اول شي حياكم في صفحتي منورين
اليوم ابي اقول لكم افضل طريقه للتعامل مع الخدامه
وقبل لا اقول الطريقه ابي اسولف شوي عن اللي قاعد ايصير جدامي واللي اشوفه بشكل دائم في كللل مكان اروحه
وهو طريقه التعامل البشعه مع الخدامه في بعض الناس يطقون الخدامه على اي شي تغلط فيه
والرسول صلى الله عليه وسلم ايقول في معنى الحديث انسامح الخادم في اليوم 80 مررره سبحان الله واحنا بس تتاخر شوي يا ويلها على طوول كفوف وسب وذل
يا بنات ما في احد منا اختار عايلته ولا جنسيته كله من الله ولو الاختيار بايدنا كان مافي احد فقير ولا في خدم ولا شي بس سبحان الله هاي نعمه من الله الله خلا هالخدامه فقير وتمووت من الجوع عشان راحتنا وحنا عشان اشويت فلوس نذلهم ذل
تدرون ان الكفار اذا احد ضرب الخادم اللي عندهم عقوبته السجن وحنا المسلمين ولا مفتكرين
وهالخدامه المسكينه تراها تحس ولها مشاعر وقلب حالها حالنا كل وحده تخيل نفسها مكان الخدامه والله اني بس تخيلت عورني قلبي
عاملونها كموضف في شركه من البدايه قولي لها انتي عليج كذا وكذا وكذا مثلا كل يوم الفطور جاهز الساعه كذا والغدا كذا وووو الخ
ولا تصارخين عليها مافيها شي لو تقولين لها يا ماري جيبي ماي بصوت عادي مب صراخ ودز وجذي
ترى حنا محاسبين يوم القيامه لان اللي يجرح مشاعر انسان تراه محاسب عليها لاتستهينون بالامر
انا حبيت اوصل لكم هالرساله اللهم اني بلغت اللهم فشهد
والله يوفق الجميع يا رب
تحياتي
صادقه يا اختي بكل كلمه قلتيها
الله يهدي الجميع
الخادمه رغم إجرامهم المتعارف عليه بمجتمعنا
ولكن كل شي بالعقل يوزن
بما معنى ان لو كانت تلقى معامله طيبه من راعية البيت
ومن اهل البيت ..
كان ما أذتهم بشي ..
خليني ازيد على كلامك اشوي ..
بالنسبه للخادمه اعتقد ان أكثر ربات المنازل
يعتقدون ان الخادمه تقدر انها تعمل كل واجباتها بأكمل وجه
أعطيك مثال ..
في اوقات راعية البيت تحس بالتعب والكسل
واحيانا نفسيتها ما تساعدها انها تسوي الامور الروتينيه
فتسوي الأهم وتخلي الباقي لليوم الي بعده
الخادمه تدخل البيت تحس بالنشاط
خصتا ثلاث الشهور الاوليه عشان تثبت نفسها
لكن الروتين يقتل الحماس بأكثر الاحيان
وتحتاج لإستعادة حيويتها
خلونا نتوقع وش الي يرجع حيويتها
مثلا ما فيها شي لو راعية البيت
عطتها اجازه يوم واحد بالشهر كإستراحه
المفروض ان الخادمه ما تطلع ولكن
خلوها ترتاح اشوي لو يوم بغرفتها
وصاحبة البيت تتفنن بهذاك اليوم تسوي الاشياء المهمه
ونفس الوقت تحسس باقي الأسره انها موجوده حتى لو كانت
الشغاله او الخادمه مهمه بالبيت وتأدي اللازم
……….
نقطه مهمه احب اني اقولها
ليه الخادمه تطبخ ؟؟
دام راعية البيت
ما عندها شي وكل التنظيف تباشر عليه الخادمه
وش بينقصها لو دخلت المطبخ نص ساعة تركب الغدااااء وهي طالعه
حتى مواعين الطبخ ما راح تغسلهم
يعني الخادمه هي الي راح تغسل كل شي وتنظف وراها
مجرد لمساتها الحلوه على طباخها يعطيه بركه ان شاء الله
………..
ونهايتا
احب اني اشكرك
وجزاك الله خير على التنبيه ..
معاج حق في كل كلمة
لازم الواحد يخاف الله في كل تصرفاته..
اشكرج ع مرورج الطيب وعندج حق في كلامج عين العقل والله
احلى ام
شكوه منوره الصفحه
مشكوووره
ليش بعض الناس يشتكون من خدامتهم انها سرقت وذبحت ولدهم وحرقت بنتهم وووو الخ
هاي سبب العنف معاها عشان جذي اهي تحقد في قلبها وتسوي هالاشياء
وسلامتكم