الخيط دمر بشرتي انقذوني 2024.

🙁
مرحبا بنات
انا اول مره اشيل وجهي بالخيط وبعدها بااسبوع صار وجهي كله نفر تحت الجلد
اللي عندها حل بليز تعطيني لان بشرتي دماااااار
استخدمت من الصيدليه مضاد بس ماجاب نتيجه:confused:
ومشكورين مقدماا

شفاكى الله وعافاكى يا قمر

احسن حل تروحى لدكتورة وهى تعطيكى العلاج المناسب ان شاء الله:shy:

رمومه ذكرتيني بمعاناتي السنه اللي طافت
كانت بشريه زبده لا حبوب ولا اثار حبوب ولونها موحد…. كنت اشقر لكن قلت بجرب اشيل الشعر بالخيط .. ورحت الصالون وبعد اسبوع تقريبا بدت تطلع حبوب صغيره صغيره… وتروح لكنها تترك اثر….رحت للدكتوره وعطتني خلطه مراهم لكن لين الحين اثار الحبوب موجوده بس خفيفه يبالها شوية وقت لين تروح نهائيا والحبوب خفت لكنها على الشهرين تطلعلي حبه

الحمدلله على كل حال
ورجعت للتقشير بلا خيط بلا زفت

فراوله مشكوره حبيبتي على الدعوه الحلوه وبنتظر فتره قبل مااروح للدكتوره على وعسى انها تروح بالخلطات الطبيعيه
uaesou
lنا كنت مثلك ولااعرف الحبوب ولا كنت اشقر الا حواجبي بس قلت هالمره بجرب الشيل بالخيط
بس توبه كانت تجربه غير موفقه ولااعيدها وان شاالله تروح
تحياتي لكم

هاي اختي رمرومه
انا كنت بالبدايه نفس حالتج لما أحف ويهي بخيط تطلع الحبوب بشكل مو طبيعي
ووحده من صديقاتي قالت بعد الحف طلبي من اللي حفتلج بنفس الوقت ثلجه
ودعكي فيها ويهج وشوفي النتيجه
والله ما أجذب عليج بس سويت هالطريقه بعد الحف ولا حبه طلعتلي
وكل ما تحفين سوي هالطريقه
جربي وادعيلي الله يسهل علي ولادتي

الله يشفيك ان شاءاببه عزيزتي
ولا تخافي اكيد لانها اول مره

ان شاءالله الينات يقدرون يفيدونج

مثلي…حفيت من شهرين و طلعت لي حبوب يااا ساااااااتر…
و للحين اثارها موجودة وشوهت لي وجهي..
اللي عندها حل تقول و يكون طبيعي لاني حامل و ما اقدر استخدم كريمات .

حبيبتي بعد ماتستدخدمي الخيط حطي على وجهك موية ورد+نشاء لمدة 10 دقائق ثم اغسليه

حطي ماااي وررد