اليوم بعد اذان الفجر نمت << ماعلي صلاة بس رددت اذكار الصباح ونمت
وحلمت ان الاهل كانو مجتمعين وانا كنت جالسه بالارض وعمي لبسني قلب ذهب وكان وزنه ثقييل بس السلسلة كانت وايد طويله وضعيفه من ثقل القلب انقطعت السلسة وقلت ببيع السلسة اللي انقطعت وبشتري سلسله امتن منها ولما شافتني اختي راوتني سلسله اهداها عمي كانت امتن من اللي معاي وفيها لمعه حلوة وكانت لابسه اساور وخواتم وتراجي ذهب اهداها عمي وكانت فرحانه فيهم وانا اهداني القلب وشي ثاني بس مو متذكره شنو وباقي بنات عمامي اهداهم اشياء بسيطه.. بصراحه هالحلم حيرني .. شنو تتوقعون تفسيره
مع العلم اني كنت مفتقده عمي لان دوم يرسل لي ولأختي مسجات وامس افتقدته وطرشت له مسج بس مارد علي واختي اقرب منه اكثر مني .. اتمنى اللي يعرف تفسير هالحلم يرد علي
يمكن من كثر ما تفكرين في عمج
والله اعلم
مشكورة اختي ع الرد وان شاء الله خير
وهي تعتمد على الرموز
راح أفسر لج رمز ( الذهب ) في الحلم .. ماذا يعني ؟
وإن شاء الله برد عليج!..
لأني حالياً بالشغل .. فما أقدر أرد عليج
حلم العذارى مشكورة اختي على الرد
فتح كتاب تفسير الاحلام الي عندي الذهب بلحلم يرمز لاشياء وايد يعني ممكن يكون زوج وممكن يكون ورث واشياء مثل صفاء النية والاخلاص لشخص .
ومصادر هالكتاب : القرآن الكريم , الأحاديث الشريفة , الإمام علي (ع) , الإمام الصادق (ع) .. وكبار المفسرين على رأسهم : أبن سيرين .. النابلسي .. إلخ
/
التفسير السريع للحلم : سيقترف الحالم الأخطاء.
تفسيرات آخر ( التفاصيل )
أمتلاك الذهب : تطور جيد للأعمال.
التزين بالذهب : أسلوب حياة سطحي.
ومن رأى أنه لبس شيئاً من الذهب فإنه يصاهر قوم غير أكفاء له.
ومن رأى أنه أعطي قطعة ذهب كبيرة , فإنه ينال رئاسة.
*
*
هذي أقرب الرموز لحلمج ..,
وهذا التفسير بحسب الكتاب
والعلم عند الله سبحانه
بس ان شاء الله خير انا اعرف ومجربه شوفة الذهب بالحلم بس مابقوله حتى لاتتشائمين واتمنى لك كل خير اختي ….لان موزين الواحد يفسر الحلم يقولون يتحقق على التفسير الاول والله اعلم اختي