الدلع 2024.

بصراحه ودي افيدك بالسوالف هذي لاني قرات عنها كثير وان شا ء الله تعرفك ، اول شي الدلع اللي تبينه هي الحركات الرومانسيه واحنا الخليجيات طبيعتنا نخجل يعني الوحده تخجل تتمايل على زوجها او تنعم صوتنها والمشكله ان الازواج يبون وحده دلوعه بس مساكين بعض الأحيان ما راح يلقون فليش ننتظر الازواج يدورون الدلع عند غيرنا ، وانا اقولك كيف :

اولا شي ممكن تطلبين منه شي وتقوليله انك تريديها تجي منه عشان منه راح تكون مميزه ، وما تقوليها وانتي جامده لا حاولي تكوني ناااعمه ومدلعه في مشيتك ولو تقدري توطي صوتك يكون افضل حتى لو جابلك شي امدحيه بدلع ونعمي صوتك ترى حتى الدلع المصطنع حلو مثل المكياج يحلي الوحده مع انه مصطنع ، كذالك الدلع يحلي الوحده لان الرجال يحب الدلع والدلع حلال وانتي لازم تعفين زوجك عشان لا يروح يدوره عند غيرك ،

في شي ثالث بقوله لكي وهو الاهتمام بعنصر الاثاره يعني اللبس المكياج العطر هذا كله له دور ، ثانيا الرعايه والاهتمام يعني لو يوم من أيامك تخلين اطفالك إذا عندك عند احد اقاربك وتروحين انتي وياه على فندق فيه حمام سونا تنعمون بالاسترخاء والاستجمام هذا حلو ، والعاطفه من اكثر الاشياء اللي تسعد الزوج اول ما يجي من الدوام يلقاها اول من يستقبله بابتسامه وتحتضنه بشوق ولهفه يحس انها تموت فيه وهذا ما يسمى بالملاطفه بين الزوجين ، وان كانت الزوجه غير جريئه مع زوجها فهناك طرق تجعلها جريئه :

اولا اكل التفاحه حيث يتواجه وجه الزوجين ويركزان النظر في بعضهما ويخاطبان بعضهما بلغه العيون والتفاحه بالوسط ياكل كلا من طرفها .

ثانيا أكل الفواكه في فراش الزوجيه ، فما على الزوجه الا انها تعصب عيني زوجها وتناوله الفاكهه وتجعله يخمن ما هي او توهمه انها تضعه في فمه وتلتهمها هي بسرعه وفي النهايه تاتي بحبه صغيره من الفاكهه وتنا وله اياها وتسبقه عليها .

ثالث شي وانتي تتحدثين مع زوجك اصمتي (في وقت يحمد فيه الصمت ) وركزي على اذن زوجك مثلا ثم قولي ما هذا الذي فيك ثم قبليه ، ثم افتحي موضوع اخر صغير وركزي على يديه مثلا او اي جزء ثم قولي ما هذا وقبليه واضحكي بغنج ودلع ناعم ..

عندي بعد افكار :

ا- ضعي قبله على على تفاحه كامله وضعي بجانبها تفاحه مقسومه من المنتصف وانقشي عليها حبيبي احبك وقدميها مع بعض التفاحات الحمراء والمطبوعه عليها القبلات ضعي ورده حمرا وبجانبها نبته خضراء واكتبي على ورقة النبته الخضراء صباح الخير حبي ، مثلا انثري ورد احمر على السرير ضعي رساله حب في ثوبه حتى اذا وصل العمل يراها ويسعد بذالك اذا مرض مثلا اهتمي فيه كانه طفل صغير ، اذا صحى من النوم فجاه وتنبهتي لذالك اساليه اشفيه او محتاج شي اذا ناداك اتركي كل اللي بيدك ولبي ندائه بيحس انه اهم شي عندك دلعيه شوي قبل تنا مين قوليله كلام حب وانتي أدرى فيه بروحك ، يعني والله اشيااء كثيره تقدرين تسوينها وانا بصراحه من يوم قرات موضوعك والله جمعتلك عصارة أفكاري اللي ممكن تفيدك وان شاء الله تعجبك ، وحاولي تسوينها ،

عموما الغالية تكون المرأه جذابه عندما تهتم بنفسها دائما وتقل جاذبيتها يوم تهمل نفسها وتزيد جاذبيتها يوم تسمع زوجها كلمات الغزل والغرام ، وتقل جاذبيتها عندما تسمعه كلام قاسي ، وتزيد جاذبيتها اذا كانت جريئه ومدلعه خصوصا في الحياه الخاصه ، وتقل جاذبيتها بالغيره الشديده ، تزيد جاذبيتها باهتمامها بزوجها وحنانها عليه وملابسها ورائحتها الجميله ، وتقل جاذبيتها بتنكيدها عليه