يا امهات
بنتي مريضة فيها حمى
الحين انا محتارة في ناس يقولولي لا تلبسينها شي ثجيل يزيد الحرارة والبسها شي خفيف عشان تخف الحرارة
وفي ناس قالولي لا غلط لانه الجو بارد
والله احترت
وفي ناس قالولي دوم سبحيها عشان يرد جسمها وفي ناس قالولي لا
الحين منو الصح ومنو الغلط
وبنتي صارت ضعيفة وايد ما تاكل بس تبا خضرا وعيش اما فواكه وروب ما تبا بس عايشة على الخضرا والعيش والحليب والسريلاك
شو اسوي وياهاااااااااااااااااا عمرها الحين 8 شهور ونص
حسب كلام الاطباء انة الطفل لمن تكون حرارتة مرتفعة لازم يكون لابس ملابس عادية وجو الغرفةعادى وبعد متنزل الحرارة حيعرق الطفل ولازم انة تغسلى جسمة وتغيرى الملابس والفراش تبعة
وباانسبةللاكل الطفل امن يكون تعبان ماياكل وبنتك عمرها 8 شهور يمكن عنده تسنين حتكون شهيتها قليلة للاكل
شوفي الغالية
بنت اخت ريلي اتييها حراره داخليه ويستوي لها تشجنج توها مكمله سنه …
ودوم يدخلونها في ماي عشان تنزل حرارتها ..
وخوات ريلي 2 دكاتره يقولون لي فصخي ولدج لا اتييه حما بس مب معناته تعرضينها لهوا بارد وباب ينفتح ويتسكر .. على حراره الغرفه ..
غير جي عادي خليها في ماي عشان تخوز عنها الحمى شوي ..
والكمادات عليج بها ..
يمكن الحراره عشان بتسنن
ماتشوف شر بنووووتك يارب تحفظها لج وتخليا وتنبتها نباتا حسن وتبلغك فيها
المهم
انا بنتي عمرها 9 شهور ونص وتوها من يومين صارت اشوه من الحمى وتخيلي كانت ماتاكل ولا شي طول اليوم غير حليبي حتى الحليب الصناعي ترجعه …….
ومر عليها يوم رجعت 15 مره وحطو عليها سيلان
واليوم اسهال فوق 10 مرات
كأني قصيت عليج قصة حياتي
بالنسبه لأسئلتك
اللي قالو لك لبسيها ثقيل عشان برد صح واللي قالو لك لاتلبسنيها بعد صح
تدرين اشلون؟؟
لما بتطلعين لبسيها ثقيل عن الهوا البارد
اما لما بتكون في البيت لبسيها عادي بما يناسب حرارة البيت وشيلي عنها الجوراب والقبعه عشان تخف حرارتها
بالنسبه للاستحمام بقولك شي بس انا شخصيا ما طاوعني قلبي اسويه في بنتي (ولو ان امي مجربه وسوتها لاخوي يوم كان صغير) وهو لما يكون الطفل او اي شخص حرارته مرتفعه وايد يتسبح بماي بارد وتخف الحمى ……… وعلى فكره هذا كلام الرسول صلى الله عليه وسلم فهو وصانا بالاستحمام بالماء البارد…….. لكن منو يقدر؟؟
انا يوم بسبح حصه رشيت عليها رشه وحده بس ماي بارد وقعدت تنتفض كأنها تلفون على الهزاز وعيونها طلعت من مكانها عوررررررررت قلبي الصراحه ماقدرت……. فسبحتها بماي دافي
المهم
لاتحاتين بنتك……… انتي طبقي كلام الطبيب والعلاج اللي بيكتبه لك وماعليها الا العافيه
على فكره انا بنتي مرضت والسبب انها سننت
و الله مثل ما قتلي الجو بارد وقلبي ما يطاوعني اللبسها شي خفيف
توته الكتكوته
هي يوم كانت تعبانة حتى الحليب ما تشتهيه كله تبا ترقد فديتها حتى كانت ما تقدر تتحرك من التعب وتتنافض من البرد يوم اغيرلها البامبرز والله قلبي يتقطع لما اشوفها اشوي وبصيح
بس هي اليوم ما شاء الله عليها بخير
ام مصبح الغالية الله يسلمج ويسلم غاليج
تدرين اني يوم اسبحها لازم ثاني يوم تمرض ما ادري ليش مع اني اسبحها الضهر وادفيها عدل بالثياب بس سبحان الله لازم تمرض من دشينا في الشتا
حتى اقول حق امي سبحيها انتي يمكن البيت عندكم دافي اشوي لانه بيتي كله سراميك فيكون ابرد
بس صدقج يوم حرارتها ترتفع اشوفها تعرق وايد واضيج من الحر
وهي من بدا يطلعلها اسنان بدت المشاكل
نورة
الشر ما يييج وسلامت بنتج
تدرين انا يوم اطلعها برع البيت البسها صوف اتقولين عايشين في الاسكيمو ههههههههههه حتى ما تقدر تتحرك
بس بالنسبة للماي البارد انا قارية عنه انه ينشط الدورة الدموية كانج تنعشين الجسم