من اسبوعين تقريبا سرت اشتري الحلبه الروميه من محل نيتريشن زون اللي في سيتي الشارجه…سالت الدكتوره عن الطلب وقالت لي انتي تبينه حق تكبير الصدر؟؟قلت لها هيه عطتني الحبوب ومعاه كريم قالت لي بعد كل وجبه تاكلين حبتين يعني في اليوم6 حبات بعد الفطور وبعد الغدا وبعد العشا..وفي كل مره تاكلين الحبوب ادهني الاماكن التاليه بالكريم: تحت الابط..وعند ثنية اليد ((اقصد ثنية الكوع فهمتو قصدي بنات :smile
) وخلف الركب…انا صارلي اسبوعين استخدمه بس للحين ماصار شي..الدكتوره قالت لي النتيجه تبين بعد 3 اشهر مستحيل في اقل من شهر..انا خذت لي 3 علب من الحبوب الروميه وعلبه من الكريم..الكريم بيتم عنكم وايد لانه لازم ماتحطين وايد على جسمج بس مقدار نص ملعقة شاي وتدهنينه في الاماكن اللي قلت لكم عنه….في علبة الكريم مكتوب عليه ادهنيه على الصدر والبطن والابط بس الدكتوره قالت لي شي ثاني..وانا ادهن في الاماكن اللي قالت لي عنه الدكتورة واللي مكتوب في علبة الكريم
بغيت اخبركم يابنات عشان تشترونه من الحين ولا ترا ماشي بسرعه يخلص لاني يوم اشتريته وعقب اسبوع ربيعتي بغت تشتري ما حصلته قالولها الكميه بسرعه تخلص وبيبونه عقب…
اماكن المحل: صحارى..سيتي الشارجه..ابوظبي مول..جميرا تاون سنتر
اسم المحل: نيتريشن زون
واي سؤال انا في الخدمه 🙂
انا مرة سرت بغيت اشتري حبوب الحلبة من النيوترشن زون قالولي مخلصة .وطنشت السالفة.. وبصراحة خفت يكون له اضرار بعد.. لأن مرة وحدة كتبت انه زيدلها هرمون الحليب اللي يأخر الحمل..
وبالنسبة للكريم هل قصدك انه يبيض الأماكن الداكنه؟ وخبرينا عن اسمه بالانجليزي اذا ممكن..
الدكتوره ماقالت انه فيه اضرار..الكريم يكبر الصدر مايبيض الجسم واسمه Wild Yam Cream
الشي الحلو في الكريم انه ماتسوين تدليك بس تمسحين على الاماكن اللي ذكرتها 🙂
حتى غيرج جربه وحصل على نتيجه ؟!!
:shy: