آآآه سوري غلطت بالعنوان أقصد
قمة التحطيم للرومنسية بين الزوجين
بترككم تقرونها وتعلقون بس الله الله بالردود
هذي وحدة تقول مره وصلّني زوجي للمدرسة اللي كنت معلمه فيها الصباح قلت له وأنا نازلة راح أشتاق لك ياحبي …. قال إنزلي إنزلي لا تروح عليك الحصة الأولى .. آآآآآآه بغيت أصفعه بالمسطرة عاد أنا وش أقول والطويلة اللي معاي
وحده ثانيه تقول :
زوجي مو راعي هدايا أبد قلت أبشتري هدية جوال اللي يستخدمه قديم المهم غلفته وكاتبة في كرت شعر وكلالالالالالالالام حلو وعطيته الهدية وكنت بجنبه المهم فكه بشراسة وجهه فيه علامات إستغراب وتعجب وأنا مبتسمة طلعه وناظر قال لمين هذا ؟ قلت لك حبيبي قال شاريته بألفين وخمسمية يابنت الكلب هو فرحان بس شوفو التعبير قسم بالله ذبلت إبتسامتي وهو يضحك يقول أول مرة أحد يهديني بالمبلغ هذا بس تصدقون رحمته هههههههه
وهذي وحدة ثانية تقول إنها حطت شموع من عند الباب حق غرفة النوم والشموع طبعاً على الأرض وهي جلست في غرفتها وكاشخة وتنتظر زوجها المهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ما سواه والمسكينة إنهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس للأسف الحين تطلقت (ماتنلام تطلب الطلاق)
وحدة من الحريم ملت من الروتين اليومي في حياتها وحبت إنها تسوي مفاجئة لزوجها بسهرة رومانسية …المهم قامت وإطلبت الكيكه من الدبلوماسي والعصيرات
وخلت الإضاءة بالمجلس هادية و ولعت الشموع ونومت عيالها وتزينت عشان تهيئ الجو لهم …..
.المهم جاء الزوج من الإستراحة وريحته تفوح دخاخين.. وإستقبلته ودخلته للمجلس وقصت له من الكيكه
وصبت له من العصير…المهم يوم بلع وخلص قالها الحين وراك مجلستنا بالظلام حشى كأننا بقبر.
.تقول هي إنها بلعتها وسكتت ماني مخربة السهرة…قام وكمل ذا الماصل وقالها الحين وراك طالبة حجم كبير
من الكيكه كان طلبتي حجم صغير وشوله الإسراف يالله روحي قومي البزارين ياكلون منها عشان ماتكب..
.عاد هي حامت كبدها منه وطفسته وزعلت عليه……
.تدرون المفروضإانها تحط له خبز وفول ويخب عليه هذا ماهو بوجه تدليع(جعله الضربه ذا البخيل)
هذي وحده من البنات توها متزوجة وحابه تسوي حركه لزوجها .
..قامت وتزينت وتجهزت من مجاميعه وحطت الإضاءة هادية وشغلت الدخان الصناعي
وإنتظرته لحد ماشرف…المهم يوم دخل ويشوف الدنيا شبه مظلمه والدخاخين
حاجبه الرؤية قام يركض للصالة وجلس يناديها
وهي ساكته ماترد عليه تتغلى عليه(على بالها حركة ماتدري مسيكينة إنها بتروح في خبر كان)
عاد هو طار للمطبخ وجاب جيك ميء وكبه عليها يحسبها إنه مغمى عليها من الدخان
عشان كذا ماترد عليه(جاء بيكحلها عماها)….بالله وش تتخيلون موقفها؟؟؟…
المفروض إنها صبت على راسه موية نار…..
/ هذي وحدة من البنات تزوجت وراحت للخارج مع زوجها بعثة للدراسة له ولها..
.المهم شافت ذا الحمران العطران ورومنسيتهم قالت خل أسوي مثلهم .
.وخاصة إنهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسة الهادية.. فقامت يوم من الأيام قبل ماتروح للمعهد قالت
خل أفتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفة ومن ذا الحركات.
..قالت إذا رجع وشاف الحركات هذي أكيد بيستانس شوي…المهم يوم رجعت من المعهد
شافت زوجها نايم في الصالة عاد هي إستغربت وراه تارك السرير ما إمبطح عليه…ويوم صحى
وسألته قال الله يصلحك ناثره لي عشب على السرير وشلون أنام عليه(الله يقلعه مايميز بين الورود والعشب).
