حبيت استفسر عن مدينة الدمام وعن الشقق فيها
زوجي انتقل يشتغل فيها
فهل افضل السكن في الدمام أو الخبر؟
سمعنا ان الخبر افضل من ناحية النظافة والهدوء
بس بيكون بعيد عن مقر عمله تقريبا خمسة واربعين دقيقة !!
وانا وحيدة وصعب لو صار اي شي لاسمح الله
فياريت تفيدوني يا حلوات ف أقرب وقت
وشكرا
وبالعكس الخبر ارقى و احلى واذا سكنتي بشقه تعرفي على جارات ومالك شر
المنطقة إللي يشتغل فيها زوجي اسمها سيهات
هو يقول أن الاجانب ينصحوه بالخبر لأنها أجدد وفيها مراكز تجارية
بس السعودييين ينصحوه بالدمام
فياريت إذا عندك معرفة بالدمام تخبريني أي الأماكن فيها حلوة لسكن العائلات
ادري ان الخبر ارقى بس والله اخاف اكون ف مكان بعيد يعني 45 د لحد مايوصل زوجي للبيت مو شوية..
و اذا بتسكني بالدمام
عندك الأحياء هذي راقيه ومرتبة
الشاطىء – الجامعيين – الريان – الحمرا
واذا بالخبر عندك حي العليا
واهم شي يكون الحي فيه جميع الخدمات وهادي ونظيف
برسل اسماء الاحياء لزوجي عشان يشوف الافضل
وشو رأيكم ف المحمدية والعزيزية ف الدمام؟
ولكم جزيل الشكر
إذا هو يشتغل في سيهات فأفرب لكم السكن في الدمام… أنا ساكنة في آخر طرف في الدمام و سيهات جنبنا على طول، منطقتنا اسمها جوهرة الخليج حي جديد و كله شقق سكنية فاخرة… و مقابل هذا الحي حي الحمرا و المباركية كلهم أحياء راقية… و هذي المنطقة على كورنيش الدمام و جداً حيوية… فيها مطاعم و مجمعات تجارية كبيرة و اللي تبين 
الأخت اللي قبلي ذكرت حي الجامعيين، هو بعيد شوي عن سيهات لكنه راقي.. زوجي يشتغل قريب من حي الجامعيين و وده ننقل هناك أقرب له!
و الشاطيء بعد حي حلو و راقي و عالكورنيش… أما الريان و الأحياء اللي انتي ذكرتيهم أول مرة أسمع فيهم!
بالنسبة للخبر هي أرقى و أرتب من الدمام، لكن الأحياء اللي قلت لج عنها راقية و حلوة و بعيدة عن حوسة وسط الدمام… أما الوقت من الدمام للخبر و خصوصاً من مكان سكني لأني أقرب لسيهات، ياخذ تقريباً 20 دقيقة إذا ما كان في وقت الزحمة!
و موفقة إن شاء الله F:
شكرا للمعلومات
رسلتها لزوجي وإن شاء الله يتوفق ويحصل على حي راقي ومرتب وشقة حلوة
وجزاكم الله ألف خير
البنات افادتك