السلام عليكم ورحمة الله وبركاته
اغلب حفلات الاطفال الناس يستأجرون الفلبينيه اللي ترسم على الوجوه للاطفال و طبعا تخسر وايد للحفله..و وايد ناس يطنشون هالشي مع انه وايد يعجب الاطفال و يسعدهم في الحفلات
احطلكم هالموضوع عشان تستفيدون و بعدين صاحبة الحفله تقدر ترسم على وجوه الاطفال بروحها بدون ما تستأجر حد من برع
اول شي شو بتحتاجين؟
في نوعين من الوان الوجوه…الوان للمبتدئين و هذا افضل للي ما جربو هالشي من قبل و دايما ايي معاه قطع ورق مقصوصه بديزاينات..تحطينها على الوجه و تلونين..يعني سهل سهل
و تلقينها في تويز ار اص
و بعدين في الوان للمتقدمين و فيها الوان كثيره و لمعه و كل شي
و بعد موجودات في تويز ار اص
و في اقلام لتلوين الوجه و شفت منها في محطة امارات
و الحين مع الديزاينات اللي تقدرين تجربينها في البدايه
الاميره
النمر
ورد و فراشات
سبايدر مان
قطه برتقاليه
الاسد
وحش
نمر بنفسجي
قطة قوس قزح
فراشه
خفاش او وطواط
فتاة الورد
نمر
قلوب
قاع البحر
قطه سوداء
نوتات موسيقيه
جمجمه
سبايدر مان
نمر ازرق
مصاص دماء
سبايدر مان
عصفور
زهور
جزيره
و ان شاء الله تستفيدون و لا تنسونا من الدعاء
يعطيج الف عافية
والله يعطيج ما تتمنين
الله يعافيك على المعلومات والرسمات
اعتقد راح نستفيد منها كثير
وان شاء الله تكسبين اجر تفريح الاطفال والايتام
حلوة فكرة الرسم على الوجوه … احنا نسويها كل سنة في حفلة اختي الصغيرة وما شاء الله الأطفال ينبسطون عليها وكل واحد يقول دوري انا
تسلم ايدك
الله يعطيج كل اللي في بالج و يجزيج كل خير..
ما ادري موجود في البحرين او لا
مشكورة الغالية