بصراحه انا عندي ربيعتي وياي بالمدرسه ويحليها خبرتني عن سالفتها وهيي تستحي تسير عند الدختر
وانا للأسف مااقدر اساعدها
وقلت لها بحاول اساعدج
المشكله هيي
ان ينزل لها ماده سائله مخاطية من الرحم مو متأكده من وين بس من تحت وتقول ان يصير لها جذي بين فترة فترة وتتطلع منه ريحه كريهه ..
انا من ناحيتي ماعرفت شو الحل وكنت ناويه اخبر ابلة الأحياء لاني وايد وياها بس استحيت وهيي بعد تستحي اكثر عني
فقلت لها اني اشارك بالمنتدى وجي
واحس ان انتوا يمكن تردون علي
فأتمنى انكم فهمتوا مشكلتها
ابغي اعرف هل هذا شيء طبيعي والا شو بالضبط
اتمنى ان الموضوع انفهم لأني مااعرف كيف اوضحه
السموحه الغاليات
حبيبتي هذي اسمها افرازات وكل وحده لازم ينزلها
وانا مثل ربيعتج خفت منها ومثل مايقولون لا حياء في العلم
رحت للدكتوره وخبرتني انها عاديه………وطبيعيه
وتحياتي لج
~*¤ô§ô¤*~*¤ô§ô¤*~السيده ملعقه~*¤ô§ô¤*~*¤ô§ô¤*~
مشكورة الغالية ع ردج
أختي &][قـصايد][&
قولي لصديقتج لا تحاتي إن شاء الله ما فيها شي
وهاذي شي طبيعي.. بس لازم تحافظ على نظافة المنطقة دايما
وتلبس ملابس داخلية قطنية.. وفي غسولات ينباعون وهم ينفعون للبنات وللمتزوجات
أنا عن نفسي أستخدم غسول كيرفري ، وايد ممتاز ..
تغسل المنطقة بعد كل دخول للحمام وتنشف نفسها..
وما عليها شر
الافرازات طبيعيه جدا وهذي الافرازات تنزل عشان تخلي المكان يطون رطب
بس اذا فيها لون او رائحه كريهه فمعناها ان عندها التهابات او فطريات ولازم تروح للطبيبه ولو مستحيه وايد
خليها تاخذ ملح خشن وتحطه بالبانيو وتقعد فيه لانه يطهر ويعقم ويقتل البكتيريا المسببه لها
على الأقل خليها تروح الصيدليه تاخذ مرهم
الاخوات كفوو ووفو ما شاء الله عليهم..
ان شاء الله ما تكون فيها اي مشكله..
بس النظافه وكثر شرب الماي والملابس القطنيه الداخليه وغسول لتعقيم المنطقه.. وان شاء الله بتنتهي المشكله..
{رَبَّنَا مَا خَلَقْتَ هَذَا بَاطِلا سُبْحَانَكَ فَقِنَا عَذَابَ النَّارِ * رَبَّنَا إِنَّكَ مَنْ تُدْخِلْ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ * رَبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأَبْرَارِ * رَبَّنَا وَآتِنَا مَا وَعَدْتَنَا عَلَى رُسُلِكَ وَلا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ} [آل عمران: 191-194].
تسلمين حبيبتي هلاوين على تفنينك لصورة ابنتي.. ومشكوره على الهديه الرائعه
1 – النظافه
2- الملابس القطنيه
3 – اذا الافرازات كثيره ولها لون تروح لطبيبه احس عشان تتأكد من سلامتها