اليوم يا بنات بعرضلكم اخر المنتجات من ماركة ميكب فور ايفر
طبعا هم نازلين من كم شهر في الإمارات بس لاحظت ان توهم حاطينه في النت
اولا نبدأ بمنتجات الوجه
All Mat
طبعا هالمنتج من زمان عندنا في الإمارات أنا اشتريته في الصيف
و الحين قام يخلص 🙁
كلمة روعة شوي عليه ، حسيته أحسن من مال سماش بوكس لأنه تركيبته أخف شوي
و اذا تبين تحصلين أحسن النتائج استخدميه مع فاونديشن ميكب فور
ما أفضل أصحاب البشرة الجافة يستخدمونه
و يا حبذا تستخدمينه مع فاونديشن سائل
حطي طبقة وحدة وانتظري لين ما يجف
Duo Mat Powder Foundation
عبارة عن فاندويشن لأصحاب البشرة العادية و المختلطة
* يوحد لون البشرة
* يخفي العيوب
* و يعطي الوجة تغطية مطفية
و مكتوب بعد أنه لازم تستخدمينه باسفنجة جافة فقط
Velvet Finish Compact Powder
له نفس مواصفات الفاونديشن بس هو بودرة
Compact Shine On
طبعا هالبودرة أنا كنت شاريتنها من زمان فترة عيد الفطر
الحلو فيها أن الجليتر فيها مب وايد و لا شوي
و أنتي تقدرين تتحكمين بهالشي
يعي اذا تبين وايد جليتر استخدمي اسفنجة
و اذا ما تبين وايد جليتر استخدمي فرشاة
يعني مب حق الأعراس بس
تقدرين تستخدمينه بروحه أو مع فاوديشن
اللون اللي أنا عندي >>> shade 5
Mat Velvet + Matifying Foundation
طبعا هالفاونديشن هو أخو
بس نقدر نقول أخوه الصغير (r)
مواصفاته
* يتحكم بالدهون
* oil-free
* يعطي تغطية كثيفة
و مكتوب أنه شوية فاونديشن تكفي لتغطية كاملة
الصراحة أنا عندي أخوه الكبير و و خذته قبل ما ينزل بشوي
لما شفته ندمت اني خذت هاك لاني احس ان هذا أسهل وايد من حيث الإستخدام
Mist & Fix
سبري يثبت المكياج
يتحدى جميع الظروف مهما كانت في سبيل ابقاء مكياجج ثابت :shy:
طريقة الوضع
* تخلينه على بعد 12 الى 16 انش ( ما أعرف بالسنتمتر) و ترشيه و عيونج مغلقة :cool2:
* ترشينه فوق الفاونديشن بس أو بعد ما تخلصين كل مكياجج
* انتظري لين ما يجف
Sculpting Blush
هاك اليوم مريت في البيوتي كورت في صحارى عند ماركة ميكب فور ايفر
و شفت هالبلشرات معروضين
ما شاء الله كل الألوان عندهم حسيتهم وايد حلوين لأنه في ألوان فاتحة تنفع للصباح و ألوان غامجة تنفع للمساء و السهرات
و فيه وايد تدرجات للبيج و الوردي
و طبعا في بعض بلمعة و في بعضهم matte
العيون
ألوان جديدة من ستار باودر
الرقم : 955
الرقم : 954
الرقم: 950
Eye Seal
يحول مكياج العيون الى مكياج مضاد للماء
و يحول الشادو لآلينر و يزيد من كثافة الألوان يعني يخلي اللون أوضح
طريقة الإستخدام
تحطينه على فرشاة و تحطينه فوق مكياج العيون
الشفـــــاه
Matte Lip
تبون الصراحة
أنا اشتريت هالمنتج قبل شهر تقريبا
على أساس أنه يثبت الروج و يخليه يدوم فترة طويلة
بس اللي لاحظته أنه يقشر الروج :angry:
ما أعرف ليش ؟:sad:
استخدمته كمن مرة و كله نفس الشي
Glossy Full
أيضا هالمنتج عندي و بعد ما أنصح فيه لأنه باختصار جلوس عادي
و مشكلته انه وايد كثيف و لما تطلعيه من التيوب يطلع بكميات كبيرة للأسف
و الشي الزين فيه أنه يكبر الشفايف
الفرش
sculpting brush
طبعا هالفرشاة شفتها في موقع ميكب فور ايفر مال كوريا و اعتقد انها نزلت في الامارات
مصممة خصيصا لإستخدامها مع البلاشر اليديد اللي سبق ذكره
انتهى الموضوع
اتمنى يا بنات انكم استانستوا مع هالجوله الحلوة مع منتجات ميكب فور ايفر
و اتمنى ان محد ينقل الموضوع بدون ذكر المصدر لأني وايد تعبت عليه
ويعطيج العافيه حصوصه
وننتظر جديدج :clap:
تسلمين مجهود تشكرين عليه يقمر
أختك نورهـ
نورهـ
منتهى الأناقة
نجمة الليل
tifguisste
شكرا حبايبي على مروركم الجميل
انا خذيت هاللون بصراحة لون عجييييييييييييب