوف بعض البنات يصير شعرها ناشف وكنه حطبه
لو انها مخليته بدون تمليس ارحم :whistling:
هل هذا النوع من التمليس افضل؟ ولا كلهم نفس الشي؟
يعني شلون يكون شكل الشعر بعد التمليس هذا يكون طبيعي ولا محترق ولا ناعم ولا شلون؟
وياليت بنات قطر يقولون لي لو وحده منهم جربت هالنوع من التمليس عند صالون جاك
او سمعت عنه عند هالصالون بالذات لانهم قالوا لي انه بحدود ال 4000 ريال وانه وايد زين ؟
ياليت يابنات رايكم ولو تفاصيل واقعيه يكون احسن
اتمنى سؤالي واضح
بانتظار ردودكم :wavetowel2:
بس بالنسبه للتمليس اذا كان شعرج ناعم بيستوي احلا
.. و يلمع اكثر
بالتوفيق
ومشالله والله انه شعرها ايجنن .. سوته عند صالون لافورم
انا خاطري اسوي بس خايفه وبعد شعري طويل بياخذون علي وايد
كل وحده تحافظ على شعرها طبيعي وتحط له دهن بلا هالمواد الكيماوية الي تخرب الشعر وتضعف البويصلة
وإذا انتي شعرج مب حلو في واااايد أشياء تقدرين تسوين في شعرج
تحافظين عليه بالحمامات الزيت واستشوار أو فير الي تتحكمين في درجات الحرارة تقدرين تاخذينة من كليرز
وتقدرين تلعبين في شعرج يا تخلينه سيدة ول كيرلي على حسب الموضة
والله حرام يا بنات تلعبون في شعركم
موفقين انشالله
التمليس اللي قصدته هو اليووكو
وتسلمين عالرد
غاده
تقصدين اي نوع من التمليس هي مسويه؟
وتحياتي على مرورج
الورده 11
كلامج صح بس كل هالسوالف ماتغير طبيعه الشعر نفسه
ممكن تعالج مشاكله لكن ماتغير طبيعته
تحياتي لج
صدقيني هالتمليس بأنواعه يسببون مشاكل في الشعر وبالعكس تضعف البويصله
شفتي الي يغني وائل كفوري كان مسوي تنعيم مادري تمليس وألحين قرع ليش؟؟؟ لأن شعره اخترب
مع ان هو في لبنان وهناك الي يهتمون واااايد بهالسوالف وفي الأخير اخترب
والله اني أعرف محده سوت تمليس في شعرها من البحرين وألحين اخترب شعرها ولا قام يطول وصار خفيف ودووووم يتقصف بشكل رهيب
والله انتوا كيفكم الصراحه الي ماتبي شعرها تروح تسوي لها تمليس
بانتظر ردج 
وتسلمين مقدما
الورده 11
تسلمين حبيبتي عالنصيحه
انا اخذ اراء وشور البنات
يعني ماعزمت اسوي هالشي
تحياتي لمتابعتج
انا اعرف وحده اليوكو في صالون جاك بـ 3500 وكان شعرها قصير
بس والله شعرها جد جد جد اخترب أولاً الملمس والشكل كأنه محترق كللللش مايبين انه طبيعي
وبعدين طاح شعرها والله استوت لها من قدام قرعه استوا شعرها كلش خفيف واللحين تاكل فيتامينات
وهالسوالف وشوي تحسن شعرها ,, لون شعرها كان فاتح مادري شحطت لها وهي تسويه سوت لونه
أسوووووووود تعرفين الأسود اللي يبين انه مب طبيعي ..
يعني بالعربي ماانصحج كلللللش فيه ,,
اللحين تستخدم استشوار ( السيراميك ) ممتاز وسهل الإستخدام
موفقه ان شالله واتمنى اني أكون أفدتج
ويسلموو اختي ع الموضووووووووووع