يمكن تذكري الموضوع اللي نزلته استشيرج فيه عن جسمي والعدو اللدود له وهي جميع ادوات نزع الشعر ..
ينتشر لي حب بشكل بشع جدا واحمر وكبار مع حكه شديده لدرجة البكااااااء ..
وانتي ما قصرتي يزاج الله خير نصحتيني بالباكينغ صودا ..
استخدمته بس ما نفعني لأن حالتي وايد صعبه ،، لدرجة ان اللي يشوف ريولي او يدي يقول سلامات .. من شنو محترقه ؟!!!!!
جربت تقريبا كل ادوات نزع الشعر ..
الحلاوة حرقت جسمي والشمع حرقه اكثر واكثر وبراون زادت الطيب بله وحتى موس الحلاقه جربته ..
وجميع الطرق تؤدي الى روما ..
وطبعا راجعت طبيبة جلديه اسمها غاليه دويغر وكتبت لي موهم اسمه bepanthen وخلص وهم ما فادني ..
صدقيني والله اكتب لج هالموضوع وانا كلي الم وحسره على بشرتي .. محبطه لحد الجنون ..
ماقدر البس قصير ولا احد يشوفها حتى زوجي اخجل منه مابيه يشوفني بهالمنظر البشع ..
والله تعبت نفسيتي وياليت يكون عندج شي مضمون اجربه وان شاء الله الشفاء على يدج
ولا هنتي يالغاليه
ماعليج شر يا عمرى
تبين نصيحتى؟
اخذى موعد مع د.سميرة المتروك وانشاءلله باذن الله بتريح لج قلبج من اى مشكله جلديه عندج
وحتى الليزر اذا شفاج رب العاليمن هم عندها حتى تتخلصين من عذاب ازالة الشعر
وصدقينى مابتطلعين من عندها الا مرتاحه وبتقولج كل المشكله ببساطه
بلا غاليه بلا غيرها
وبتدعين لى
لا تستخدمين ولا وصفه ولا بيبانثين لانه اصلا كريم عادى لا يضر ولا ينفع وهو خفيف
ويعطى لذوات البشرة الجافه او المتحسسه لكنه ليس العلاج المفيد لج
وطمنينى بعد ماتشوفينها
انشاءلله خير يا عمرى
وتعرفين عيادتها ؟
وين ابتك ولاميزون السلمانيه؟؟ ورا فيللا كبيرة مكتوب مركز د.سميرة المتروك
وبتريحج وادويتها حديثه فى علاج الجلد
وربى يشفيج ويهونها عليج
وتحياتى
بنت عذارى
بنت عذاري
ما شاء الله عليج
سرعه في الرد لا مثيل لها
بصراحه آنا فكرت في الليزر بس ظروفي الماديه حاليا ما تسمح لي لان تعرفين راح يكلفني وايد لو بشيل جسمي كامل ..
بس ابجربها د. سميرة المتروك بروح عندها وان شاء الله تعطيني علاج مناسب لين الله يفرجها واشيل بالليزر وافك روحي من هالعباله ..
تعبتج وياي سامحيني ومشكوره على الرد والافاده ما قصرتي
ولا يهمج روحى لها وبتعالج اللى فيج
وما بتتركج الا بعد ماتعالجج وبعدين يحلها حلال لين شفيتى باذن الله
بس لا احراج ولا شىء شرحيلها كل مشكلتج
وانج حابه تسوين ليزر بس مو الحين وبتراعيج انشاءلله
هى انسانه قبل ان تكون طبيبه يا قلبى
واستفسرى حتى عن الغسولات الطبيعيه اللى ممكن تستخدمينها للمستقبل لتفادى المضاعفات
وربى يشفيج يا عمرى
قلبى عندج(f)
اختج
بنت عذارى
ان شاء الله نشوفج احلى عروس ياااااااااااارب
 |
اقتباس |  |
 |
المشاركة الأساسية كتبها عروسه ناعمه |  |
 |
| تسلمين يالغاليه وربي يخليج لكل العرايس ولا يحرمنا منج
ان شاء الله نشوفج احلى عروس ياااااااااااارب |
||
 |
 |
فديييييييييييييييييييييييييييييييييييييييييييييييي تج يا بعد عمرى(f) (f) (f)
ربى يشفيج ويهون عليج
وطمنينى بعد ماتشوفينها
وملايكة الرحمن تحفظج يا قلبى
اختج
بنت عذارى
ويقفل الموضوع
بنت عذارى