بغيت اسألكم عن الحبوب الي تطلع بعد الحفاف انا بشرتي صافية ومافيها شيء بس بعد ماحفيت وجهي بالخيط طلع لي يوم ثاني كم حبة في وجهي شنو اسباب الحبوب بعد الحفاف وماهي طريقة العلاج وشنو الي لازم اسويه عشان اتجنب ظهور الحبوب بعد الحفاف يا ريت تفيدوني يا بنات واكون لكم شاكرة………
وبعد ما تحفين حطي ماي ورد … وبعدين كريم مضاد اسمه (فيوسيدين) واستخدميه عالاقل مرتين في اليوم
وسوي خلطة نشا وماي ورد واستخدميها لمدة كم يوم (3 الى 4 ايام )
وان شاءالله ما بتظهر لج حبوب
هالطريقة خذتها من المنتدى.. والحمدلله فادتني
مع الشكر
بدايه الم
اختي تجنبي حف الوجه بالشمع ،، لأنه الى جانب انه يسبب ظهور الشعر اقسى واكثر
فهو يسبب ظهور الحبوب
حفي بالخيط
وعلى طول بعد الحف امسحي بماي ورد
وبعدها اخلطي نشا مع ماء ورد و استخدميه للوجه لمدة 4 ايام بعد الحف
حبيت اسألك business_girl شلون طريقة كريم فيودسين مافهمت بالضبط بعد ماارجع اغسل وجهي بماء الورد زين بعدها كم دقيقة احط الكريم وشلون شكل الكريم زين اخليه كم ساعة على وجهي يعني طريقته اول شيء اغسل وجهي بعد الحفاف وهل بصابون بعد وبعدين احط ماء الورد وانتظر كم على وجهي وبعدين اغسله بالماء واحط الكريم فيودسين طيب كم ساعة احطه على وجهي ولمدة كم يوم استخدمه وهذا الكريم مايسبب حساسية او شيء يعني الكريم شنو فايدته يستخدم لشنو وتسلمين وسامحيني
بداية ألم على طول تحطين ثلج يعني اول شيء تغسلين ويهج بالماء والصابون بعدين تغسلينه بثلج والله على طول تغسلينه بثلج سامحيني يمكن اسألتي اشوي كجرة.
Marshmallows حبيبتي انا حفيت بالخيط وكان خاطري احف بالشمع لأن يقولون افضل من الخيط، لأن الخيط يفتح المسامات حسب ماسمعت ويظهر حبوب ويشوه البشرة. بس مااستخدمت الشمع مرة في حياتي وكان روعة لان على يد خبيرة تجميل وسلامتج إذا عندج معلومات اكثر يا ريت تخبريني. وتشلمون يا رب
نسيت اقولكم
مبــــــــــــــــــــــــــــــــارك عليكم الشهــــــــــــــــــر الفضيــــــــــــــــــل مقدما وصوما مقبولا إن شاء الله
لا تنسوني من الدعــــــــــــــــــــــــــــــــــــــــــــــ ــاء
 |
اقتباس |  |
 |
المشاركة الأساسية كتبها بدايه الم |  |
 |
| انا صراحه على طول بعد ما احف اقول الي حفتلي تعطيني ثلج و احطه على ويهي و ساعه صراحه اول ما ارجع البيت اخلط ماء ورد و نشاء و احطه على ويهي
مع الشكر بدايه الم |
||
 |
 |
انا بعد اسوي نفس الطريقة
البنات كفو ووفو ما شاء الله عليهم فلا تعليق..
وشكرا..
1- غسلي ويهج بماي وصابون عشان تشلين الجراثيم وينطف ويهج
2- مرري قطعة ثلج على ويهج لمدة دقيقتين عالأقل
3- حفي ويهج بالخيط
4- رشي ماي ورد على ويهج او بللي قطنة بماي ورد وامسحي ويهج
5- امسحي كريم فيوسيدين وخليه لاتغسلينه لمدة ساعه او نص ساعه..(عالأقل 3 مرات في اليوم .. لمدة 3 أيام)
وان شاءالله وضحة الطريقة الحين .. وأي سؤال حاظرين وفي الخدمة
للأمانة.. من شوي قريت انه كريم فيوسيدين مفعوله قوي وينحط عالحبه فقط..
بس انا استخدمه من زمان حق الجروح والحبوب وماشفت اي نتيجة سلبية الحمدلله
تقبلي تحياتي