شحالكن خواتي عساكن بخير.؟؟
انا الصراحة مستحية من الموضوع بس مضايجتني الخطوط اللي ظاهرة
على فخوذي والمؤخرة عندي شكل جسمي مقرف مب جنه جسم بنوته تووها فعمر الزهور
بس الخطوط على المؤخرة كثييير بشكل كبير ماعرف شو السبب يعني ؟
متضايجة والله ماجربت اسوي شي وماجربت كيف احله
حبيت اخذ رايكن واللي تعرف تفيدني الله يخليكن !!
سوي مثل ما قالت لج واهتمي بجسمج من الحين قبل ما يطيح الفاس في الراس ولي فات الفوت ما ينفع الصوت وهذي الخطوط اغلبنا البنات والحريم نعاني منها بسبب التغيرات اللي تصير في جسمنا يا اما ايام المراهقة او لما نمتن ونضعف بدون رياضة تشد الجسم او لما نتزوج و عند الحمل والولاده طبعا
واللحين شنو تسوين ؟؟
دائما اعملي بنهاية الاسبوع تقشير لجسمج .. و في انواع واشكال من السكرابات .. اختاري واحد منها و عن فسي استخدم مقشر وسكراب الخوخ والمشمش … او تقدرين تستخدمي سكراب من البيت .. عباره عن زيت زيتون + خل التفاح + ملح و سكر خشن اخلطيهم و افركي فيهم المناطق اللي فيهاخطوط بشكل دائري و لمده لا تقل عن 10 دقائق على الاقل
وبعد الاستحمام رطبي جسمج زين ,,وانصج في كريم زبدة الكاكاو + بيبي اويل << يرطبون بقوه وخصوصا اذا جسمج ما زال مبلول بماي السباحة
و لا تنسي اعملي لج كم تمرين رياضة بين يوم والثاني عشان ينشد جسمج و ما تزيد هذي الخطوط
وبالتوفيق وان شاء الله اكون افدتج
مكرر
يرجى الرجوع لملف الاستفسارات المثبت
يغلق