…بالله مو المفروض تنثر على السرير تين شوكي عشان يتأدب ذا الباصق……
وهذي وحده تعشق شي إسمه رومانسية و كانت دائماً تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركة وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي طنقرت وقالت أناأاوريه عشان يتأدب
ويعزمني بدال ما أنا أعزمه…قامت وعزمته زي كل مرة ويوم خلصوا ماكلين
قالت له أكرمك الله يا أبو فلان على العشى…عاد هو شرق بالعصير من الروعة
, قال لها وشلون يعني ؟؟؟ قالت له الله يسلمك الفاتورة
دفعتها من جيبك أخذت المبلغ من بوكك قبل مانطلع….
.تقول عقبها طاح وجهه تأدب وصار يطلعها كل سنة مره( تعب نفسه صراحة )……
وفي وحده لاهي ولا زوجها يدلون الرومانسية وكانت بيوم راح تنقل لبيت ملك المهم شارت عليها
إختها إنها تشتري حركات فطلعت مره هي وزوجها يشترون شموع أشكال وألوان وبعد فتره هي كان
زوجها طالع وإستغلت الفرصة وإدهرت تضبط البيت وتكشخت وشغلت الشموع يوم جاء المحروس
شاف الدنيا ظلام يوم دخل على زوجته ولع النور وطفى الشموع قالها الله يهداك الحين أنا شاريهن عشان أطفي الكهرب <<<<< قمة التحطيم
هذي وحدة جنااااااااانها البلونات عااااااااد ذاك اليوم فكل جدر حطت نفاخه ..وشك شك هذا طبعا صوت مفاتيح الباب جاء بعلها ..ومن غير مقدمات يوم شاااف البالونات فقعها وووهو معصب وقال لها لو يجونا ضيوووف وش يقولون.. هذولي لسى ما تخرجوا من الإبتدائي ..والله مسكين ووووبايخ حطم الحرررررررريمه..
ههههههههه
وحدة تقول أنا معلمة وعندي في البيت أوراق كثيرة هنا وهناك وإذا خلصت المدرسة ألمها وأجمعها في كرتون وإذا ما أبغاها أحرقها >>>>>> المهم ما أطول عليكم .
رحت وشريت لي كتاب رومنسيات زوجيه قالك بتثقف وأصير رومانسية حتى أعجب أبوالشباب
وأنا كنت بداية الإجازة أروح لأهلي وأطول عندهم كذا يوم وهو قاعد بالبيت
قريت في الكتاب إنه إذا سافر زوجك أو تركتي البيت إكتبي بطاقات حلوه ملونه فيها عبارات جميلة للزوج وحطيها بين ملابسه عشان إذا جا يلبس يقرأ البطاقات ويتذكرك حتى وأنتي غايبه عن عينه ……
وإختكم في الله سوتها ……… تتوقعون إيش كانت النتيجة ………… ……… ……… ..اهئ اهئ
لما رجعت البيت بعد إسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة >>> زوجي كتوم جداً
قلتله ياعيوني ياحبيبي عجبتك الحركة ………
قالي أي حركة لا عاد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه . إيش رايكم فيه >>>>>> طعس صحيح .
وحدة تقول مرة سويت لزوجي ليلة رومانسية على قولتكم وقمنا نرقص هذيك الرقصة وش إسمها إيه "سلو" اللي تحطين يدك ورى ظهر زوجك وهو يحط إيده ورى خصري وكنت منسجمة مع الجو تخيلوا وش قال قال تكفين تكفين حكي ظهري فوق شوي لالا تحت شوي وأنا ميته من القهر هههههههههه
أختكم : المـــلاك العابر
هههههههههههههههههههههههههههههههههههه
ربي يسعدك
خوش مواقف كلها تفشل
الله يقطع ابليسك والله اني فطست ضحك ..
بصراحه المفروض الوحده ما تبالغ بالحركات .. لأن كل مجتمع .. وكل رجل .. له طباعه الخاصة …!!!
مشكووورة ع القصص المضحكة .. الله لا يبلانا .. 
ههههههههههههههههههههههه
ههههههههههههههههههههههههههه
الله يعين صراحه مت ضحك على اخر وحده هههههههههههههههه
يعطيك العافيه ..
فيه جدي ناس؟
اكيييد اغبياء مو قلة رومانسية والله
قلت خلني أونسكن شوي وتستفيدن أقصد تاخذون العضه والعبره الله لايبلانا
وخاصة هالقصة
وهذي وحدة ثانية تقول إنها حطت شموع من عند الباب حق غرفة النوم والشموع طبعاً على الأرض وهي جلست في غرفتها وكاشخة وتنتظر زوجها المهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ما سواه والمسكينة إنهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس للأسف الحين تطلقت (ماتنلام تطلب الطلاق)
يعله دوم الضحكه على شفايفكن يارب