عندي مشكله ماني قادره اتخلص منها
وحده من قريباتي سوت فيني انا ومن اهلي ضلمتني مااقدر اقول المشكله لئني ابخليها علي الله يعاقبها بضلمها هي وامها مرت علي السالفه الان بحدود الخمس شهور وكلن نسى حتي
اللي من اهلي اللي معي بالمشكله نسى الا انا اشوفها قدامي على طول وماني قادره انسى وحتي قلبي حاقد عليها ومو راضي ينسى اللي سوته واذ شفتها بالاجتماعات احاول اغصب نفسي عليها بس نفسي مو قابلتها لئنها وحده من قريبات وعلشان ابوها اللي يصيرلي احاول اتعامل معها عادي بس والله ماني قادره انسى لئن اللي سوته مايسويه الا اللي احساسه ومشاعره ميته انا اسفه ماودي اقول المشكله ابخليها على الله والله حسيبها
اخواتي كيف اتخلص من الحقد اللي جوى قلبي وانسى
وكيف امسك نفسي وما ادعي عليها لئن والله ماودي ادعي بس
الساني يدعي من كيفه لئن قلبي حاقد
مشكله ما راح انسها طول ماني عايشه على وجه الارض لئن انضريت وانضر اللي من اهلي
مع انه يقول ما همتني ونسى بس انا لئني عاطفيه بزايد وحساسه حيل متعاطفه مع اللي يصيرلي من اهلي وماني قادره انسى ابغى الحل وشاكره
وماأبي اقولج لا تحقدين وسامحيها وخلي قلبج كبير وصيري الزينة وماادري شنو من الكلام التقليدي
لسبب واحد فقط..
انا حاسة فيج .. لاني مريت بنفس الموقف ومع اكثر من الشخص
وللأسف عزيتهم ورزيتهم لكن طلعوا انذال- حشا السامع-
وعديمي احساس وبيني وبينج ،حاولت اكثر من مرة اسامح واتغاضى ودون اعتذار منهم
ولكن مافي فايدة ،، العوج مايتعدل..
واخيراا اخترت الابتعاد عن هالاشخاص لأنه وجودهم بحياتي ماله داعي ، والسلام عليكم السلام
من بعييييييد ، كافي، مع ان الجرح بقلبي مستحيل يروح ،وكل ماأتذكر يشب بداخلي ناااار .
الابتعاد عنهم فنرة هو الحل… والزمن كفيل اما ينسيج او تظلين متذكرة طول عمرج
الله يعينج ماكان ودي اشيشج ،بس هذي وجهة نظري..
حاولي ماتشغلين نفسج بهالسالفه
انسيها
وابتعدي عن اي شي يذكرج فيها
اشغلي نفسج باي شي يفيدج
ترا الحقد ماينفع ومامنه فايده ولا راح يرد اللي انكسر
وراح يقصر عمرج و صحتج
انصحج حبيبتي
تنسين
وتشغلين نفسج باي شي
حبيبتي انا زيك وامكن اكثر بزياده
انا سارت لي مشاكل وانتهت من سنه وعلى قولتهم المويا رجعت لمجاريها
بس انا مانسيت وكل ما افتكر اقول حسبي الله ونعم الوكيل
ماني قادره انسى مع اني مسامحتهم بس برضو افكر اني ارد كل الي سوه ليا
لاني عمري ماغلط عليهم
انا بقولج متى بيروح عنج الحقد يوم بتيي هذي البنت وبتعترف انها غلطت عليج اهني بترتاحين
والحقد بيروح
تدرين انا بعد مريت بظرووف نفس شي واربيعتي كانت معاي من 13 سنه وانظريت منهااا وايد
هي وامهاا بس تدرين دعاء المظلوم مستجاب والحمدالله الله نصرني
تحسين في ناس تحقدين عليهم لان هم ضروج. بس في ناس يحقدون عليج وانتي ما قصدج إلا الخير ويغارون منج بعد وعسب شو عسب مزاهد الدنياا او عسب شي ما يرزى اذكره والله ولا بعد حركاتهم مثل اليهال يتمون يطاردونج وما يتركونج لحالج وماادري شو بيستفيدون ؟؟
واانااا ادري بيي يوم بيعضون اصابعهم ندم بس بعد شوو ؟؟؟
بس الحمدالله يا اختي الله دوووم معاايه دام انا ع صح ما يهمني اي حد
وحسبي الله عليهم ونعم الوكيل …الله الله ع الظالم
الحاقد أختي ما يقدر يشوف حتى ظل ءلي أظلمه، فلا تلقنين روحج أنج حاقدة ، وأنا ما أقدر أكثر لأني مو عارفة المشكلة وأتمنى أنج ما تقولينها وتنسينها وبجذي الله يبرد على قلبج وإن شاء الله يكون خف ءلي فيج عليها.
والله ما ينسى أحد