الله يسلمكم بنتي الله يحفظها ويصلحها عمرها 10 شهور ومن ولدتها ترضع من صدري ورضعه وحده صناعي بالليل..
بس وين المشكلة
ان طلعو لها سنين تحت وسنين فوق وصارت تعضني وقت الرضااعه 😮 لدرجة والله يطلع دم وابكي
وقررت افطمها خاصة ان رمضان قريب وما اقدر ارضعها وانا صايمة بدوووخ وانا بروحي وزني خربوطي :p
فا تكفوون علموني كيف افطمها من صدري ..
لان اذا جاعت تأشر على صدري وتقولي ننه ننه ننه وحلولت اعطيها حليب فراولة حليب شوكولاته ماكو فايده ماتبي الا صدري والصناعي مستحيل تآخذه الا اذا كانت نايمة لانها ماتدري عن الدنياا
وانا مافيني حليب يادووب يطلع والدكتورة بعد قالت لي فطميها لان وزني نزل كثير مع الرضااعه
هي ماشاء الله عليها طول النهار ماتدري عني يعني تاكل وتشرب عصيرات ومويه
بس وقت النوم تطلع روحي لازم ترضع مني واذا تحمست تعضني حتى اذا سكرت خشمها ماتفكني 
وفيها طبع مجنني لازم بنص النوم تصحى القاها واقفة على السرير تبكي تبي ترضع من صدري .. حتى صرت اجهز لها الرضعه واحط منبه واحطه في فمها وهي نايمه عشان ماتحس
يا الله يا امهات علموني تكفووووووون .. بدعي لكم بصلاتي
سااعدوني
انتي غلطتي يوم عودتيها على الرضاعه وما حاولتي تعطيها صناعي من البدايه
صح ان الرضاعه مفيده بس متعبه وانا ما اقولج في نفس الوقت خلج كله ع الصناعي
المهم الحين ما يفيد الكلام
عشان تفطميها
ما يصير مره وحده
لازم تسوين لج برنامج
يعني مثلا
الاسبوع الاول تخلينها ترضع بس 4 مرات في اليوم
والاسبوع الثاني 3 مرات
والاسبوع الثالث مرتين
وفي اخر اسبوع عطيها بس رضعه وحده وقت النوم
اختي هي بعد صغيره ومسكينه تجوع
حاولي تعطيها اشياء مفيده
حاولي تعوديها تاكل فواكه
الله يساعدك حبيبتي
بس ما يصير تفطمينها مره وحده لانك انتي بعد راح تتعبي
ادرجي معاه
مثلا الظهر عند نومتها رضعه و باليل رضعه
و باقي الوقت عوضيها بحليب الاطفال و الماي و العصير
و بعد فتره عطيها بس بالليل
و بعدها خلاص افطميها
لانك انتي ر اح تتعبين معها
و ربي يخليها لك يارب
و يحفظها من كل شر
حملت
بس مالقيت صعوبه لانها كانت تاكل وتشرب صناعي عادي
انتي قوي قلبك وافطميها مرة وحده وبس اسبوع وبتلقينها ماتبي صدرك بسرررعه ينسونه
بنتي للحين 5 شهور وللحين ما طلع لها أسنان ..
بس تسحب صدري بطريقة فظيييعة
وبالليل كل نص ساعة ترضع .. وساعات تطول لساعة وهي تمص
وبالصبح أخليها عند أحد يجودها وأنا اروح أنام
يسحب صدري بطريقه فظيييعه
يدبحني
وكلا يعظني ويألمني عدل حتى الدم يطلع مثل ماقلتين
والحين ولدي عمره سنه وشهر ومستجنه أمبي أفطمه بس أبوه يقول ليي اذا فيش خير فطميه ههههههههههههه
بس دصق الرضاعه متعبه بشكل مو طبيعي
بس ويش نسوي خيوو كله بأجر من عند رب العالمين
حالتش تقريبا مثل حالتي…باستثناء الاسنان
بنتي لحين ما طلعو ليها اسنان خايبة .. بس الا يتعبني فيها انها كل تبغي تمصمص وبس والليل بالدقيقة تبغي ترضع وصدري يادوب فيه كم قطرة ووزني كل ماله ويقل .. وما تبغي الصناعي ..بس بستمر وياها لسنة ونص وعقب بفطمها … والله يساعدنا في رمضان … الا صيام وحر وتمصمص بالدقيقة
لو لقيتي حل لهاالمعاناه طلبتك تعلميني
سرت يوم اشوفها واقفة على سريرها يوقف شعر راسي
لكن الفرق انها الله يحفظها تصحى من نومتها وتميز اذا كانت رضاعة و لا الهدف المنشود